Советуем ознакомиться молитва иоанну предтече о примирении с несколькими вариантами на русском языке, с полным описанием и картинками.
Молитвы о примирении родителей и детей
С этими молитвами обращаются к святым с просьбой о примирении членов семьи, об укреплении семьи и о защите отношений от скверна:
— от ссор между родителями и детьми,
— ради мира между детьми.
Молитва святым Борису и Глебу о примирении родных
Молитва первая
О двоице священная, братие прекрасная, доблии страстотерпцы Борисе и Глебе, от юности Христу верою, чистотою и любовию послужившии, и кровми своими,
яко багряницею украсившиися и ныне со Христом царствующии, не забудите и нас сущих на земли,
но яко теплии заступницы, вашим сильным ходатайством пред Христом Богом, сохраните юных во святей вере и чистоте неврежденными от всякаго прилога неверия и нечистоты, оградите всех нас от всякия скорби,
озлоблений и напрасныя смерти, укротите всякую вражду и злобу, действом воздвизаемую от ближних и чуждых, Молим вас, христолюбивии страстотерпцы,
испросите у Великодаровитаго Владыки всем нам оставление прегрешений наших, единомыслие и здравие, избавление от нашествия иноплеменных, междоусобныя брани, язвы и глада.
Снабдевайте своим заступлением всех чтущих святую память вашу во веки веков.
Молитва вторая
О двоице священная, страстотерпцы Борисе и Глебе!
Не забудите нас, раб Божиих (имена), но яко заступницы, вашим сильным ходатайством пред Христом Богом нас помилуйте;
от нечистоты сохраните, от скорби, озлоблений и внезапный смерти избавите.
Испросите у Великодаровитаго Владыки нам оставление прегрешений наших, единомыслие и здравие.
Снабдевайте заступлением вашим приход сей, дом (святый храм) сей и вся чтущия святую память вашу во веки веков.
Молитва перед иконой Богородицы «Владимирская» о примирении родителей и детей
О Всемилостивая Госпоже Богородице, Небесная Царице, Всемощная Заступнице, непостыдное наше Упование!
Благодаряще Тя о всех великих благодеяниях, в роды родов людем российским от Тебе бывших, пред пречистым образом Твоим молим Тя:
сохрани град сей (или: весь сию, или: святую обитель сию) и предстоящия рабы Твоя и всю землю Русскую от глада, губительства, земли трясения, потопа, огня, меча, нашествия иноплеменных и междоусобныя брани.
Сохрани и спаси, Госпоже, Великаго Господина и Отца нашего Алексия, Святейшаго Патриарха Московскаго и всея Руси, и Господина нашего (имя), Преосвященнейшаго епископа (или: архиепископа, или: митрополита) (титул), и вся Преосвященныя митрополиты, архиепископы и епископы православныя.
Даждь им Церковь Российскую добре управити, верныя овцы Христовы негиблемы соблюсти.
Помяни, Владычице, и весь священнический и монашеский чин, согрей сердца их ревностию о Бозе и достойно звания своего ходити коегождо укрепи.
Спаси, Госпоже, и помилуй и вся рабы Твоя и даруй нам путь земнаго поприща без порока преити.
Утверди нас в вере Христовой и во усердии ко Православней Церкви, вложи в сердца наша дух страха Божия, дух благочестия, дух смирения,
в напастех терпение нам подаждь, во благоденствии — воздержание, к ближним любовь, ко врагом всепрощение, в добрых делех преуспеяние.
Избави нас от всякаго искушения и от окамененнаго нечувствия, в страшный же день Суда сподоби нас ходатайством Твоим стати одесную Сына Твоего, Христа Бога нашего.
Емуже подобает всякая слава, честь и поклонение со Отцем и Святым Духом, ныне и присно, и во веки веков.
Молитва перед иконой Богородицы «Знамение» о примирении близких людей
О, Пресвятая и Преблагословенная Мати Сладчайшаго Господа нашего Иисуса Христа!
