Молитва при нашествии врагов

Молитва при нашествии врагов

ОТ СКОРОПОСТИЖНОЙ СМЕРТИ

      При таких обстоятельствах следует взывать к святому мученику Садоку, епископу Персидскому (20 февраля/5 марта), принявшему мученическую смерть ок. 311 года. Этот святитель в предсмертной своей молитве просил Господа Бога, чтобы молящиеся от его имени получали спасение.

      В этом случае молитвенником может быть святой мученик Харлампий (10/23 февраля). Перед своей смертью (в 202 году) священномученик усердно молился ко Господу и о том, чтобы там, где будут находиться его мощи, не было бы моровой язвы.

В ПЛЕНУ У ВРАГОВ

      Находясь в плену у врагов, следует взывать о своем освобождении к Пресвятой Богородице (см. помощь при неблагополучии в семье, об освобождении).

      При таких обстоятельствах взывают к праведному Симеону Богоприимцу и преподобному Петру Афонскому, который очень тяжело томился в плену (см. об избавлении страждущих).

ОТ СМЕРТИ НА ВОЙНЕ

В таких нуждах молитвенно призывают Георгия Победоносца (23 апреля/6 августа), великомученика.

великомученику Георгию Победоносцу

     Яко пленных свободитель и нищих защититель, немоществующих врач, Победоносче великомучениче Георгие, моли Христа Бога, спастися душам нашим.

     Возделан от Бога показался еси благочестия делатель честнейший, добродетелей рукояти собрав себе, сеяв бо в слезах, веселием жнеши, страдальчествовав же кровию, Христа приял еси, и молитвами, святе, твоими всем подаеши прегрешений прощение.

     Святый, славный и всехвальный великомучениче Христов Георгие! Собраннии во храме твоем и перед иконою твоею святою покланяющиися людие, молим тя, известный желания нашего ходатаю: моли с нами и о нас умоляемаго от Своего благоутробия Бога, да милостивно услышит нас, просящих Его благостыню, и не оставит вся наша ко спасению и житию нуждная прошения, и да укрепит же данною, тебе благодатию во бранех православное воинство, разрушит силы возстающих враг, да постыдятся и посрамятся, и дерзость их да сокрушится, и да уведят, яко мы имамы Божественную помощь; и всем в скорби и обстоянии сущим многомощное яви твое заступление. Умоли Господа Бога, всея твари Создателя, избавити нас от вечнаго мучения, да всегда прославляем Отца и Сына и Святаго Духа, и твое исповедуем предстательство, ныне и присно и во веки веков. Аминь.

святителю Никите Новгородскому

     О, архиерею Божий, святителю Никито! Услыши нас грешных, днесь во священный храм сей стекшихся, и честному образу твоему покланяющихся, и ко священный твоей раце припадающих, и умиленно вопиющих: якоже седя на престоле святительства в Великом Новаграде сем, и „единою надлежащу бездождию, дождь молитвою свел еси, и паки граду сему огненным пламенем обдержиму, молитвою избаву подал еси, тако и ныне молим тя, о святителю Христов Никито: молися ко Господу, еже избавити царствующия грады, Великий Новаград сей и вся грады и страны христианские от труса, потопа, глада, огня, града, меча и от всех врагов видимых и невидимых, яко да изрядных ради молитв твоих спасаеми, славим Пресвятую Троицу, Отца и Сына и Святаго Духа, и твое милостивное предстательство, ныне и присно и во веки веков. Аминь.

ОТ ВНЕЗАПНОЙ СМЕРТИ

      От внезапной смерти в случае удавления костью следует молитвенно обращаться к священномученику Власию, епископу Севастийскому (10/23 февраля), умершему около 316 года.

     Перед тем как исцелить отрока, который подавился костью, Власий молил Господа Бога о даровании ему такой благодати, как помогать и другим в подобной смертной опасности.

ПРИ НАПАДЕНИИ ЗВЕРЕЙ, ПРИ УКУСЕ ЯДОВИТЫХ ЗМЕЙ

      Прежде всего взывают к Господу Богу и читают молитву Честному Кресту.

