Молитва богородице на учениях

Кондак 1

Избранней от всех родов Божией Матери, Небеси и земли Царице, врачевство духовное всему миру подающей, благодарственная пения приносим о да­ровании Божественнаго сокровища, чудотворныя иконы Ея, «Прибавление ума» нареченныя, еюже ограждаеми, радуемся светло и с любовию взываем: Радуйся, Всемилостивая Владычице, премудрость и разум верным людем Твоим дарующая.

Ангел предстатель послан бысть во град Назарет к чистей Отроковице Ма­рии рещи: радуйся, егда Бог Слово воплощашеся во утробе Ея. Архангела благовестие слышавши, Пречистая Дева во смирении сердца отвеща: се, Раба Гос­подня, буди Мне по глаголу твоему. Мы же грешнии, благоговейне чтуще Матерь Христа Бога нашего, яко Ангелом научихомся, тако со умилением вопием Благо­датней: Радуйся, Благословенная в женах; радуйся, у Господа обретшая благо­дать. Радуйся, силою Всевышняго осенен­ная; радуйся, Духом Святым освященная. Радуйся, верная Рабо Господня; радуйся, Богоизбранная Отроковице. Радуйся, Спасителя мира рождшая; радуйся, Мати Света, всех просвеща­ющая. Радуйся, премудрых превосходящая разум; радуйся, верных озаряющая смыслы. Радуйся, Небеси и земли Царице; радуйся, яко Тя ублажают вси роди. Радуйся, Всемилостивая Владычице, премудрость и разум верным людем Твоим дарующая.

Видящи, Всенепорочная, желание лю­дей новопросвещенных, благослови еван­гельских тайн благовестника апостола Луку написати пречистаго лика Твоего изображение, и на него зрящи, глаголала еси со властию: с сим образом благодать Моя и сила да будет. Темже благоговейне покланяющеся пред святыми иконами Твоими, имиже весь мир христианский украсила еси, благодарственно вопием о Тебе Богу: Аллилуиа.

Разум небесный открывающе, Пречи­стая Дево, благоизволила еси познати всем верным, яко есть воля Божия, бла­гая, угодная и совершенная, и всяк ум превосходящая. Призри на нас, Всепетая Богородице, озари светом истины, утеши нас, яко Мати, настави нас на путь правды, да возопиим моляще Тебе тако: Радуйся, Божию Силу и Божию Пре­мудрость, Христа породившая; радуйся, Бога с Человеком соединив­шая. Радуйся, светом разума души наша просвещающая; радуйся, неизреченныя славы Божия вместилище. Радуйся, почитания святых икон освя­щение; радуйся, духовных сокровищ Пода­тельнице. Радуйся, честным Твоим иконам бла­годать даровавшая; радуйся, яко на иконы Твоя взирающе, Самой Тебе покланяемся. Радуйся, во всем мире исцеления от святых икон Твоих подающая; радуйся, к Небесем умы и сердца наша возводящая. Радуйся, всю вселенную лучами Твоея благодати озарившая; радуйся, с Сыном Твоим и Богом вечно царствующая. Радуйся, Всемилостивая Владычице, премудрость и разум верным людем Твоим дарующая.

Силою благодатною осеняеми, благочестивии людие во град Назарет приидоша и обретоша тамо дом Богородичен, идеже Пречистая Дева родися и благовестие Архангела прият, и пренесоша дом той в землю Италийскую, во град Лорето. Верху же дома онаго доныне есть икона Богородична, от древа сотворена, юже ангельския Небесныя Силы невидимо окружают и благолепно чествуют, радостно вопиюще Богу: Аллилуиа.

Имущи к роду христианскому матер­нее милосердие, вси концы земли ко спа­сению призывавши, Пречистая, темже убо народи разноязычнии от многих стран приходят в дом Твой и пред иконою Твоею исповедуют грехи своя. Того ради от востока до запада прославлена бысть икона Твоя, и избавленнии от болезней, скорбей и напастей людие приносят Ти благодарения, взывающе: Радуйся, Доме, Егоже созда Себе Пре­мудрость Божия; радуйся, граде Божий иже от малаго града Назарета произыде. Радуйся, дом Божий явлением Своим освятившая; радуйся, Святая Святых большая. Радуйся, с Предвечным Богомладенцем в Назарет пришедшая; радуйся, таинству спасения рода человеческаго послужившая. Радуйся, лествице, Еюже восходим от земли на Небо; радуйся, всему миру предивный по­крове. Радуйся, яко с верою покланяемся пречистаго лика Твоего изображению; радуйся, яко от него приемлем благодатныя дары во спасение душ наших. Радуйся, дивная знамения иконами Твоими совершающая; радуйся, державная Заступнице рода христианскаго. Радуйся, Всемилостивая Владычице, премудрость и разум верным людем Твоим дарующая.