Припадаем и покланяемся Тебе пред святою чудотворною иконою Твоею, воспоминающе дивное знамение Твоего заступления, Великому Новуграду от нея явленное во дни ратнаго на сей град нашествия.
Смиренно молим Тя, Всесильная рода нашего Заступнице:
якоже древле отцем нашим на помощь тогда ускорила еси, тако и ныне нас немощных и грешных Твоего Матерняго заступления и благопопечения сподоби.
Церковь святую утверди, град Твой и всю страну нашу православную и всех нас, припадающих к Тебе с верою и любовию и умиленно просящих со слезами Твоего заступления, помилуй и сохрани.
Ей, Госпоже Всемилостивая!
Умилосердися на ны, обуреваемыя грехми многими, простри ко Христу Богу Богоприимнеи руце Твои и предстательствуй за нас пред благостию Его, просящи нам прощения прегрешений наших,
благочестнаго, мирнаго жития, благия христианския кончины и добраго ответа на страшнем суде Его, да спасаеми всесильными Твоими к Нему молитвами, блаженство райское унаследуем, и со всеми святыми воспоем Пречестное и Великолепое имя Достопокланяемыя Троицы, Отца и Сына и Святаго Духа, и Твое велие к нам милосердие во веки веков.
Молитва о примирении родных перед иконой Богородицы «Умягчение злых сердец»
О многострадальная Мати Божия, Превысшая всех дщерей земли, по чистоте Своей и по множеству страданий, Тобою на земли перенесенных, приими многоболезненныя воздыхания наша и сохрани нас под кровом Твоея милости.
Иного бо прибежища и теплаго предстательства разве Тебе не вемы, но, яко дерзновение имущая ко Иже из Тебе рожденному,
помози и спаси ны молитвами Своими, да непреткновенно достигнем Царствия Небеснаго, идеже со всеми святыми будем воспевать в Троице единому Богу ныне и присно, и во веки веков.
Молитва Иисусу Христу о примирении родных людей
Молитва первая
Господи Иисусе Христе, сыне Божий.
Снизойди до нас просящих, да отпусти все деяния греховные.
Смилуйся и победи вражду между рабами твоими (называете поочередно имена тех, кого желаете помирить).
Очисти души их от скверны и силы диавольской, защити от людей дурных и глаз завистливых.
Яко ссора по деянию злобному, возврати ее нечестивым супостатам.
Да будет воля Твоя и ныне, и присно, и во веки веков.
Молитва вторая
Сладчайший Иисусе, Боже сердца моего!
Ты даровал мне детей по плоти, они Твои по душе;
и мою, и их души искупил Ты Своею неоцененною кровию;
ради крови Твоея Божественныя умоляю Тебя, сладчайший мой Спаситель, благодатию Твоею прикоснись сердца детей моих (имена) и крестников моих (имена), огради их страхом Твоим Божественным;
удержи их от дурных наклонностей и привычек, направь их на светлый путь жизни, истины и добра.
Укрась жизнь их всем добрым и спасительным, устрой судьбу их, яко же Ты сам хочеши, и спаси души их ими же веси судьбами!
Господи, Боже Отцев наших!
Детям моим (имена) и крестникам (имена) дай сердце правое, чтобы соблюдать заповеди Твои, откровения твои и уставы Твои.
И исполнять всё это!
Молитва о примирении Господу Богу
Молитва первая
Владыко Человеколюбче, Царю веков и Подателя благих, разрушивший вражды средостения и мир подавший роду человеческому, даруй и ныне мир рабом Твоим, вкорени в них страх Твой и друг к другу любовь утверди:
угаси всяку распрю, отъими вся разгласия и соблазны.
Яко Ты еси мир наш и Тебе славу возсылаем, Отцу и Сыну и Святому Духу, ныне и присно и во веки веков.
Молитва вторая
Господи, Боже, Вседержителю, призри на нас, грешных и недостойных чад Твоих, согрешивших пред Тобою, прогневавших благость Твою, навлекших гнев Твой праведный на ны, падших во глубину греховную.