     Да воскреснет Бог, и расточатся врази Его, и да бежат от лица Его ненавидящие Его. Яко исчезает дым, да исчезнут; яко тает воск от лица огня, тако да погибнут беси от лица любящих Бога и знаменующихся крестным знамением, и в веселии глаголющих: радуйся, Пречестный и Животворящий Кресте Господень, прогоняяй бесы силою на тебе пропятаго Господа нашего Иисуса Христа, во ад сшедшего и поправшего силу диавола, и даровавшаго нам тебе Крест Свой Честный на прогнание всякого супостата. О Пречестный и Животворящий Кресте Господень! Помогай ми со Святою Госпожею Девою Богородицею и со всеми святыми во веки. Аминь.

Песнь Пресвятой Богородице

     Богородице Дево, радуйся. Благодатная Марие, Господь с Тобою; благословенна Ты в женах и благословен плод чрева Твоего, яко Спаса родила еси душ наших.

преподобному Алексию, человеку Божию

     О, великий Христов угодниче, святый человече Божий Алексие, душею на небеси престолу Господни предстояй, на земли же данною ти свыше благодатию различная совершаяй чудеса! Призри милостиво на предстоящия святей иконе твоей люди, умиленно молящияся и просящия от тебе помощи и заступления. Простри молитвенно ко Господу Богу честнии руце твои и испроси нам от Него оставление согрешений наших вольных и невольных, в недузех страждущим исцеление, напаствуемым заступление, скорбящим утешение, бедствующим скорую помощь, всем же чтущим тя мирную и христианскую живота кончину и добрый ответ на Страшном Суде Христово. Ей, угодниче Божий, не посрами упования нашего еже на тя по Бозе и Богородице возлагаем, но буди нам помощник и покровитель во спасение: да твоими молитвами получивше благодать и милость от Господа, прославим человеколюбие Отца и Сына и Святаго Духа, в Троице славимаго и покланяемаго Бога, и твое святое заступление, ныне и присно и во веки веков. Аминь.

ПРИ УГРОЗЕ УТОПЛЕНИЯ

      При угрозе утопления взывают к Пресвятой Владычице нашей Богородице и Приснодеве Марии в честь ее иконы «Спасительница утопающих», иначе называемой Леньковской (Новгород-Северской) (20 декабря/2 января).

Пресвятой Богородице перед Ее иконой Леньковскою, или «Спасительница утопающих»

     Заступница усердная, Мати Господа Вышняго! Ты еси всем Христианом помощь и заступление, паче же в бедах сущим. Призри ныне с высоты святыя Твоя и на ны, с верою покланяющияся Пречистому Образу Твоему, и яви, молим Тя, скорую помощь Твою по морю плавающим и от ветров бурных тяжкия скорби терпящим. Подвигни и вся православныя христианы на спасение в водах утопающих и воздаждь подвизающимся о сем богатыя милости и щедроты Твоя. Се бо, на Образ Твой взирающе. Тебе, яко милостивно сущей с нами, приносим смиренныя моления наша. Не имамы бо ни иныя помощи, ни иного предстательства, ни утешения, токмо тебе, о, Мати всех скорбящих и напаствуемых. Ты по Бозе наша Надежда и Заступница, и на Тя уповающе, сами себе, и друг друга, и всю жизнь нашу Тебе предаем во веки веков. Аминь.

ВО ВРЕМЯ БЕДСТВИЯ И НАШЕСТВИЯ ВРАГОВ

      При таких обстоятельствах взывают молитвенно ко Господу Иисусу Христу.

ко Господу Иисусу Христу

     Скоро предвари, прежде даже не поработимся врагом хулящим Тя и претящим нам, Христе Боже наш: погуби Крестом Твоим борющия нас, да уразумеют, како может православных вера, молитвами Богородицы, Едине Человеколюбче.

благоверному князю Александру Невскому

     Скорый помощниче всех усердно к тебе прибегающих и теплый наш пред Господем предстателю, святый благоверный великий княже Александре! Призри милостивно на ны недостойныя, многими беззаконии непотребны себе сотворшия, к раце мощей твоих (или ко святей иконе твоей) ныне притекающия и из глубины сердца к тебе возывающия. Ты в житии твоем ревнитель и защитник православныя веры был еси: и нас в ней теплыми твоими к Богу молитвами непоколебимы утверди. Ты великое возложенное на тя служение тщательно проходил еси: и нас твоею помощию пребывати коегождо, в неже призван есть, настави. Ты, победив полки супостатов, от пределов Российских отгнал еси: и на нас ополчающихся всех видимых и невидимых врагов низложи. Ты, оставив тленный венец царства земнаго, избрал еси безмолвное житие, и ныне праведно венцем нетленным увенчанный на небесех царствуеши: исходатайствуй и нам, смиренно молим тя, житие тихое и безмятежное, и к вечному Царствию шествие неуклонное твоим предстательством устрой нам. Предстоя же со всеми святыми престолу Божию, молися о всех православных христианех, да сохранит их Господь Бог Своею благодатию в мире, здравии, долгоденствии и всяком благополучии в должайшая лета, да присно славим и благословим Бога в Троице Святей славимаго. Отца и Сына и Святаго Духа, ныне и присно и во веки веков. Аминь.

преподобному Иову, шумену и чудотворцу Почаевскому

     О, преподобие отче Иове, иноков трудолюбнаго жития богомудрый наставниче, кротости и воздержания, чистоты и «целомудрия, братолюбия и нищелюбия, терпения и бдения от ранния юности до поздния старости, неутомимый подвижниче, веры православный великий ревнителю и непреборимый поборниче, земли волынския и галицкая светило богосветлое и святыя Почаевские обители непобедимый защитниче! Призри оком благоутробия твоего на нас недостойных чад твоих, к тебе усердно по вся дни прибегающих и на боголюбивые люди сия, пред твоими духоносными и многоцелебными мощами (или ко святой иконе твоей) собравшияся и благоговейно к тем припадающия и испроси предстательством твоим ко Всевышнему Владыце им и нам вся, яже к животу и благочестию, полезная и благопотребная: болящия исцели, малодушныя ободри, скорбящия утеши, обидимыя заступи, немощная подкрепи и поверженныя долу возстави, всем вся, благодатию тебе от Бога данною даруй, по коегождо нужде и потребе, во спасение души и во здравие телу. Вознеси, угодниче Божий, всемощную молитву твою о правителех государства нашего, да будет всегда в державе нашей мир и тишина, благочестие и благоденствие, в судех правда и милость, в советах мудрость и благое преспеяние, да утверждается же во благих человецех верность, в злых же страх и боязнь, во еже престати им от зла и творити добрая, да тако в державе Российстей Царство Христово растет и множится, и да прославится в нем Бог, дивный во святых своих: Емуже Единому подобает всякая слава, честь и поклонение, Отцу и Сыну и Святому Духу, ныне и присно и во веки веков. Аминь.

     В таких обстоятельствах молятся святителю Иоанну Новгородскому, благоверным князьям Борису и Глебу, великомученику Димитрию Солунскому, преподобным Нилу Сорскому, Паисию Величковскому.

Молитвы при нашествии врагов. Псалом 90.

Молитвы при нашествии врагов. Псалом 90.

Тропарь, глас 4-й

Скоро предвари, прежде даже не поработимся врагом хулящим Тя и претящим нам, Христе Боже наш: погуби Крестом Твоим борющия нас, да уразумеют, како может православных вера, молитвами Богородицы, Едине Человеколюбче.

Возбранный Воеводо и Господи, ада Победителю! Яко избавлься от вечныя смерти, похвальная восписую Ти, создание и раб Твой; но яко имеяй милосердие неизреченное, от всяких мя бед свободи, зовуща: Иисусе, Сыне Божий, помилуй мя.

Псалом Давида, 34

Суди, Господи, обидящые мя, побори борющыя мя. Приими оружие и щит, и востани в помощь мою. Изсуни мечь, и заключи сопротив гонящих мя. Рцы души моей: спасение твое есмь Аз. Да постыдятся и посрамятся ищущии душу мою, да возвратятся вспять и постыдятся мыслящии ми злая. Да будут яко прах пред лицем ветра, и Ангел Господень оскорбляя их. Да будет путь их тма и ползок, и Ангел Господень погоняяй их: яко туне скрыша ми пагубу сети своея, всуе поносиша души моей. Да приидет ему сеть, юже не весть, и ловитва, юже скры, да обымет и, и в сеть да впадет в ню. Душа же моя возрадуется о, Господе, возвеселится о спасении Его. Вся кости моя рекут: Господи, Господи, кто подобен Тебе? Избавляяй нища из руки крепльших его, и нища, и убога от расхищающих его. Воставше на мя свидетеле неправеднии, яже не ведех, вопрошаху мя. Воздаша ми лукавая возблагая, и безчадие души моей. Аз же, внегда они стужаху ми, облачахся во вретище, и смирях постом душу мою, и молитва моя в недро мое возвратится. Яко ближнему, яко брату нашему, тако угождах, яко плача и сетуя, тако смиряхся. И на мя возвеселишася и собрашася: собрашася на мя раны, и не познах, разделишася, и не умилишася. Искусиша мя, подражниша мя подражнением, гюскрежеташа на мя зубы своими. Господи, когда узриши? Устрой душу мою от злодейства их, от лев единородную мою. Исповемся Тебе в церкви мнозе, в людях тяжцех восхвалю Тя. Да не возрадуются о мне враждующии ми неправедно, ненавидящии мя туне и помизающии очима. Яко мне убо мирная глаголаху и на гнев лести помышляху. Разшириша на мя уста своя, реша: благоже, благоже, видеша очи наши. Видел еси, Господи, да не премолчиши. Господи, не отступи от мене. Востани, Господи, и вонми суду моему, Боже мой и Господи мой, на пря мою. Суди ми, Господи, по правде Твоей, Господи Боже мой, и да не возрадуются о мне. Да не рекут в сердцах своих: благоже, благоже, души нашей, ниже да рекут: пожрохом его. Да постыдятся и посрамятся вкупе радующиися злом моим, да облекутся в студ и срам велеречующии на мя. Да возрадуются и возвеселятся хотящии правды моея, и да рекут выну: да возвеличится Господь, хотящии мира рабу Его. И язык мой поучится правде Твоей, весь день хвале Твоей.

Господи, Всемогущий Боже, Царь всех царствующих и Господь всех господствующих, сказавший, что и волос с головы не упадет у нас без воли Твоей, прекращающий брани до края земли, сокрушающий лук, преломляющий копье, сожигающий огнем колесницы! Будь помощию нашею, защитою и крепостию, каменною горою и оградою от врагов. Не оставь наследия Твоего, называющегося святым именем Христовым. Да возвеличится слава Твоя в вышних и во всем мире, да будет на земле мир и благоволение. Не попусти разорять и опустошать церкви и училища, земли и народы, где обитает слава Твоя. Даруй всем христианским властям и подданным постоянный мир и согласие. Вооружи нас могуществом Твоим, потому что Тобою можем мы сокрушить полчища. Облеки нас силою Твоею и соделай, чтоб укрепились мы Тобою и могуществом силы Твоей. Аминь.

Молитва Кресту Господню

Да воскре́снет Бог, и расточа́тся врази́ Его́, и да бежа́т от лица́ Его́ ненави́дящии Его́. Я́ко исчеза́ет дым, да исче́знут; я́ко та́ет воск от лица́ огня́, та́ко да поги́бнут бе́си от лица́ лю́бящих Бо́га и зна́менующихся кре́стным зна́мением и в весе́лии глаго́лющих: ра́дуйся, Пречестны́й и Животворя́щий Кре́сте Госпо́день, прогоня́яй бе́сы си́лою на тебе́ пропя́таго Го́спода на́шего Иису́са Христа́, во ад сше́дшаго и попра́вшаго си́лу диа́волю, и дарова́вшаго нам тебе́, Крест Свой Честны́й, на прогна́ние вся́каго супоста́та. О Пречестны́й и Животворя́щий Кре́сте Госпо́день! Помога́й ми со Свято́ю Госпоже́ю Де́вою Богоро́дицею и со все́ми святы́ми во ве́ки. Ами́нь.

Стихиры Кресту Господню

И́же Кресто́м огражда́еми, врагу́ противля́емся, не боя́щеся того́ кова́рства, ни лови́тельства; я́ко бо го́рдый упраздни́ся, и попра́н бы́сть на Дре́ве си́лою распя́таго Христа́.

Крест Твой, Го́споди, освяти́ся, тем бо быва́ют исцеле́ния немощству́ющим грехми́; сего́ ра́ди Тебе́ припа́даем, поми́луй нас.

Го́споди, ору́жие на диа́вола Крест Твой дал еси́ нам, трепе́щет бо и трясе́тся, не терпя́ взира́ти на си́лу Его́, я́ко ме́ртвыя возставля́ет, и смерть упраздни́; сего́ ра́ди покланя́емся погребе́нию Твоему́ и воста́нию.

Молитва при нашествии врагов

­ ­ ­ О защите от нашествия иноплеменников и иноверных

­ ­ ­ Божией Матери пред Ее иконою “Владимирская”

­ ­ ­ 3 июня празднество Владимирской иконы Божией Матери установлено в память спасения Москвы от нашествия Крымского хана Махмет-Гирея в 1521 году.

­ ­ ­ 6 июля празднество этой иконе установлено в память спасения Москвы от нашествия Ахмат-хана в 1480 году.

­ ­ ­ 8 сентября празднество Владимирской иконы Божией Матери установлено в память спасения Москвы от нашествия Тамерлана в 1395 году.

­ ­ ­ По преданию, Владимирская икона Божией Матери была написана Евангелистом Лукой на доске от стола, за которым трапезовал Спаситель с Пречистой Матерью и праведным Иосифом Обручником. В 1311 году икона была прислана из Константинополя на Русь князю Мстиславу, а Андрей Боголюбский, сын Юрия Долгорукого, принес икону во Владимир. С того времени икона получила название Владимирской.

­ ­ ­ О, Всемилостивая Госпоже Богородице, Небесная Царице, Всемощная Заступнице, непостыдное наше Упование! Благодаряще Тя о всех великих благодеяниях, в роды родов людем российским от Тебе бывших, пред пречистым образом Твоим молим Тя: сохрани град сей (или: весь сию, или: святую обитель сию) и предстоящий рабы Твоя и всю Землю Русскую от глада, губительства, земли трясения, потопа, огня, меча, нашествия иноплеменных и междоусобныя брани. Сохрани и спаси, Госпоже, Великаго Господина и Отца нашего (имярек) Святейшаго Патриарха Московскаго и всея Руси, и Господина нашего (имярек), Преосвященнеишаго епископа (или: архиепископа, или: митрополита) (титул) и все Преосвященныя митрополиты, архиепископы и епископы православныя. Даждь им Церковь Российскую добре управити, верныя овцы Христовы негиблемы соблюсти. Помяни, Владычице и весь священнический и монашеский чин, согрей сердца их ревностию о Бозе и достойно звания своего ходити коегождо укрепи. Спаси, Госпоже, и помилуй вся рабы Твоя и даруй нам путь земнаго поприща без порока прейти. Утверди нас вере Христовой и во усердии ко Православней Церкви, вложи в сердца наши дух страха Божия, дух благочестия, дух смирения, в напастях терпение нам подаждь, во благоденствии – воздержание, к ближним любовь, ко врагом всепрощение, в добрых делех преуспевание. Избави нас от всякаго искушения и от окамененнаго нечувствия; в страшный же день Суда сподоби нас ходатайством Твоим стати одесную Сына Твоего, Христа Бога нашего, Ему же подобает всякая слава, честь и поклонение со Отцем и Святым Духом, ныне и присно и во веки веков. Аминь.

­ ­ ­ Днесь светло красуется славнейший град Москва, яко зарю солнечную восприемши, Владычице, чудотворную Твою икону: к ней же мы ныне притекающе и молящеся Тебе, взываем сице: О, пречудная Владычице Богородице! Молися из Тебе воплощенному Христу Богу нашему, да избавит град сей и вся грады и страны христианския невредимы от всех навет вражиих и спасет души наша, яко милосерд.

­ ­ ­ Знамение Пресвятой Богородицы, бывшее в Новгороде Великом в 1170 году, когда эту икону вынесли на городскую стену во время осады Новгорода, одна из стрел вонзилась в иконописный лик, из глаз Богородицы потекли слезы. После такого Божественного знамения на врагов напал ужас, они стали побивать друг друга и ободренные новгородцы победили.

­ ­ ­ Молитва пред иконою Знамения Пресвятыя Богородицы еже в Велицем Новуграде

­ ­ ­ О, Пресвятая и Преблагословенная Мати Сладчайшаго Господа нашего Иисуса Христа!

­ ­ ­ Припадаем и покланяемся Тебе пред святою чудотворную иконою Твоею, воспоминающе дивное знамение Твоего заступления Великому Новуграду от Нея явленное во дни ратнаго на сей град нашествия.

­ ­ ­ Смиренно молим Тя, всесильная рода нашего Заступница, якоже древле отцем нашим на помощь тогда ускорила еси, тако и ныне нас немощных и грешных Твоего матерняго заступления и благопопечения сподоби. Церковь святую утверди, град Твой и всю страну нашу православную и всех нас, припадающих к Тебе с верою и любовию и умиленно просящих со слезами Твоего заступления, помилуй и сохрани.

­ ­ ­