Бурею скорби велия одержимь бе изограф некий, в помрачении разума от земных врачей никоеяже пользы получивый. Тогда Пречистая Мати Господа явися болящему и заповеда икону написати, иже дом Ея во граде Лорето освящает. Сия исполнив, изограф исцелися и от того дне икону новописанную «Прибавление ума» нарече, поя пред нею хвалебную песнь Богу: Аллилуиа.

Слышавше людие земли Русския, яко благоизволи Пресвятая Богородица дати им в радость и утешение икону Свою, «Прибавление ума» нареченную, многи­ми списками ея украсиша храмы и домы своя, от нихже дивная знамения и чудеса обильно содеваются всем притекающим с верою и поющим Преблагословенней таковая: Радуйся, образ Твой честный во уте­шение и освящение нам даровавшая; радуйся, болезни душевныя и телесныя иконою Твоею скоро врачующая. Радуйся, землю Русскую покровом милости Твоея осенившая; радуйся, любящия и чтущия Твой об­раз от всяких бед избавляющая. Радуйся, со иконами Твоими благо­датными невидимо в домы наша вхо­дящая; радуйся, благословение и радование тем приносящая. Радуйся, оставленных врачами на Свои всемощныя руце приемлющая; радуйся, иждившим от недуга ум исце­ление подающая. Радуйся, безнадежных Надеждо; радуйся, умов наших Просвещение. Радуйся, познания истины чистое зер­цало; радуйся, яко от востока и до запада имя Твое ублажается. Радуйся, Всемилостивая Владычице, премудрость и разум верным людем Твоим дарующая.

Боготечней звезде подобна явися икона Твоя, Богомати: страну бо нашу Россий­скую и грады ея освящает, сущих во тьме невежества светом боговедения озаряет, разум наш, грехми помраченный, просве­щает, заблуждающихся же на путь дела­ния заповедей Сына Твоего и Бога настав­ляет, Емуже благодарственне вопием: Аллилуиа.

Видевше Божественное сокровище — дивную икону Богоматере, к нейже усерд­но притекающе, в недузех исцеление, в скорбех утешение, в бедах избавление приемлем и радостно поем Заступнице нашей: Радуйся, явлением иконы Твоея вер­ных осиявшая; радуйся, яко Тобою во тьме возсия Солнце Правды, Христос Бог наш. Радуйся, Мати Света умнаго, благодатию всю вселенную озарившаго; радуйся, зарями благодати нас про­свещающая. Радуйся, светом Твоим мрак неведе­ния нашего разгоняющая; радуйся, Дево, яко Тобою свет боговедения всем возсия. Радуйся, свеще неугасимая, свет веры воспламеняющая; радуйся, добродетели путь освещаю­щая. Радуйся, святыни источниче; радуйся, от бед и напастей крепкая наша Хранительнице. Радуйся, любве Божественныя светильниче неугасимый; радуйся, сиянием чудес Твоих весну спасения нам возвещающая. Радуйся, Всемилостивая Владычице, премудрость и разум верным людем Твоим дарующая.

Проповедует мир весь милости Твоя, Мати Господа нашего, во мнозех бо градех и весех земли Русския икона Твоя «Прибавление ума» лучами чудес сияет, просвещающи души наша светом Божия благодати и подвизающи пети прославльшему Тя Богу: Аллилуиа.

Возсиял еси в честней иконе Твоей, Богородице, свет спасения всем, блужда­ющим во тьме грехов и страстей, и всем молящимся пред нею с верою и благого­вением скорая помощь подается. Умов наших омрачение светом Твоим отжени, Всепетая, и даруй Истинный Свет узрети всем, с любовию вопиющим Ти сице: Радуйся, звездо незаходимая, Солнце Правды в мир вводящая; радуйся, Мати Света Истиннаго, души верных просвещающаго. Радуйся, благодатнаго учения Настав­нице; радуйся, яко светлым покровом ум наш омраченный осеняеши. Радуйся, заре невечерняя, мглу наших грехов разгоняющая; радуйся, тьмы и вечных мук нас избав­ляющая. Радуйся, от сетей вражиих свобождающая; радуйся, безумие мира побеждающая. Радуйся, душевредных учений низло­жение; радуйся, душеполезных знаний даро­вание. Радуйся, иконою Твоею нас утешаю­щая; радуйся, светом радости души ободря­ющая. Радуйся, Всемилостивая Владычице, премудрость и разум верным людем Твоим дарующая.

Хотяй всем человеком спастися и в разум истины прийти, премилосердый Гос­подь и Создатель наш образ Пречистыя Матере Своея «Прибавление ума» даровал есть нам, да вси с верою молящиися пред ним, крепость слова, и разум, и мудрость ума приимше, в тишине помыслов Царю и Богу нашему поют: Аллилуиа.

Новая и преславная чудеса являвши, Мати Божия, верным людем святою ико­ною Твоею: силою благодати Христовы помраченныя умом просвещаеши, от без­умия отвращаеши, разслабленныя укрепляеши и всем притекающим к целебному Твоему образу скорую помощь подаеши, подвизающи пети Тебе таковая: Радуйся, из глубины неведения извлачающая; радуйся, многи в разуме просвещаю­щая. Радуйся, слово премудрости просящим дарующая; радуйся, несмысленных разумны содевающая. Радуйся, греховныя помыслы отгоня­ющая; радуйся, сердца ожесточенная умяг­чающая. Радуйся, ум к Богу возвышающая; радуйся, немудрыя умудряющая. Радуйся, ко благочестию наша Настав­нице; радуйся, одевающая нас вечною радостию. Радуйся, к Сыну Твоему и Богу мо­литвы верных приносящая; радуйся, и Сама непрестанно у Пре­стола Вседержителя о всех молящаяся. Радуйся, Всемилостивая Владычице, премудрость и разум верным людем Твоим дарующая.

Странно есть видети икону Твою, Пречистая Богородице Дево, на досце написанную, духов тьмы прогоняющую силою Твоею Божественною и разум по­дающую немощию ума одержимым и всем неудобь учащимся; и нас, во гресех поги­бающих, молим со слезами, избави от враг видимых и невидимых, от тьмы неразумия, да всегда поем Спасителю и Богу нашему: Аллилуиа.

Вся земля Русская преисполнена, яко звездами богосветлыми, чудотворными иконами Твоими, Богородице Дево, в нейже и сия икона Твоя, «Прибавление ума», благодатию сияет и согревает оледене­лая сердца наша знаменьми милости Твоея к нам грешным. Сего ради пред ликом Твоим святым преклоньше колена, вос­певаем Тя, Всепречистая Мати наша, тако: Радуйся, скорби наша в радость пре­творяющая; радуйся, от разжженных стрел лукаваго нас защищающая. Радуйся, младенцев воспитание и бла­годатное хранение; радуйся, юности Охранительнице и Наставнице премудрая. Радуйся, детем неудобь учащимся разум подающая; радуйся, вражия сети разрушающая. Радуйся, верных разум просве­щающая; радуйся, неверныя посрамляющая. Радуйся, помрачением ума одержимых исцеляющая; радуйся, яко благодатию от иконы Твоея демони прогоняются. Радуйся, Мати милосердия и щедрот; радуйся, надеждо вечнаго нашего спа­сения. Радуйся, Всемилостивая Владычице, премудрость и разум верным людем Твоим дарующая.

Всякое естество ангельское благого­вейно Тебе служит, Небеси и земли Ца­рице, человеческий же род хвалы Тебе приносит и Твою святую икону почитает, сию бо во отраду и утешение даровала еси нам. Научи нас, о Всеблагая, достой­но славити Тя и воспевати рождшемуся от Тебе Спасителю мира: Аллилуиа.

Ветии человечестии недоумевают познати тайну служения Твоего роду хрис­тианскому, Богородице, ниже могут изъяснити силу чудотворную, от икон Твоих происходящую на всяку пользу душевную и телесную человеком. Мы же, православнии, со слезами радости пред иконою Твоею святою предстояще, прославляем Тя, Благодатная, и глаголем: Радуйся, Ангелов радование; радуйся, от Архангел покланяемая. Радуйся, Юже на воздусе сретают Херувими; радуйся, Ейже похвальная приносят Серафими. Радуйся, светлое Церкве Небесныя и земныя украшение; радуйся, всех Небесных Сил вышшая. Радуйся, от воинств Небесных почи­таемая; радуйся, всех земнородных славо. Радуйся, образом Твоим умы наша к Горнему возводящая; радуйся, Путеводительнице наша к Небесному Отечеству. Радуйся, сиянием души Твоея всю землю просвещающая; радуйся, всех нас при Кресте Сына Твоего усыновившая. Радуйся, Всемилостивая Владычице, премудрость и разум верным людем Твоим дарующая.

Спасти хотя мир от безумия и прелести вражия, Человеколюбец Господь чуд­ную икону Твою, Богомати, дарова, пред неюже помраченнии умом исцеляются, беснующиися от демонов свобождаются, скорбящии утешение и радость обретают. Темже прославляюще Бога, подающаго нам таковыя милости, вопием Ему благодарне: Аллилуиа.

Стена необоримая и Покров буди нам, Всенепорочная, сопротив ополчений ви­димых и невидимых враг, ограждающи нас от всяких бед и болезней. Сего ради припадающе к иконе Твоей «Прибавле­ние ума», с верою в помощь благодатную и врачевство всем недугом душевным и телесным, радостно вопием Ти сице: Радуйся, от путей погибельных нас удаляющая; радуйся, на всяку истину верных на­ставляющая. Радуйся, духа болезни и уныния отгнание; радуйся, духа разума и крепости стя­жание. Радуйся, врагов силою Божиею по­срамляющая; радуйся, советы нечестивых разоряю­щая. Радуйся, беснующимся здравие пода­ющая; радуйся, вся лютыя недуги врачую­щая. Радуйся, от смерти духовныя нас из­бавляющая; радуйся, слезами Твоими грехи наша омывающая. Радуйся, радостию духовною нас див­но насыщающая; радуйся, и в будущем веце вечныя радости нас сподобляющая. Радуйся, Всемилостивая Владычице, премудрость и разум верным людем Твоим дарующая.

Пение благодарственное приносим пред пречистым образом Твоим, Пренепорочная, за неизреченное Твое милосер­дие и молимся, о Богоблагодатная: огра­ди ум наш и сердце от тлетворных уче­ний, неверия и суеверия, сохрани страну нашу Российскую от всяких нестроений, врагами веры во Отечестве нашем воздвизаемых, и сподоби нас чистым сердцем славити Создателя нашего, поюще песнь: Аллилуиа.

Яко светоприемную свещу зрим ико­ну Твою, Богомати, сиянием чудес землю нашу просвещающую, на путь спасения нас наставляющую и сердца наша любовию воспламеняющую к Тебе, Пречистей Матери Господа. Мы же, ведуще силу благодати Твоея, песньми радостными прославляем Тя сице: Радуйся, премудрости Соломоновы превышшая; радуйся, сокровенныя тайны Божия верным открывающая. Радуйся, любомудрыя немудрыя яв­ляющая; радуйся, молние, души просвещающая. Радуйся, суетную мудрость века сего посрамляющая; радуйся, ослепленных ею на путь пра­вый наставляющая. Радуйся, искренне молящимся ум об­новляющая; радуйся, в час недоумений мысль благу на сердце полагающая. Радуйся, Премудрости и благости Божия откровение; радуйся, Горняго мира Красото. Радуйся, явившая нам дивную икону Твою, яко дар небесный; радуйся, источниче радости непрестанныя. Радуйся, Всемилостивая Владычице, премудрость и разум верным людем Твоим дарующая.

Благодать Божественную испроси у Сына Твоего и Бога, о Всеблагая, подай нам руку помощи, да не погибнем без покаяния; покрый нас любовию Твоею, очисти умы наша от греховных помыс­лов, просвети сердечныя очи наша к зре­нию спасения и сподоби нас в жизни сей и в Царстве Небеснем воспевати Творцу и Создателю нашему: Аллилуиа.

Поюще чудеса, от иконы Твоея явлен­ная, Владычице, хвалим, славим и велича­ем Тя, честнейшую воистинну Херувим и славнейшую без сравнения Серафим. Призри с Небесе, Богородице, на предстоящия пред святою иконою Твоею и благодать Твою низпосли нам, избави от всяких бед и искушений вражиих всех воспевающих Тя, яко Заступницу и Хра­нительницу нашу: Радуйся, молитвами Твоими весь мир спасающая; радуйся, нынешняго скорбнаго века утешение. Радуйся, Мати Света, светом чистоты Твоея всех просвещающая; радуйся, воли Господни тайны нам открывающая. Радуйся, страну Российскую в жре­бий и достояние Себе избравшая; радуйся, явлением чудотворных икон Твоих землю Русскую благословившая. Радуйся, чудесы от образа Твоего к Свету Истины нас возводящая; радуйся, незримо нас 6лагодатию осе­няющая в образе Твоем. Радуйся, радость благодатную в сердца боголюбивая изливающая; радуйся, двери милосердия Божия ходатайством Твоим отверзающая. Радуйся, дары Духа Святаго стяжати нам помогающая; радуйся, едина Чистая и Благословен­ная в женах. Радуйся, Всемилостивая Владычице, премудрость и разум верным людем Твоим дарующая.

О Всепетая Мати Присносущнаго Света и Отчия Премудрости, Ты еси свет омраченных, прибавление ума и радость сердец наших; услыши и приими моле­ние нас грешных, умудри нас неразумных и настави на пение и молитву пред иконою Твоею, «Прибавление ума» наре­ченную. Не престай молити о нас, недо­стойных рабех Твоих, славящих Тя и поющих Сыну Твоему и Богу: Аллилуиа.

(Этот кондак читается трижды, затем икос 1 и кондак 1)

Также читайте у нас на сайте:

Иконы Божьей Матери – Информация о видах иконописи, описания большинства икон Божией Матери.

Жития Святых – Раздел посвященный Житиям Православных Святых.

Начинающему христианину – Информация для тех, кто недавно пришел к Православной Церкви. Наставления в духовной жизни, базовая информация о храме и т.д.

Литература – Собрание некоторой Православной литературы.

Православие и оккультизм – Взгляд Православия на гадания, экстрасенсорику, сглаз , порчу , йогу и подобные “духовные” практики.

http://pravkurs.ru/ – Православный интернет курс дистанционного обучения. Рекомендуем пройти этот курс всем начинающим Православным Христианам. Обучение через интернет проходит два раза в год, запишитесь на следующие курсы сегодня!

Первое Православное радио в ФМ диапозоне!

Можете слушать в автомобиле, на даче, везде где у вас нет доступа к Православной литературе или другим материалам.

Храм Рождества Пресвятой Богородицы

СЕЛО ЩУЧЬЕ • ЛИСКИНСКИЙ РАЙОН • ВОРОНЕЖСКАЯ ОБЛАСТЬ

Молитвы об учёбе

До революции 1917 года русские студенты со школьной скамьи знали, какой святой помогает в учёбе, и кому надлежит молиться перед экзаменом. Общаясь со своими небесными покровителями, ученики обретали уверенность в себе и силы для дальнейшего постижения наук. Но, к сожалению, в период богоборческой власти Всевышнего «попросили удалиться» из школ и университетов… Однако, Он остался в сердцах студентов и всегда охотно откликается на их горячие молитвы.

Молитва Господу Богу о помощи в учёбе

Преблагий Господи, низпосли нам благодать Духа Твоего Святаго, дарствующаго и укрепляющаго душевныя наши силы, дабы, внимающе преподаваемому нам учению, возросли мы Тебе, нашему Создателю, во славу, родителям же нашим на утешение, Церкви и отечеству на пользу.

Молитва Господу Богу перед экзаменом

Господи Иисусе Христе, Сыне Божий, благослови меня на учение (или на экзамен), пошли помощь Твою святую, до возмогу достичь желанного: угодного Тебе, Господи, и для меня полезного. Аминь.

Какие святые помогают в учёбе?

Помимо Всевышнего, в учении студентам помогают и Его угодники – православные святые. Кроме того, существует несколько икон Пресвятой Богородицы, за которыми закрепилась слава чудотворных: по молитвам перед этими образами матери испрашивали разумения и успехов в учёбе для своих детей.

Иконы Богородицы и молитва перед ними, помогающая в учёбе

У Пресвятой Богородицы существуют две иконы, перед которыми молятся об успехах в учёбе и удаче на экзаменах. Называются эти образы «Ключ разумения»

и «Прибавление ума» (икона также известна под именем «Подательница ума»).

О Пресвятая Дево! Ты — Невеста Бога Отца и Матерь Божественнаго Его Сына Иисуса Христа! Ты — Царица Ангелов и спасение людей, обличительница грешников и наказательница богоотступников. Помилуй и нас, тяжко согрешивших и не исполнивших заповедей Божиих, нарушивших обеты крещения и обеты монашества и многие другие, которые обещали исполнять. Когда Дух Святый отступил от царя Саула, тогда боязнь и уныние напали на него и тьма отчаяния и безрадостное состояние души мучили его. Теперь и мы за грехи наши все лишились благодати Духа Святаго. Ум осуетился суетою помышлений, забвение о Боге омрачило души наша, и теперь теснят сердце всякаго рода печали, скорби, болезни, ненависть, зло, вражда, мстительность, злорадство и прочие грехи. И, не имея радости и утешения, зовем к Тебе, Мати Бога нашего Иисуса Христа, да умолиши Сына Твоего простить нам все наши согрешения и послать к нам Духа Утешителя, как послал Он Его на апостолов, да утешенные и просвещенные им воспоим Тебе благодарственную песнь: радуйся Пресвятая Богородице, ко спасению прибавившая нам ума. Аминь

Святая мученица Татиана Римская

Татьяна Римская почитается в России как небесная покровительница студентов. Этот «статус»] она приобрела в день учреждения Московского Государственного университета, дата основания которого совпадает с церковным праздником в честь святой и «Днём студента»] в нашей стране. При первом здании МГУ – факультете журналистики на улице Моховой – устроен небольшой храм в честь мученицы Татианы. Помолиться ей накануне экзаменов часто приходят как студенты журфака, так и ученики других учреждений.

О, святая мученице Татиано, невесто Сладчайшего Жениха Твоего Христа! Агнице Агнца Божественнаго! Голубице целомудрия, благоуханное тело страданьми яко одеждами царскими одеявшая, к ликом небесным сопричтенная, ликующая ныне во славе вечной, от дней юности служительнице Церкве Божия, целомудрие соблюдшая и паче всех благ Господа возлюбившая! Тебе мы молимся и тебе мы просим: внемли прошениям нашим сердечным и не отвергай молений наших, даруй чистоту тела и души, вдохни любовь к Божественным истинам, на путь добродетельный введи нас, ангельское охранение испроси у Бога нам, наша раны и язвы уврачуй, юность огради, старость безболезненну и безбедну даруй, в смертнем часе помози, поминай наша скорби и отраду даруй, посети нас сущих в темнице греха, на покаяние настави скоро, возжи пламень молитвы, не остави нас сирых, да славяще страдания твоя, возсылаем хвалу Господу, ныне, и присно, и во веки веков. Аминь

Преподобный Сергий Радонежский

Сергий Радонежский – в миру Варфоломей – приступил к изучению наук в 7 лет. Однако с первых же дней в школе он с горечью понял, что не обладает талантом к учению: ребёнок даже не мог прочесть Святое Писание, как бы не старался это сделать. Родители его ругали, а друзья и старшие браться подшучивали над несчастным школяром. Маленький Варфоломей каждый день молился Господу Богу о том, чтобы тот помог ему овладеть грамотой и чтением. И чудо однажды свершилось: Варфоломей встретил благородного старца, под ликом которого скрывался Ангел Господень. Мальчик излил незнакомцу душу, и тот пообещал ему, что мечты обязательно исполнятся – Варфоломей не только освоит Святое Писание, но и превзойдёт в учении всех своих знакомых. В тот же день мальчик впервые смог прочесть строки из Евангелие правильно, причём он сделал это настолько красиво и проникновенно, что больше никому и в голову не приходило шутить над ним.

Молитва Сергию Радонежскому об учёбе и духовном просвещении

О священная главо, Преподобне и Богоносне отче наш Сергие, молитвою твоею, и верою, и любовию, яже к Богу, и чистотою сердца, еще на земли во обитель Пресвятыя Троицы душу твою устроивый, и ангельскаго общения и Пресвятыя Богородицы посещения сподобивыйся, и дар чудодейственныя благодати приемый, по отшествии же твоем от земных наипаче к Богу приближивыйся, и Небесныя Силы приобщивыйся, но и от нас духом любве своея не отступивый и честныя твоя мощи, яко сосуд благодати полный и преизливающийся, нам оставивый! Велие имея дерзновение ко Всемилостивому Владыце, моли спасти рабы Его, сущей в тебе благодати Его верующия и к тебе с любовию притекающия. Испроси нам от великодаровитаго Бога нашего всякий дар, всем и коемуждо благопотребен, веры непорочны соблюдение, градов наших утверждение, мира умирение, а от глада и пагубы избавление, от нашествия иноплеменных сохранение, скорбящим утешение, недугующим исцеление, падшим возставление, заблуждающим на путь истины и спасения возвращение, подвизающимся укрепление, благоделающим в делах благих преуспеяние и благословение, младенцам воспитание, юным наставление, неведущим вразумление, сиротам и вдовицам заступление, отходящим от сего временнаго жития к вечному благое уготовление и напутствие, отшедшим блаженное упокоение, и вся ны споспешествующими твоими молитвами сподоби в день Страшнаго Суда шуия части избавится, десныя же страны общники быти и блаженный оный глас Владыки Христа услышати: приидите, благословеннии Отца Моего, наследуйте уготованное вам Царствие от сложения мира. Аминь.

Святой Иоанн Кронштадтский

Иоанн Кронштадтский начал учиться в школе в 6 лет, но знания ему давались с огромным трудом. Это очень сильно печалило ребёнка – ведь на его обучение родители отдали все имеющиеся средства. Сам святой об этом периоде своей жизни вспоминал так: «Я не мог никак усвоить тождество между нашей речью и письмом, между звуком и буквою»]. Иоанн часто вставал ночью, чтобы помолиться Богу и в своём духовном диалоге просил Его о капли разумения, которая помогла бы понять науки и освоить грамоту. Чаяния маленького Иоанна были услышаны – потихоньку дела в школе пошли на лад, и в итоге выпускался святой уже лучшим учеником, а впоследствии блестяще окончил Архангельскую семинарию и был за счёт государства зачислен в Духовную Академию Санкт-Петербурга.

Молитва Иоанну Кронштадтскому о помощи в учёбе и наставлении на путь истинный

О великий угодниче Христов, святый праведный отче Иоанне Кронштадтский, пастырю дивный, скорый помощниче и милостивый предстателю! Вознося славословие Триединому Богу ты молитвенно взывал: «Имя Тебе Любовь: не отвергни меня заблуждающегося. Имя Тебе Сила: укрепи меня изнемогающего и падающего. Имя Тебе Свет: просвети душу мою, омраченною житейскими страстями. Имя Тебе Мир: умири мятущуюся душу мою. Имя Тебе Милость: не переставай миловать меня». Ныне благодарная Твоему предстательству всероссийская паства молится тебе: Христоименитый и праведный угодниче Божий! Любовию твоею озари нас, грешных и немощных, сподоби нас, принести достойные плоды покаяния и неосужденно причащатися Святых Христовых Тайн. Силою твоею веру в нас укрепи, в молитве поддержи, недуги и болезни исцели, от напастей, врагов видимых и невидимых избави. Светом лика твоего служителей и предстоятелей алтаря Христова на святые подвиги пастырского делания подвигни, младенцам воспитание даруй, юность настави, старость поддержи, святыни храмов и святые обители озари. Умири, Чудотворче и Провидче преизряднейший, народы страны нашея, благодатию и даром Святаго Духа избави от междоусобныя брани; рассточенныя собери, прельщенныя обрати и совокупи Святей Твоей Соборной и Апостольской Церкви. Милостию твоею супружества в мире и единомыслии соблюди, монашествующим в делах благих преуспеяние и благословение даруй, малодушныя утеши, страждущих отдухов нечистых свобода, в нуждах и обстояниях сущих помилуй и всех нас на путь спасения настави. Во Христе живый, отче наш Иоанне, приведи нас к невечернему свету жизни вечныя, да сподобимся с тобою вечного блаженства, хваляще и превозносяще Бога во веки веков. Аминь.

Святая Матрона Московская

Матрона прославилась ещё в свои земные годы – она никогда не отказывала людям в помощи и сотворила множество чудес. Значительная их часть была связана с помощью в вопросах образования. Зинаида Жданова – ближайшая подруга святой – всегда восхищалась удивительной прозорливостью матушки (именно так она называла Матрону). Однажды святая даже помогла ей защитить диплом. Девушка училась в архитектурной академии и очень боялась защиты – руководитель открыто сообщил ей, что экзамен она не сдаст. И, в надежде на чудо, студентка пришла в Матроне. И хотя у святой не было никакого образования, она прикрыла глаза и внезапно начала перечислять имена известных архитекторов, названия улиц и даже номера домов в итальянском городе Флоренция. Создавалось впечатление, что Матрона видит всё это наяву – она подсказала Зинаиде, как надо усовершенствовать проект. Всю ночь девушка переделывала чертежи, а утром, на защите, получила настоящие овации! Откликается Матрона Московская и на молитвы о помощи в учёбе и в наши дни.

Краткая молитва Матроне перед экзаменом

Святая праведница матушка Матрона! Всем людям ты помощница, помоги и мне (в чём нужна помощь). Не оставь меня помощью и заступничеством своим, моли Господа о рабе Божьем (имя). Во имя Отца и Сына и Святого Духа. Аминь.

О блаженная мати Матроно, услыши и приими ныне нас, грешных, молящихся тебе, навыкшая во всем житии твоем приимати и выслушивати всех страждущих и скорбящих, с верою и надеждою к твоему заступлению и помощи прибегающих, скорое поможение и чудесное исцеление всем подавающи; да не оскудеет и ныне милосердие твое к нам, недостойным, мятущимся в многосуетнем мире сем и нигдеже обретающим утешения и сострадания в скорбех душевных и помощи в болезнех телесных: исцели болезни наша, избави от искушений и мучительства диавола, страстно воюющаго, помози донести житейский свой Крест, снести вся тяготы жития и не потеряти в нем образ Божий, веру православную до конца дней наших сохранити, упование и надежду на Бога крепкую имети и нелицемерную любовь к ближним; помози нам по отшествии из жития сего достигнути Царствия Небеснаго со всеми угодившими Богу, прославляюще милосердие и благость Отца Небеснаго, в Троице славимаго, Отца и Сына и Святаго Духа, во веки веков. Аминь.

Николай Угодник – великий чудотворец, которого чтят не только христиане, но и буддисты, и мусульмане. Святой охотно откликается на каждую добрую просьбу, в том числе и на молитвы о помощи в учёбе. О небесном покровительстве Николая успешной сдаче экзаменов или освоении наук существует множество свидетельств.

Молитва Николаю Чудотворцу о помощи во всяком благом деле

О, всесвятый Николае, угодниче преизрядный Господень, теплый наш заступниче, и везде в скорбех скорый помощниче! Помози мне грешному и унылому в настоящем сем житии, умоли Господа Бога даровати ми оставление всех моих грехов, елико согреших от юности моея, во всем житии моем, делом, словом, помышлением и всеми моими чувствы; и во исходе души моея помози ми окаянному, умоли Господа Бога, всея твари Содетеля, избавити мя воздушных мытарств и вечного мучения: да всегда прославляю Отца и Сына и Святаго Духа, и твое милостивное предстательство, ныне и присно и во веки веков. Аминь.

Кому ещё можно молиться перед экзаменом и о помощи в учёбе?

Помимо перечисленных выше, в христианстве есть и другие святые, прославившиеся помощью в учении. Это святые славные и всехвальные первоверховные апостолы Петр и Павел (день памяти 12 июля н.с.), так же, как и другие апостолы, имевшие особые дары в деле проповеди и научения. Особенно следует отметить их дар, который они получили от Бога, – свободно разговаривать и понимать иностранные языки. Существует немало свидетельств о том, что Блаженная Ксения Петербургская охотно откликается на молитвы о даровании знаний и успехах на образовательном поприще. Также можно молиться святым Кириллу и Мефодию – прародителям нашего алфавита. Вселенские учителя Василий Великий, Иоанн Златоуст и Григорий Богослов всегда утверждали, что стремление к знанию, есть стремление к свету и поддерживали юных людей в учёбе. А потому с просьбами о помощи на экзаменах, в школе или в университете, надлежит обращаться и к ним.

Кроме этого, молиться можно и своему Ангелу-хранителю. Он бдит за нашим духовным совершенствованием, а образование является его неотъемлемой частью. Также вы можете обращаться к своему тезоименному или просто любимому святому – сердечная, искренняя и благая молитва будет услышана каждым из угодников Божьих. А после полученной помощи не забудьте прочесть Всевышнему благодарственную молитву.

Благодарственная молитва Богу, которая читается после учебного дня

Благодарим Тебе, Создателю, яко сподобил еси нас благодати Твоея, во еже внимати учению. Благослови наших начальников, родителей и учителей, ведущих нас к познанию блага, и подаждь нам силу и крепость к продолжению учения сего.