Ты зриши, Господи, немощь нашу и скорбь душевную, веси растление умов и сердец наших, оскудение веры, отступление от заповедей Твоих,
умножение нестроений семейных, разъединения и раздоры церковный, Ты зриши печали и скорби наша, от болезней, гладов, потопления, запаления и междоусобныя брани происходящыя.
Но, Премилостивый и Человеколюбивый Господи, вразуми, настави и помилуй нас, недостойных.
Исправи жизнь нашу греховную, утоли раздоры и нестроения, собери расточенныя, соедини разсеянныя, подаждь мир стране нашей и благоденствие, избави ю от тяжких бед и несчастий.
Всесвятый Владыко, просвети разум наш светом учения Евангельскаго, возгрей сердца наша теплотою благодати Твоея и направи я к деланию заповедей Твоих, да прославится в нас всесвятое и преславное имя Твое, Отца и Сына и Святаго Духа, ныне и во веки веков.
Молитва третья
Боже и Отче, Создатель и Сохранитель всех тварей!
Облагодатствуй моих бедных детей (имена) Духом Твоим Святым, да возжжет Он в них истинный страх Божий, который есть начало премудрости и прямое благоразумие, по которому кто поступает, того хвала пребывает вечно.
Облаженствуй их истинным познанием Тебя, соблюди их от всякаго идолослужения и лжеучения, сделай, чтоб возросли в истинной и спасающей вере и во всяком благочестии, и да пребудут в них постоянно до конца.
Даруй им верующее, послушное и смиренное сердце и разум, да возрастают в летах и в благодати пред Богом и пред людьми.
Насади в сердце их любовь к Твоему Божественному Слову, чтобы они были благоговейны в молитве и в богослужении, почтительны к служителям Слова и со всяким искренни в поступках, стыдливы в телодвижениях, целомудренны в нравах, истинны в словах, верны в делах, прилежны в занятиях, счастливы в исполнении обязанностей своих, разумны и праводетельны ко всем людям.
Соблюди их от всех соблазнов злого мира, и да не развратит их худое общество.
Не попусти им впасть в нечистоту и нецеломудрие, да не сократят сами себе жизни своей и да не оскорбят других.
Буди защитой их во всякой опасности, да не подвергнутся внезапной погибели.
Соделай, чтоб не увидели мы в них себе бесчестия и посрамления, но честь и радость, чтоб умножилось ими Царство Твое и увеличилось число верующих,
и да будут они на небеси окрест трапезы Твоей, как небесные масличные ветви,
и со всеми избранными да воздадут Тебе честь, хвалу и прославление чрез Иисуса Христа, Господа нашего.
Молитва четвертая
Владыко Человеколюбче, Царю веков и Подателю благих, разрушивший вражды средостения и мир подавший роду человеческому, даруй и ныне мир рабам Твоим (имена):
вкорени в них страх Твой, и друг ко другу любовь утверди: угаси всяку распрю, отими вся разногласия соблазны.
Яко Ты еси мир наш, и Тебе славу возсылаем, Отцу, и Сыну, и Святому Духу, ныне и присно, и во веки веков.
Молитва пятая
Великий и Всемогущий, Господи Всевышний, Ты источник даров и милости для всех живущих людей.
От Тебя исходит благо, и ты даруешь нам грешным надежду.
Я мать и благодарю Тебя за то, что испытала чувство материнства.
Молю тебя за благополучие своих детей, прилежно преклоняюсь и искренне в своих грехах раскаиваюсь.
Ты Всевышний даровал жизнь моим детям и принял их святым крещением, чтобы они шли праведным путем и достигли Царства Небесного.
Сбереги и защити моих детей своей благостью до конца дней их.
Истинный только Ты, да святится имя Твое.
Помоги мне, Господи, воспитать их по заповедям Твоим во славу имени Твоего и на пользу всем.
Даруй мне, Господи, терпение и силу, чтобы я всегда могла понять и простить своих детей.
Господи Великий, просвети их благим светом Твоей Премудрости, вложи в их души искреннюю любовь.
Пусть в душах их и сердцах родится страх и отвращения к любому беззаконию. Укрась, Господи, целомудрием и честностью их души.
Защити их от клеветы и оговоров несправедливых.
Избавь их от тщеславия и всякой мерзости.
Пусть мои дети преуспевают в добродетелях и святости, любви и благочестии.
Направь своего Ангела-хранителя к ним, чтоб каждую минуту он находился с ними рядом.
А если так случится, что детям моим придется в этой жизни согрешить, не отвернись от них, Господи.
Будь к ним милостив, прими их искреннее покаяние и очисти их души.
А после этого направь на истинный путь и защити от соблазнов мира окружающего.
Избавь моих детей от бед и горестей, от скорби и болезней и от разных опасностей.
Даруй мне веселье и радость от благополучия детей моих.
Молитва Гурию, Самому и Авиву о примирении близких людей
О святии мученицы и исповедницы Христовы Гурие, Самоне и Авиве!
Теплии о нас ходатаи и молитвенницы пред Богом, во умилении сердец наших, взирая на пречистый ваш образ, смиренно молим вас:
услышите нас, грешных и недостойных рабов своих, сущих в бедах, скорбех и напастех, и призрев наша тяжкая и бесчисленная прегрешения,
явите нам свою великую милость, воздвигните нас из глубины греховныя, просветите наш ум, смягчите злое и окаянное сердце, прекратите зависть, вражду и раздоры, в нас живущие.
Осените нас миром, любовию и страхом Божиим, умолите милосерднаго Господа, да покрыет множество грехов наших Своим неизреченным милосердием.
Да соблюдет Церковь Свою святую от неверия, ересей и расколов.
Да подаст стране нашей мир, благоденствие, земли плодородие;
супругам любовь и согласие;
чадам послушание; обидимым терпение;
обидящим страх Божий;
Всех же нас да покрыет Своею всесильною десницею, и да избавит от глада, губительства, труса, потопа, огня, меча, нашествия иноплеменников и междоусобныя брани, и напрасныя смерти.
Да оградит нас ополчением святых Своих Ангелов, во еже избавитися нам по исходе нашем из жития сего от козней лукаваго и тайных воздушных мытарств его,
и не осужденными предстати Престолу Господа Славы, идеже лицы святых Ангел со всеми святыми выну славят пресвятое и великолепое Имя Отца и Сына и Святаго Духа, ныне и присно и во веки веков.
Молитва о примирении близких Параскеве Пятнице
Святая невесто Христова, многострадальная мученице Параскево!
Вемы, яко от юности твоея ты всею душею твоею и всем сердцем твоим возлюбила еси Царя Славы, Христа Спасителя, и Ему единому уневестилася еси, раздавши имения твоя неимущим и бедным.
Ты силою благочестия твоего, твоим целомудрием и праведностию, яко лучами солнечными, просияла еси, живши свято среди неверных и безбоязненно проповедавши им Христа Бога.
Ты, от дней юности твоея, наученная твоими родителями, всегда благоговейно чествовала дни искупительных страстей Господа нашего Иисуса Христа, Егоже ради и сама добровольно пострадала еси.
Ты, десницею Ангела Божия от неисцельных ран дивно исцеленная и восприявшая неизреченную светлость, изумила еси неверных мучителей.
Ты, именем Господа нашего Иисуса Христа и силою молитвы твоею в капище языческом всех идолов долу повергши, в прах сокрушила еси я.
Ты, опаляемая свещами, единою молитвою твоею ко всесильному Господу угасила еси огнь естественный, и тем же пламенем, чудесне возжженным чрез Ангела Божия, попаливши неистовых беззаконников, мног народ привела еси к познанию истиннаго Бога.
Ты, во славу Господа приявши мечное главы твоея усечение от мучителей, доблественно скончала еси страдальческий твой подвиг,
возшедши душею твоею на Небеса, в чертог вожделеннаго твоего Жениха Христа Царя Славы, радостно сретшаго тя сим небесным гласом: «Радуйтеся, праведнии, яко мученица Параскева увенчася!»
Темже и мы днесь приветствуем тя, многострадальная, и, взирающе на святую твою икону, с умилением вопием ти: всечестная Параскево!
Вемы, яко велие имаши дерзновение ко Господу:
умоли убо Его, Человеколюбца, и о нас предстоящих и молящихся ти.
Да подаст Он и нам, якоже тебе, терпение и благодушие в бедах и скорбных обстояниях;
да дарует Он, ходатайством твоим и заступлением, радостное, благоденственное и мирное житие, здравие же и спасение,
и во всем благое поспешение возлюбленному нашему отечеству да ниспослет святое Свое благословение и мир, и всем православным христианом да подаст твоими святыми молитвами утверждение в вере, благочестии и святости, преспеяние же в христианской любви и всякой добродетели;
да очистит нас грешных от всякия скверны и порока;
да оградит нас святыми Своими ангелами, да заступит, сохранит и помилует всех святою Своею благодатию и соделает наследниками и причастниками Небеснаго Своего Царствия.
И тако улучивше спасение твоими святыми молитвами, предстательством и заступлением, всеславная невесто Христова Параскево,
прославим все пречестное и великолепое имя дивнаго во святых Своих истиннаго Бога, Отца, и Сына, и Святаго Духа, всегда, ныне и присно, и во веки веков.
Молитва Адриану и Наталии о примирении членов семьи
О священная двоице, святии мученицы Христовы Адриане и Наталие, блаженнии супрузи и доблии страдальцы!
Услышите нас, молящихся вам со слезами, и низпослите на ны вся благопотребная душам и телесем нашим,
и молите Христа Бога, да помилует нас и сотворит с нами по милости Своей, да не погибнем во гресех наших.
Ей, святии мученицы!
Приимите глас моления нашего, и избавите ны молитвами вашими от глада, губителъства, труса, потопа, огня, града, меча, нашествия иноплеменников и междоусобныя брани, от внезапныя смерти и от всех бед, печалей и болезней,
да присно вашими молитвами и предстательством укрепляеми, прославим Господа Иисуса Христа, Емуже подобает всякая слава, честь и поклонение, со безначальным Его Отцем и Пресвятым Духом, во веки веков.
Молитва о примирении членов семьи Ангелу-хранителю
Испросив благословения Господня преумножить род свой, я ныне взываю к тебе, святый ангеле, хранитель мой и заботливый опекун.
Молю тебя оберегать семью мою от раздора, прошу за детей своих.
Пусть каждое чадо мое (имя) будет любить и повиноваться мне, их родителю, в Господе, как сказано в Священном Писании.
Пусть внемлют мои чада слову моему, ибо через слово мое познают они Слово Божие.
Аз же следую воле Божией и выращиваю детей своих в любви и уважении к Господу Богу нашему.
Молитвы святым
Память: 7 / 20 января (Собор Иоанна Предтечи), 24 февраля / 9 марта (Первое и второе обретение главы Иоанна Предтечи), 25 мая / 7 июня (Третье обретение главы Иоанна Предтечи), 24 июня / 7 июля, 29 августа / 11 сентября (Усекновение главы Иона Предтечи), 23 сентября / 6 октября (Зачатие порока Иоанна Предтечи) , 12 / 25 октября (Перенесение десной руки)
Величайший и последний из пророков Израиля. Как проповеднику покаяния ему молятся о вразумлении грешников, даровании видения и понимания своих грехов и их причин, о приобщении к Церкви некрещеных людей, маловеров и сектантов, и даровании покаянного чувства, о помощи заключенным. К нему прибегают за духовной помощью во время длительных постов. Пророка Иоанна Предтечу просят о изобилии плодов земных, он издревле особо почитался крестьянами и пчеловодами.
Пророк Иоанн Предтеча. Икона деисусного чина, XIV век. Визаинтия. Сербский монастырь Хиландар
Собор пророка Иоанна Предтечи
Тропарь пророка Иоанна Предтечи, глас 2
Память праведнаго с похвалами, тебе же довлеет свидетельство Господне, Предтече: показал бо ся еси воистинну и пророков честнейший, яко и в струях крестити сподобился еси Проповеданнаго. Темже, за истину пострадав, радуяся, благовестил еси и сущим во аде Бога, явльшагося плотию, вземлющаго грех мира и подающаго нам велию милость.
Кондак пророка Иоанна Предтечи, глас 6
Плотскаго Твоего пришествия убоявся, Иордан страхом возвращашеся;пророческое же служение исполняя, Иоанн трепетом спряташеся; Ангельския чини ужасахуся, зряще Тя, во струях плотию крещаема; и вси, сущии во тьме, озаряхуся, воспевающе Тя, явльшагося и просветившаго вся.
Первое и второе обретение главы Иоанна Предтечи
Тропарь пророку Иоанну Предтече, глас 4
От земли возсиявши, Предтечева глава лучи испущает нетления верным исцелений, свыше собирает множество Ангел, доле же созывает человеческий род единогласную возсылати славу Христу Богу.
Кондак пророку Иоанну Предтече, глас 6
Пророче Божий и Предтече благодати, главу твою, яко шипок священнейший, от земли обретше, исцеления всегда приемлем, ибо паки, якоже прежде, в мире проповедуеши покаяние.
Третье обретение главы Иоанна Предтечи
Тропарь пророку Иоанну Предтече, глас 4
Яко Божественное сокровище, сокровенное в земли, Христос откры главу твою нам, пророче и Предтече. Вси убо, сошедшеся в сея обретение, песньми богоглаголивыми Спаса воспоим, спасающа нас от тления молитвами твоими.
Кондак пророку Иоанну Предтече, глас 6
Светоявленный и Божественный в мире столп, солнца светильник, Предтеча, главу светоносную и Божественную свою показавый в концех, освящает той верно покланяющихся и взывающих: Христов премудрый Крестителю, спаси всех нас.
Рождество святого Пророка, Предтечи и Крестителя Господня Иоанна
Тропарь пророку Иоанну Предтече, глас 4-й
Пророче и Предтече пришествия Христова, достойно восхвалити тя недоумеем мы, любовию чтущии тя: неплодство бо рождшия и отчее безгласие разрешися славным и честным твоим рождеством, и воплощение Сына Божия мирови проповедуется.
Кондак пророку Иоанну Предтече, глас 3-й
Прежде неплоды днесь Христова Предтечу раждает, и той есть исполнение всякаго пророчества: Егоже бо пророцы проповедаша, на Сего во Иордане руку положив, явися Божия Слова пророк, проповедник, вкупе и Предтеча.
Величание пророку Иоанну Предтече
Величаем тя, Предтече Спасов Иоанне, и чтим еже от неплодове преславное рождество твое.
Усекновение главы Иоанна Предтечи
Тропарь пророку Иоанну Предтече, глас 2
Память праведнаго с похвалами, тебе же довлеет свидетельство Господне, Предтече: показал бо ся еси воистинну и пророков честнейший, яко и в струях крестити сподобился еси Проповеданнаго. Темже за истину пострадав, радуяся, благовестил еси и сущим во аде Бога, явльшагося плотию, вземлющаго грех мира и подающаго нам велию милость.
Кондак пророку Иоанну Предтече, глас 5
Предтечево славное усекновение смотрение бысть некое Божественное, да и сущим во аде Спасово проповесть пришествие. Да рыдает убо Иродия, беззаконное убийство испросивши: не закон бо Божий, ни живый век возлюби, но притворный, привременный
Величание пророку Иоанну Предтече
Величаем тя, Крестителю Спасов Иоанне, и почитаем вси/ честныя твоея главы усекновение.
Зачатие порока Иоанна Предтечи
Тропарь пророку Иоанну Предтече, глас 4
Первее нераждающая неплоды, возвеселися, се бо зачала еси Солнца светильника яве, просвещати имуща всю вселенную, слепотою недугующую. Ликуй, Захарие, вопия со дерзновением:// пророк Вышняго есть хотяй родитися.
Кондак пророку Иоанну Предтече, глас 1
Веселится светло Захария великий со всеславною Елисаветию сопружницею, достойно зачинающе Иоанна Предтечу, егоже Архангел благовести, радуяся, и человецы достодолжно почтим, яко таинника благодати.
Перенесение десной руки пророка Иоанна Предтечи
Тропарь пророку Иоанну Предтече, глас 4
От запада возсиявши Предтечева рука, лучи испущает нетления верным исцелений, свыше собирает множество Ангел,/ доле же созывает человеческий род, единогласно возсылати славу Христу Богу.
Кондак пророку Иоанну Предтече, глас 6
Умнаго Солнца светильник Божественный Предтеча, показавый в концех светоносную свою десницу, ныне на севере озаряет ею блаженное Отечество наше, просвещая и освящая верно покланяющихся, и Христу вопиющих: спаси нас молитвами пророка Твоего, Царю Вышний.
Молитва первая пророку Иоанну Предтече
Крестителю Христов, честный Предтече, крайний пророче, первый мучениче, постников и пустынников наставниче, чистоты учителю и ближний друже Христов! Тя молю, и тебе прибегая не отрини мене от твоего заступления, не остави мя падшего многими грехи; обнови душу мою покаянием, яко вторым крещением; очисти мя, грехи оскверненнаго, и понуди внити, иможе ничтоже скверно входит, в Царствие Небесное. Аминь.
Молитва вторая Предтече и Крестителю Господню Иоанну
Крестителю Христов, проповедниче покаяния, кающагося не презри мене, но, совокуплялся с вои Небесными, молися ко Владыце за мене, недостойнаго, унылаго, немощнаго и печальнаго, во многия беды впадшаго, утружденнаго бурными помыслы ума моего. Аз бо есмь вертеп злых дел, отнюдь не имеяй конца греховному обычаю, пригвожден бо есть ум мой земным вещем. Что сотворю, не вем, и к кому прибегну, да спасена будет душа моя, токмо к тебе, святый Иоанне, благодати тезоимените, яко тя пред Господем, по Богородице, вем больша быти рожденных всех: ты бо сподобился еси коснутися верху Царя Христа, вземлющаго грехи мира, Агнца Божия. Егоже моли за грешную мою душу, да поне отныне, в первыйнадесять час, понесу тяготу благую и прииму мзду с последними. Ей, Крестителю Христов, честный Предтече, крайний пророче, первый во благодати мучениче, постников и пустынников наставниче, чистоты учителю и ближний друже Христов, тя молю, к тебе прибегаю, не отрини мене от твоего заступления, но возстави мя, падшагося многими грехи, обнови душу мою покаянием, яко вторым крещением, понеже обоего начальник еси, крещением омывали грех, покаяние же проповедуяй во очищение когождо дел скверных; очисти убо мя, грехми оскверненнаго, и понуди внити, аможе ничто же скверно входит, в Царствие Небесное. Аминь.
Акафист пророку, предтече и крестителю Господню Иоанну:
Житийная и научно-историческая литература о пророке Иоанне Предтече:
- Пророк и креститель Иоанн Предтеча – Православие.Ru
- Неизвестная история главы Крестителя Господня Иоанна – священник Максим Массалитин
- Почему Господь уподобил Иоанна Крестителя пророку Илие? – иеромонах Иов Гумеров
Читать другие молитвы раздела "Православный молитвослов"
Читайте также:
© Миссионерско-апологетический проект "К Истине", 2004 – 2017
При использовании наших оригинальных материалов просим указывать ссылку:
