Молитва к двенадцати целителям

Молитва к двенадцати целителям

Молитва двенадцати целителям

К вам, святии безсеребреницы и чудотворцы, Космо и Дамиане, Кире и Иоанне, Пантелеймоне и Ермолае, Сампсоне и Диомиде, Фотие и Аникито, Фалалее и Трифоне, яко скорым помощникам и теплым молитвенникам о спасении нашем, мы, недостойныя, преклоньше колена, прибегаем и припадающе усердно вопием: не презрите моление нас, грешных, немощных, во многия беззакония впадших, и во вся дни и часы согрешающих. Умолите Господа, да пробавит нам, недостойным рабом Своим, великия и богатыя Своя милости: избавите нас от всякия скорби и болезни, вы бо прияли есте от Господа и Спаса нашего Иисуса Христа неоскудную благодать исцелений ради твердыя Веры, безмездного врачевания и мученическия кончины вашея, услышите нас, молящихся, и благоприятным ходатайством вашим испросите у Христа Бога вся благополезная яже в животе нашем временнем, наипаче же ко спасению вечному служащая, да сподобимся молитвами вашими улучити кончину христианскую, безболезненну, непостыдну, мирну и да избавимся от козней диавольских и вечныя муки: безконечного же и блаженного Царствия Небесного наследницы будем. Ей, угодницы Божии, не престайте молящееся за ны, с верою к вам притекающия: аще бо по множеству грехов наших несмы бо достойны милосердия вашего, обаче вы верни подражателие человеколюбия Божия сущее и да принесем плоды достойны покаяния и в вечный покой достигнем, хваляще и благословяще дивного во святых Своих Господа и Спаса нашего Иисуса Христа и Пречистую Матерь Его, и ваше теплое заступление всегда, ныне и присно и во веки веков. Аминь.

Размер шрифта

Copyright © 2015 Централизованная религиозная организация Истинно-Православная Церковь

Регистрационное свидетельство номер 1037746004977 от 27 мая 2003 года

Собор Святых Целителей

В собор двенадцати святых целителей входят святые, которые прославились своим даром чудесных исцелений, которым их наделил Бог. Этот образ был написан русскими иконописцами в 1980 году, на основе греческого образа «Собора 21 святого целителя» и русского образа «Собора 12 святых апостолов».

В данный собор вошли:

• Косма мученик, врач
• Дамиан мученик, врач
• Кир преподобный
• Иоанн преподобный
• Пантелеймон великомученик
• Ермолай священномученик
• Сампсон преподобный
• Диомид мученик
• Фотий мученик
• Аникита мученик
• Фалалей мученик
• Трифон мученик

Хотя они не единственные среди христианских святых, обладавших даром исцеления, встречаются они наиболее часто. В данном соборе есть как святые, которые изначально были врачами по профессии (например, Косма и Дамиан, Пантелеймон Целитель), так и те, кто не лечил людей, пока Господь не наделил их этим даром – исцелять не столько благодаря знаниям, сколько благодаря обращению за помощью к Богу.

Все святые, входящие в этот Собор, лечили совершенно безвозмездно, за что их часто называют бессребренниками или безмездниками.

Чтимые иконы и дни памяти Собора двенадцати святых целителей

Празднование в честь Собора двенадцати святых целителей совершается один раз в год, в ближайшее к 14 ноября (1 ноября по старому стилю) воскресенье. Эта дата приурочена к дню памяти святых бессеребреников Космы и Дамиана Азийских, которые входят в этот собор.

Почитаемые образы

В Москве поклониться двенадцати святым можно неподалеку от метро в Перово. Здесь, неподалеку от городской клинической больницей №70, в честь двенадцати (дванадесяти) целителей возведена небольшая часовня, а в ней же находится первообраз иконы «Собор двенадцати целителей», написанный в 1980 году. Решение написать его и разместить в храме, было вызвано тем, что люди постоянно приходили сюда, чтобы помолиться о здоровье своих близких и родственников, лежащих в больнице. Часовня находится по адресу – Федеративный проспект, дом 17, стр.12.

Икона «Двенадцати святых целителей», написанная в 2005 году, есть также в храме святого мученика Иоанна Воина, что на Якиманке в Москве.

Еще одну икону «Двенадцати целителей» в Москве можно найти в старинном храме священномученика Климента папы Римского в Замоскворечье. Он находится по адресу – улица Пятницкая, 26, в одной минуте ходьбы от метро Третьяковская.

Этот святой образ есть также в Муроме в Свято-Троицком монастыре.

Мощи 12 святых целителей

Мощи многих известных святых целителей и бессребреников, в том числе, входящих в «Собор 12 целителей», можно найти в русской Святогорской обители на Афоне. Здесь собраны в одном ковчеге множество их частичек, которые выносятся для поклонения в дни памяти. Среди них частицы мощей:

• святого великомученика и целителя Пантелеймона
• святых мучеников Фотия и Аникиты
• преподобного Сампсона странноприимца и святого мученика Диомида, врача Никейского
• святого апостола и евангелиста Луки
• святого мученика Трифона Никейского
• святых мучеников Космы и Дамиана Аравийских
• святых чудотворцев и бессребреников Кира и Иоанна Александрийских
• безмездных врачей Космы и Дамиана Римских
• бессребреников и чудотворцев Космы и Дамиана Асийских
• великомученика Артемия Антиохийского
• священномучеников Антипы, епископа Пергамского, Харалампия, епископа Магнезийского и Власия, епископа Севастийского
• священномученика Мокия, пресвитера Амфипольский
• святого мученика Фалалея Киликийского
• святителя Спиридона, епископа Тримифунтского и Модеста, архиепископа Иерусалимского

В чём помогает и о чем молиться перед иконой Собора двенадцати святых целителей?

Собору двенадцати святых целителей молятся об укреплении здоровья и исцелении от недугов, телесных и духовных.

Собор двенадцати целителей считается образом, покровительствующим не только болящим, но и врачующим. Перед этим образом молятся врачи, прося Бога даровать им способность лечить людей и не наносить вреда.

Молитва перед иконой Собору двенадцати святых целителей

Тропарь, глас 8

Святии безсребреницы и чудотворцы, посетите немощи наша: туне приясте, туне дадите нам.

Кондак, глас 2

Благодать приимше исцелений, простираете здравие сущим в нуждах, врачеве, чудотворцы преславнии, но вашим посещением ратников дерзости низложите, мир исцеляюще чудесы.

О, чудотворцы славнии, врачеве безмезднии, земнии Ангели и небеснии человецы, скоропослушливии помощницы всем к вам прибегающим! Вы бо, угодницы Божии, безчисленными чудесы весь мир наполняете и не токмо телесныя недуги исцеляете, но и верою Христовою души просвещаете, в терпении болезней укрепляете, в тяжких недузех сущих о исправлении жития вразумляете, ко Христу покаянием направляете и силою Всемогущаго Бога обильныя дары благодатныя помощи источаете. Сего ради к вам, яко благодатным врачем, мы, недостойнии и грешнии, с благоговейною любовию припадаем и молимся: услышите воздыхания множества страждущих людей, умолите Небеснаго Врача душ и телес наших и Его Пречистую Матерь даровати нам исцеление от недугов наших, сохраните нас от лютых и неисцельных болезней, от разслабления тела, от исступления ума и смертоносныя язвы, от внезапныя смерти, от всякия беды и скорби и от всякаго зла; помозите всем, в немощех лежащим и в человеческой помощи отчаявшимся, к вам же с надеждою прибегающим; утешение и отраду подайте всем в тяжких работах, в заточении и темницех унывающим и, теплым ходатайством вашим к Богу, соблюдите в вере Православней, в богомыслии, в молитвах к Богу прилежных; умолите Господа, да подаст всем нам христианскую кончину безболезненну, непостыдну, мирну, Божественных Таин причастну, и добрый ответ на Страшнем Суде Своем, да с надеждою спасения достигнем Царствия, егоже уготова Господь любящим Его, и сподобимся купно с вами, угодницы Божии, славити Отца и Сына и Святаго Духа во веки веков. Аминь.

История и значение иконы «Собор двенадцати святых целителей»

Иконы, изображающие святых целителей, давно создавались в православной традиции. Эти образы, как правило, содержали от 12 до 36 изображений различных святых, прославившихся как великих врачевателей, из следующего списка:

Все они прославились в земной жизни своим даром лечения телесных и душевных недугов, дарованные им самим Господом Богом. Причем они помогали людям совершенно бескорыстно, не беря за это никаких подношений.

Большинство святых входящих в этот собор были по образованию врачами и имели свою медицинскую практику еще до того, как были награждены Богом особым даром целительства. Однако были среди них и те, кто не имел специального образования, но прославился многочисленными чудесами исцеления по молитвам к Богу. Например, святой Трифон Никейский, начал лечить болезни еще будучи совсем молодым, не имея врачебного образования. Так же надо отметить, что не все святые, входящие в этот собор прославились своим даром исцеления при жизни. Например, мученики Аникита, Фалалей и Фотий прославились множеством чудесных исцелений по обращенных к ним молитвам, уже после их смерти.

В честь этого единого лика в конце 19 века в Русском Свято-Пантелеимоновом монастыре на Афоне, где хранятся частицы мощей многих святых целителей, монахом Венедиктом была составлена отдельная служба «Собору всех святых безсребреников». С тех пор в Свято-Пантелеимоновом монастыре ежегодно в день памяти «Собора целителей» совершается полуночное бдение.

Русская Православная Церковь ввела эту службу в круг ежегодных богослужений только в 1980 году, после того как она была прислана ей из Свято-Пантелеимонового Афонского монастыря. В этом же году художники-иконописцы – отец Владимир Кутьенков и Татьяна Трубникова, взяв за основу греческую икону, на которой изображались 21 святой целитель, и икону «Собор 12 апостолов», написали новый образ «Собор 12 святых целителей», в которую были включены не все святые целители греческого образа.

Важно также отметить, что чудеса исцелений важны для христиан не сами по себе, и не для укрепления физического или душевного здоровья, а в первую очередь для укрепления веры в Господа, для которого нет ничего невозможного. Видя воочию явленные Богом чудеса исцелений, в вере Христовой укрепляются не только сами болящие, но те, кто стал их свидетелем.

Господь ниспосылает свой дар исцеления и врачевания на своих угодников для того, чтобы они прославляли его и делились своим даром безвозмездно, так же как они его и получили.

Всем верующим людям здесь также необходимо понимать, что христианство ни в коем случае не отвергает официальную медицину и медицинские препараты, так как врачи тоже действуют по воле Божией, и отвергать их – означает ввергать себя в опасность.

Православные молитвы ☦

4 сильных молитвы 12 апостолам

Молитва двенадцати апостолам на исполнение желания

«Святии славнии и всехвальнии Апостоли, начальнейшаго Архиерея исповедания нашего, Иисуса Христа, избраннии ученицы и строителие таин Его: Петре и Павле, Иакове и Иоанне, Андрее и Матфее, Филиппе и Варфоломее, Фомо и Иакове, Иудо и Симоне, молите Христа Бога, да от шуияго мира сего пребывания деснаго во царствии Своем сподобит предстояния, из сына противления сотворит мя сына спасения, да и аз совлекуся ветхаго человека и облекуся в новаго, созданнаго по Бозе в правде, преподобии и истине, и мя, в правду грех ради ненавидима, возлюбит и обитель во мне, недостойнем рабе Своем, достойну Себе сотворит, да в правоте веры путем тем ходя, доиду ко Отцу небесному в наследие вечнаго достоинства и тамо, юже зде верою созерцаю, яснее во славе узрю и прославлю Святую Троицу в безконечныя веки. Аминь.»

Молитва двунадесяти апостолам на сильную помощь

«Владыко всемогущий, Господи Боже наш, избравый возлюбленныя Своя ученики и Апостолы на проповедь спасения всему миру, давый им власть отпущати грехи, приими ходатайства их о роде человеческом, егоже и судити с ними имаши: тех самых, яко другов Твоих, нам зело честных, дерзаем недостойнии в предстательство к Тебе, многопоспешествующее ко спасению душ наших, приводити, моляще их усердно.

Святии первоверховнии Апостоли Петре и Павле, Евангелисти Христовы Иоанне Богослове и Матфее, первозванный (учениче) Андрее, водружением Креста Россию благословивый, Апостоли святии Иакове, брате Господень, со другим Иаковом, Филиппе, Варфоломее, Фомо, Симоне, Иудо и Матфие! Вси святии богоизбрании Апостоли, изряднейшии угодницы Христовы, безбожия искоренителие и веры истинныя насадители, помозите нам мощным вашим пред Господом ходатайством, избавитися от всякаго зла и вражия лести, твердо сохраняти преданную вам веру православную, в нейже вашим предстательством ни ранами, не прещением, ни мором, ни коим гневом от Создателя своего умалени будем, но мирное зде поживем житие и да сподобимся видети благая на земли живых, славяще Отца и Сына и Святаго Духа, единаго в Троице славимаго и покланяемего Бога, ныне и присно и во веки веков. Аминь.»

Молитва 12 апостолам, оберегающая от беды и проблем

«О святии апостоли Христовы: Петре и Андрее, Иакове и Иоанне, Филиппе и Варфоломее, Фомо и Матфее, Иакове и Иудо, Симоне и Матфие! Услышите наши молитвы и воздыхания, сердцем сокрушенным ныне приносимые, и помозите нам, рабам Божиим (имена), вашим всемощным пред Господем ходатайством, избавитися от всякаго зла и вражия лести, твердо же преданную вами веру православную сохраняти, в ней же вашим предстательством ни ранами, ни прещением, ни мором, ни коим гневом от Создателя нашего умалени будем, но мирное зде поживем житие и сподобимся видети благая на земли живых, славяще Отца и Сына и Святаго Духа, Единаго в Троице славимаго и покланяемаго Бога, ныне и присно и во веки веков.»

Молитва 12 апостолам о помощи в учебе и изучении иностранных языков

«Господи Иисусе Христе, Боже наш, воистину вселивыйся в сердца двенадцати Апостолов, и силою благодати Всесвятого Духа, сошедшего в виде огненных языков, уста их открывший, так что они начали говорить на иных наречиях. Сам Господи Иисусе Христе, Боже наш, ниспосли того Духа Твоего Святого на нас и насади в наши сердца его Святое Писание, которое рука Твоя пречистая начертала на скрижалях законодателю Моисею, ныне и присно и во веки веков. Аминь.»

Сохранить молитвы в социальных сетях:

Православные акафисты

Память: первое воскресение после Пятидесятницы

Собор святых целителей, бессеребренников и чудотворцев. Икона

Избраннии помощницы страждущих, врачеве недугующих и чудотворцы предивнии, святии безмезднии целители милостивии, похвальная восписуем вам, заступником нашим и в скорбех утешителем. Вы же, яко имущии дерзновение ко Всемилостивому Спасу нашему, избавите от страстей и болезней всех верою и любовию воспевающих вам:

Радуйтеся, святии Богоблаженнии врачеве, целители душ и телес наших.

Ангелов и человеков Творец избра вас, врачей, целителей и чудотворцев святое сословие, яко любовию и состраданием ко всем людем горящих, и дарова вам сугубую благодать, да будете избавляти от бед, скорбей, болезней и всяких лютых искушений всех чтущих святую память вашу и с любовию восхваляющих вас тако:

Радуйся, святый Пророче, Предтече и Крестителю Господень Иоанне, души наша покаянием обновляяй.

Пророк Иоанн Предтеча. Икона деисусного чина, XIV век. Визаинтия. Сербский монастырь Хиландар

Радуйся, святый праведный Симеоне, Богомладенца Христа на руце свои приемый и ныне всех младенцев Богодарованный хранителю.

Радуйся, святый Апостоле и Евангелисте Иоанне Богослове, возлюбленный Христов учениче, любящим и чтущим тя любовию воздаваяй.

Радуйся, мучениче Лонгине, от капли Крове Господа очи свои исцеливый и благодать обретый духовное прозрение людем даровати.

Радуйтеся, святи мученицы Зинаидо и Филонилло, сродницы Апостола Павла, сугубо болящим послужившия.

Радуйтеся, священномучениче Киприане и мученице Иустино, от бесов и злых человек волхвования крепцыи заступницы.

Радуйся, великомучениче Димитрие Солунский, миро благовонное всем болящим на исцеление источаяй.

Радуйся, Кесарие Назианзине, царей благочестивых врачу, от многих тяжких недугов богомудрый целителю.

Радуйся, великомученице Варваро, агнице всеблаженная, от внезапныя смерти верных избавляющая.

Радуйся, великомученице Екатерино, дево премудрая, избранный сосуде чистоты, омрачение ума нашего просвещающая.

Радуйся, великомученице Анастасие, недуги заключенных в темницех врачевавшая и от многих скорбей нас избавляющая.

Радуйся, мученице Фомаидо, целомудрия ради душу свою положившая и плотския страсти побеждати людем помогающая.

Радуйтеся, святии Богоблаженнии врачеве, целители душ и телес наших.

Видев Тя, Мати Всепречистая, на Кресте пригвожденный Сын Твой и Бог у Креста предстоящу и болезненно Ему состраждущую, возлюбленному ученику Своему Апостолу Иоанну Тя в Матерь нарече и сим весь род человеческий Тебе усынови, да будеши воистину Матерь всем скорбящим, страждущим, недугующим, в бедах и тяжких обстояниих сущим, Сына Твоего Христа Бога призывающим и поющим Ему: Аллилуиа.

Разум человеческий не может постигнути великаго Твоего милосердия, Пресвятая Владычице Богородице, Ты бо еси необоримая ограда, охраняющая ны от всяких болезней душевных и телесных и заступающая всех прибегающих к Тебе с молитвою, печальным утешение, скорбящим радование, обидимым Заступнице, бедствующим помоше, больных Целительнице, грешных Споручнице. Темже имущи матернее о всех попечение, благоизволила еси ускорити на помощь избранником Божиим, врачем и целителем, ихже память празднующе, воспеваем сице:

Радуйтеся, Пресвятыя Владычицы Богородицы избраннии служители.

Радуйтеся, чада Ея вернии и возлюбленнии.

Радуйтеся, Заступницы Усердныя рода христианскаго благоговейнии почитатели.

Радуйтеся, воли Тоя святыя исполнители.

Радуйтеся, все упование на Матерь Божию возложившии.

Радуйтеся, небесную помощь от Нея восприимшии.

Радуйтеся, милостивое заступление Божия Матере ко всем болящим и страждущим людем приклоняющии.

Радуйтеся, велие дерзновение к Ней стяжавшии.

Радуйтеся, яко Преблагословенную Матерь Господа ходатайстовати о нас умоляете.

Радуйтеся, яко благословением Ея здравие и крепость неисцельно болящим доныне возвращаете.

Радуйтеся, во дни и нощи молитвы к Царице небесе и земли со слезами возносившии.

Радуйтеся, яко с Нею о спасении всех людей православных ко Христу руце воздеваете.

Радуйтеся, святии Богоблаженнии врачеве, целители душ и телес наших.

Силою Всевышняго укрепляем, святый пророче Божий Илие, послан быв от Господа в Сарепту Сидонскую к жене вдовице препитатися во гладе, обаче имея чудотворения благодать, умножил еси муку и елей в дому ея до скончания гладнаго времене и молитвою твоею воскресил еси умершаго ея сына, поя Богу благодарственную песнь: Аллилуиа.

Имуще едино попечение, еже Отцу Небесному благоугождати и верно Ему служити и великия ревности по Бозе исполненнии святии пророцы Божии, по слову Апостола, "верою победиша царствия, содеяша правду, получиша обетования, заградиша уста львов, угасиша силу огненную, избегоша острея меча, возмогоша от немощи, обратиша в бегство полки чуждих", ныне же, во Царствии Небеснем пребывающе, врачуют язвы неисцельныя и всякий же недуг всем нам, скорбьми и болезньми отягченным, с верою и надеждою вопиющим сице:

Радуйтеся, разум свой воли Божией покорившии.

Радуйтеся, светом премудрости от Бога озареннии.

Радуйтеся, посланцы Отца Небеснаго и провозвестницы святых Его велений.

Радуйтеся, знамении и чудесы Божественную истину утверждавшии.

Радуйтеся, будущая, яко настоящая провидевшии.

Радуйтеся, яко врачи благоискуснии, люди от всякия болезни исцеляющии.

Радуйтеся, во время глада верных питатели.

Радуйтеся, недугующим и разслабленным скории помощницы.

Радуйтеся, отчаянным надежду на спасение подающии.

Радуйтеся, миро целебное благодати нам источающии.

Радуйтеся, благодатию Божиею мертвых воскрешавшии.

Радуйтеся, Судию Праведнаго за грешныя люди умоляющии.

Радуйтеся, святии Богоблаженнии врачеве, целители душ и телес наших.

Буря скорбей и напастей, воздвизаемая злобою мира сего, не ослаби веры и любве твоея ко Господу, Апостоле святый Иакове, первый Иерусалимский архиерею и учителю: ты бо Божественным Духом просветився, Бога Слова проповедал еси и восприял еси благодать елеем святым целити всех язвы же и недуги, глаголя в послании своем, яко молитва веры спасет болящаго, и воздвигнет его Господь: много бо может молитва праведнаго поспешествуема. Темже и ныне исцеления источаеши всем к твоему заступлению притекающим и о тебе Богу вопиющим: Аллилуиа.

Слышавше вернии велию вашу к страждущим любовь и чудесное врачевание ваше, Апостоли святии, от всех концев земли устремляхуся к вам с верою в целебную благодать Божию, в вас действующую, ибо Сам Господь, по слову Апостола, даде вам власть на духи нечистыя, яко да изгоните их, и заповеда целити всяк недуг и всяку болезнь, глаголя: "Болящия исцеляйте, прокаженныя очищайте, мертвыя воскрешайте, бесы изгоняйте; туне приясте, туне дадите". Сего ради от любве сердечныя приносим вам со смирением и верою похвалы сия:

Радуйтеся, благовестия Евангельскаго трубы.

Радуйтеся, вся концы вселенныя просветившии.

Радуйтеся, серафимскою пламенною любовию ко Господу горевшии.

Радуйтеся, Церкви Христовы славо и утверждение.

Радуйтеся, Пресвятей Владычице Богородице верно послужившии.

Радуйтеся, покровом Ея осененнии.

Радуйтеся, от Самаго Господа Иисуса Христа благодать и силу целити недужных приявшии.

Радуйтеся, на стезю покаяния нас наставляющии.

Радуйтеся, даров духовных всегдашнии податели.

Радуйтеся, болезней душевных и телесных целители благодатнии.

Радуйтеся, немощи немощных на себе носившии.

Радуйтеся, спасению многих душ человеческих послужившии.

Радуйтеся, святии Богоблаженнии врачеве, целители душ и телес наших.

Боготочный источник дивных чудес явился еси, святителю отче Николае, приял бо еси от Господа дар недуги душевныя и телесныя врачевати, бесы изгоняти и всех сущих в бедах скоро от тех избавляти. Темже прибегаем к тебе, яко пленных свободителю, нищих заступнику и благодетелю, врачу благодатному и милостивому, да спасаеми святым предстательством твоим, воспеваем о тебе Христу Богу хвалебную песнь: Аллилуиа.

Видевше людие вас, отцы богоноснии, святители Христовы, не токмо учителей духовных и к жизни вечней путеводителей, но и целителей от всяких телесных и душевных недугов – хвалу Господу воздаваша. Мы же за многая и неисчетная исцеления ваша, на ны изливаемая, ублажаем вас, милостивых предстателей и чудотворцев, похвалами сими:

Радуйтеся, Единому Богу, в Троице славимому, верно послужившии.

Радуйтеся, многоразличными дарованьми Духа Святаго укрепленнии.

Радуйтеся, веры истинныя дерзновеннии проповедницы.

Радуйтеся, апостольских преданий хранители.

Радуйтеся, архиереи Божии, добре упасшии словесное стадо ваше.

Радуйтеся, от ересей и расколов ограждение.

Радуйтеся, заблуждших на путь правый наставляющии.

Радуйтеся, бесов именем Христовым изгоняющии.

Радуйтеся, любовию вашею всех покрывающии.

Радуйтеся, благодатную росу исцелений верным источающии.

Радуйтеся, болезньми тяжкими одержимых премудрии врачеватели.

Радуйтеся, о всем мире печальницы и молитвенницы.

Радуйтеся, святии Богоблаженнии врачеве, целители душ и телес наших.

Проповедует весь мир христианский велие чудо, тобою сотворенное, священномучениче Власие, егда жена некая, имущая сына своего близ смерти лежаща, положи его при ногу твоею, плачущи и вопиющи о исцелении его: ты же, отче, именем Спасителя исцелил еси его, глаголя: "Аще в человецех и в скотах что таковое случится, и помянет кто имя мое, тому Ты, Господи, ускори на помощь". Темже молим тя: не лиши тоя благодати и нас, да и мы здравы суще телом и душею поем Богу благодарственную песнь: Аллилуиа.

Возсия в сердцах ваших свет Божественныя любве и благодати, святители Христовы и страстотерпцы, кровию священную одежду свою украсившии; темже прослави вас Господь, видя ваше безмерное ко всем сострадание, яко соблюдаете от всякия болезни не точию человеки, но и скоты, и домы верных всяких благ исполняете. Не отрините убо и нас, грешных, скорбьми, болезньми и многими печальми обуреваемых, и помозите всем вопиющим вам таковая:

Радуйтеся, души своя за веру Православную положившии.

Радуйтеся, служители Божия себе быти пред мучители исповедавшии.

Радуйтеся, страстем Христовым мужественнии подражатели.

Радуйтеся, священную одежду вашу кровьми страданий обагрившии.

Радуйтеся, яко вами от многих ран грешнии избавляются.

Радуйтеся, яко вами от всяких болезней вернии свобождаются.

Радуйтеся, неисчерпаемии источницы исцелений.

Радуйтеся, яко возложением рук ваших и звери от болезней исцеляются.

Радуйтеся, нетлением мощей ваших славно от Бога возвеличеннии.

Радуйтеся, многими чудесы от них верных возвеселившии.

Радуйтеся, исцеления во славу Божию совершающии.

Радуйтеся, теми нас к прославлению Бога призывающии.

Радуйтеся, святии Богоблаженнии врачеве, целители душ и телес наших.

Хотя Человеколюбец Господь явити милосердие Свое людем, дарова нам тя, великомучениче Пантелеимоне, великаго целителя болезней душевных и телесных и прогонителя духов злобы поднебесных: ты бо милости Божия подобяся, от Самаго Вседержителя Спаса по достоянию именование всемилостиваго прием, яко сострадателен был еси и милуеши всех, сугубо подая исцеления, словом благодати врачуя и к разуму Божественному наставляя верных, подвизая их пети Подателю всех благ Богу песнь: Аллилуиа.

Новую показа милость рабом Своим Человеколюбец Господь, егда благоволи явити сонм святых мучеников, молитвенников, целителей душ и телес наших и ходатаев спасения вечнаго: вы бо, святии мученицы, имеюще веру во Христа, адаманта твердейшую, мужественно претерпели есте от гонителей темничныя узы и страдания, смерть же лютую приявше, жертвою благоприятною Богу явистеся, и ныне, Небесному Престолу всех Владыки предстояще, неоскудно исцеления источаете всем с верою прибегающим к вам и зовущим тако:

Радуйтеся, пресветлому мученическому лику сопричтеннии.

Радуйтеся, яко мучения ваша зряще, множество людей ко Христу обратишася.

Радуйтеся, Господу своему даже до смерти послужившии.

Радуйтеся, чудотворцы преславнии, на утешение нам дарованнии.

Радуйтеся, святии врачеве, болезни наша исцеляющии.

Радуйтеся, светом добродетелей ваших и нас духовно просвещающии.

Радуйтеся, в сониих и видениих страждущих посещающии.

Радуйтеся, в бедах и напастех помощь нам подающии.

Радуйтеся, болящих младенцев и отроков прибежище и исцеление.

Радуйтеся, скорбей родителей их врачевание.

Радуйтеся, на мытарствах воздушных верным помощь являющии.

Радуйтеся, о спасении нашем Господа умоляющии.

Радуйтеся, святии Богоблаженнии врачеве, целители душ и телес наших.

Странники и пришельцы на земли себе помышляюще, святии братия, врачеве-безсребреницы Космо и Дамиане, ничесоже от тленных вещей мира сего стяжати себе не возжелали есте, всегда имуще Христа, действующа в вас, и силою Того болящих исцеляете, врачевство бо ваше источник есть неисчерпаемый, на всяк день умножаемый. Не оставите убо и нас благодатною вашею помощию, да вси с верою и любовию воззовем Богу: Аллилуиа.

Все житие ваше на земли любовию к Богу и ближним исполнено бысть, святии врачеве-безсребреницы, миро благоуханное исцелений источающии, от бед и скорбей избавляющии, печали утоляющии всех почитающих вас. Благодарим и величаем прославившаго вас Господа, даровавшаго нам дивный богосветлый собор молитвенников, целителей и чудотворцев, Егоже, святии безсребреницы, умолите спастися всем поющим вам таковая:

Радуйся, святый Апостоле Луко, истинный врачу духовный, Евангелие всей твари проповедавый.

Радуйся, святителю Спиридоне Тримифунтский, великий чудотворче, всяку болезнь и язву исцеляяй и мертвых преславно воскрешаяй.

Радуйся, священномучениче Антипо Пергамский, диавольскую силу поправый и всем христианом благодатная исцеления даруяй.

Радуйся, святителю Модесте, похвало святаго града Иерусалима, источниче милости неизсякаемый и чудотворче.

Радуйся, великомучениче Артемие, мучителя, злочестиваго царя, победителю, страстей разжжение угашаяй и духи нечистыя прогоняяй.

Радуйся, священномучениче Ермолае, пастырю добрый Христова стада и святаго Пантелеимона Целителя истинный учителю.

Радуйтеся, три одноименныя и единонравныя двоицы братий Космо и Дамиане богомудрии, врачеве-безсребренницы, болящих страсти туне исцеляющии.

Радуйтеся, мученицы Кире и Иоанне, Божественнии врачеве, яко чудодействуете непрестанно, вся недуги наша исцеляюще.

Радуйся, мучениче Диомиде, врачу душ и телес, истинный и непобедимый страстотерпче, даров Божественных исполненный.

Радуйтеся, Фотие славный и богомудрый Аникито, двоице страдальцев, огнь и муки прошедшии и венец победный приявшии.

Радуйся, мучениче Фалалее, врачу изрядный, тя бо даде Владыка Христос на исцеление всем верным.

Радуйся, мучениче Трифоне, дар Божественных исцелений приявый, от козней диавола нас охраняяй.

Радуйтеся, святии Богоблаженнии врачеве, целители душ и телес наших.

Всякое естество ангельское и человеческое удивися делу милосердия Господня, яко дарова нам, грешным, в помощь и заступление тя, преподобне отче Сампсоне, врача преизряднаго и милостиваго, благодать исцелений подающаго, единым прикосновением руки своея царя исцелившаго, молитвенника благоприятна, алчущих и нищих питателя и сущих в нуждех поборника велика. Темже вси вернии ведуще тя, яко служителя Христова и преподобным отцем причастника, вопиют о тебе благодарственную песнь: Аллилуиа.

Ветии многовещаннии не возмогут по достоянию восхвалити вас, преподобнии и богоноснии отцы наши, яко наставников монахов и Ангелов собеседников, и прославити подвиги и дела, ихже творили есте на земли. Обаче и по преставлении многая и преславная чудеса и исцеления творити не престаете, честныя бо мощи ваша подобны Силоаму, идеже хромии, недужнии, разслабленнии и одержимии духами злобы здравие улучают: ибо ради подвигов ваших приясте от Господа власть целити болезни неисцельныя, утоляти страсти наша, возбуждати в людех плач о гресех, да чистою совестию и сокрушенным сердцем воспеваем вам похвалы сия:

Радуйтеся, житию безплотных поревновавшии.

Радуйтеся, во всем христианстем мире яко великия целители прославленнии.

Радуйтеся, образ жития праведнаго нам показующии.

Радуйтеся, побеждати мир, плоть и диавола нам помогающии.

Радуйтеся, многая чудеса и знамения от мощей ваших являющии.

Радуйся, яко мощей ваших демони трепещут.

Радуйтеся, от Господа власть на духи нечистыя приемшии.

Радуйтеся, силою Божиею их прогоняющии.

Радуйтеся, бездетным родителем чадородие дарующии.

Радуйтеся, омраченных умом просветители богомудрии.

Радуйтеся, сосуди, елей милосердия Божия источающии.

Радуйтеся, живоносныя источницы, струи исцелений нам изливающии.

Радуйтеся, святии Богоблаженнии врачеве, целители душ и телес наших.

Спасти хотя души людей, недугом пиянства одержимых, Всемилостивый Господь дарова помощников и целителей от злыя страсти сея: святаго мученика Вонифатия, преподобнаго Моисея Мурина, преподобнаго Варлаама Серпуховскаго и иных многих угодников Своих и подвижников. Мы же, преклоньше колена и руки своя простерше к вам, святии отцы и матери, молим вас: умолите Господа даровати исцеление погибающим от пиянства братиям и сестрам нашим, жития трезвеннаго и целомудреннаго начало положити всех нас сподобите, да возможем победити борющий нас грех и непрестанно славити Бога, поюще Ему: Аллилуиа.

Стена бысть и заступление всем страждущим людем чудный образ Богоматере, пред нимже некий крестьянин, исполняя повеление преподобнаго Варлаама Серпуховскаго, отслужи молебен и от страсти винопития исцелися: та бо икона, Неупиваемою Чашею именуемая, исцеления дарует отчаявшимся и погибающим, наипаче же болезнующим пиянством. Темже молим Тя, Пречистая Владычице: исцели нас, страждущих от страстей греховных, молитвами святых целителей и чудотворцев, помощников наших Богодарованных, к нимже благодарственно взываем сице:

Радуйтеся, от мучительнаго недуга пиянства страждущих избавляющии.

Радуйтеся, к искреннему покаянию и исправлению их приводящии.

Радуйтеся, глубину милосердия Богоматере страждущим показующии.

Радуйтеся, яко благодатию Ея многия от страсти пиянства исцеляются.

Радуйтеся, отчаянным надежду на помощь подающии.

Радуйтеся, от рова погибельнаго безнадежныя спасающии.

Радуйтеся, к подвигу воздержания всех призывающии.

Радуйтеся, от смертоноснаго зелия нас ограждающии.

Радуйтеся, от страстей, яко от сна погибельнаго, нас пробуждающии.

Радуйтеся, всем борющимся с грехми покровители Богодарованнии.

Радуйтеся, к новому, праведному и трезвенному житию нас направляющии.

Радуйтеся, яко молитвами вашими духовную нашу жажду утоляете.

Радуйтеся, святии Богоблаженнии врачеве, целители душ и телес наших.

Пение благодарственное Пресвятей Троице людие земли нашея приносят, прославляюще тя, преподобне отче Сергие, яко великаго заступника, целителя и утешителя православным христианом, в державе нашей и по всему лику земли обитающим, ибо данною тебе Божиею благодатию слепыя просвещаеши, от телесных и душевных болезней исцеляеши, от демонскаго насилия свобождаеши, от напастей ограждаеши и вся наша прошения во благо исполняеши, вопия возлюбленному тобою Христу Богу: Аллилуиа.

Светильницы светоприемнии от истиннаго Света озаряемии, явистеся, святии земли нашея: иерарси и преподобнии, священномученицы и мученицы, Христа ради юродивии и святых дев и жен сословие, с нимиже собор новомучеников и исповедников Русских, вкупе именуемии и неименуемии, ведомии нами и неведомии. Людие же, обремененнии грехами, болезньми и скорбьми многими, обретоша вас заступников и целителей: подаете бо во вся дни бытия народа нашего врачевание страстем неисцельным, слепым прозрение, глухим слышание, разслабленным здравие, страждущим раковыми язвами исцеление и всем благодать изливаете, радостию озаряюще сердца верных, чтущих вас и воспевающих с любовию таковая:

Радуйся, преподобне Агапите, первый врачу безмездный в земли нашей и великий чудотворче.

Радуйся, святителю Алексие, пастырю и учителю премудрый земли нашея, исцеления струи верным источаяй.

Радуйся, преподобне Серафиме Саровский чудотворче, врачу скорый и благодатный.

Радуйся, святый праведный Иоанне Кронштадтский, Церкве Православныя молитвенниче и чудотворче предивный.

Радуйся, святый праведный Иоанне Русский, во исповедании Христа пострадавый, болящих младенцев присный врачевателю.

Радуйтеся, святии царственнии страстотерпцы: Николае, Александро, Алексие, Ольго, Татиано, Марие и Анастасие, за землю нашу пред Богом молитвенницы и преславнии чудотворцы.

Радуйся, святителю Крымский и исповедниче Луко, врачу благий и милостивый.

Радуйся, преподобне отче Серафиме Вырицкий, житием и подвиги древних отец подражателю, дар чудодейственныя благодати приемый.

Радуйся, преподобне отче Амфилохие Почаевский, врачу безмездный, силою Божиею неисчетныя чудеса и исцеления совершивый.

Радуйся, преподобная княгине Евфросиние, Богу угодившая и дар исцелений от Него прияти сподобившаяся.

Радуйся, святая блаженная Ксение, безумием мнимым безумие мира обличившая и дар чудодейственныя помощи от Христа стяжавшая.

Радуйся, преподобномученице Великая княгине Елисавето, духовною и телесною красотою возсиявшая и людем истинную любовь и милосердие показавшая.

Радуйтеся, святии Богоблаженнии врачеве, целители душ и телес наших.

Благодать, юже даде вам Господь Бог, целити вся недуги душевныя и телесныя, днесь нас собра, да почтим святую память вашу, святии врачеве, целители и чудотворцы. Темже убо, благоговейне взирающе на честную икону вашу, угодницы Божии, и со умилением сердец к ней припадающе, молим вас: не токмо от недугов и болезней нас исцелите, но чудным светом Божиим нашу жизнь озарите, благословите нас миром и любовию, подайте нам твердую веру, чистоту жизни и страх Божий, от греховныя погибели нас соблюдите, да вашим заступлением достигнем Небеснаго отечества, идеже с вами воспоим Богу ангельскую песнь: Аллилуиа.

Поюще Господа, дивнаго во святых Своих, хвалим и прославляем ныне святый и великий собор целителей и чудотворцев, с нимже Сама Пречистая Дева Богородица, Архангели и Ангели, Божественнии Апостоли, пророцы и святители, мученицы и преподобнии, блаженнии и вси праведницы ликовствуют. Славим и величаем прославльшаго вас Христа Бога нашего, излившаго на вас обилие Своих даров благодатных; вас же, святых помощников и предстателей наших, благодарным сердцем и усты ублажаем песньми таковыми:

Радуйся, святый Архистратиже Божий Рафаиле, всех душевных и телесных недугов благодатный целителю.

Радуйтеся, святии праведнии Богоотцы Иоакиме и Анно, неплодство супругов благодатию Божиею разрешающии.

Радуйся, великомучениче и Победоносче Георгие, непобедимый воине Христа Бога нашего, немощствующих скорый врачу и всем в скорбех и бедах сущим заступниче.

Радуйся, святителю Иулиане, святаго Апостола Петра учениче, младенцы от болезней и смерти благодатно сохраняяй.

Радуйся, преподобне отче Паисие Великий, молитвою душу послушника своего из ада изведый и нас от муки вечныя молитвами твоими избавляяй.

Радуйтеся, святии мученицы Флоре и Лавре, Богомудрая двоице пресветлая, трудолюбцы незлобивии и недугов наших целители.

Радуйтеся, преподобный царю Симеоне Мироточивый и святителю Савво, Сербская похвало, многими чудесы и даром исцелений от всяких болезней Богом прославленнии.

Радуйся, преподобне отче Иоанне Рыльский, лечебную силу от Бога приявый и всем с верою приходящим здравие подаваяй.

Радуйся, преподобная мати Марие Египетская, страсти плотския мечем воздержания посекати нас научающая.

Мученица Параскева Пятница

Радуйся, страстотерпице Христова Параскево, свет благодатный душевным и телесным очам нашим открывающая.

Радуйся, мученице Агриппино, прокаженныя от неисцельныя сея болезни свобождающая.

Радуйся, великомученице Марино, силою Креста главу диавола сокрушившая и многих недугов лютых прогонительнице.

Радуйтеся, святии Богоблаженнии врачеве, целители душ и телес наших.

О предивнии и преславнии угодницы Божии, святии врачеве-безсребреницы и чудотворцы, скории помощницы всем с верою к вам прибегающим! Приимите сие хваление наше и мольбы слезныя вам приносимыя, исцелите многообразныя недуги душ и телес наших и теплым предстательством вашим испросите нам у Христа Бога избавление от всех бед и напастей, прощение прегрешений наших и благую надежду вечнаго спасения, да сподобимся с вами и со всеми святыми воспевати во веки Спасителю нашему: Аллилуиа.

Сей Кондак читается трижды, затем Икос 1 и Кондак 1.

Молитва целителям, безсребренникам и чудотворцам

О чудотворцы славнии, врачеве безмезднии, земнии ангели и небеснии человецы, скоропослушливии помощницы всем к вам прибегающим! Вы бо, угодницы Божии, безчисленными чудесы весь мир наполняете и не токмо телесныя недуги исцеляете, но и верою Христовою души просвещаете, в терпении болезней укрепляете, в тяжких недузех сущих о исправлении жития вразумляете, ко Христу покаянием направляете и силою Всемогущаго Бога обильныя дары благодатныя помощи источаете. Сего ради к вам, яко благодатным врачем, мы, недостойнии и грешнии, с благоговейною любовию припадаем и молимся: услышите воздыхания множества страждущих людей, умолите Небеснаго Врача душ и телес наших и Его Пречистую Матерь даровати нам исцеление от недугов наших, сохраните нас от лютых и неисцельных болезней, от разслабления тела, от исступления ума и смертоносныя язвы, от внезапныя смерти, от всякия беды и скорби и от всякаго зла; помозите всем в немощех лежащим и в человеческой помощи отчаявшимся, к вам же с надеждою прибегающим; утешение и отраду подайте всем в тяжких работах, в заточении и темницех унывающим и, теплым ходатайством вашим к Богу, соблюдите в вере Православней, в богомыслии, в молитвах к Богу прилежных; умолите Господа, да подаст всем нам христианскую кончину безболезненну, непостыдну, мирну, Божественных Таин причастну, и добрый ответ на Страшнем Суде Своем, да с надеждою спасения достигнем Царствия, егоже уготова Господь любящим Его, и сподобимся купно с вами, угодницы Божии, славити Отца и Сына и Святаго Духа во веки веков. Аминь.

Тропарь целителям, безсребренникам и чудотворцам, глас 8

Святии безсребреницы и чудотворцы, посетите немощи наша: туне приясте, туне дадите нам.

Кондак целителям, безсребренникам и чудотворцам, глас 2

Благодать приимше исцелений, простираете здравие сущим в нуждах, врачеве, чудотворцы преславнии, но вашим посещением ратников дерзости низложите, мир исцеляюще чудесы.

Читать другие акафисты раздела "Православные акафисты"

Читайте также:

© Миссионерско-апологетический проект "К Истине", 2004 – 2017

При использовании наших оригинальных материалов просим указывать ссылку: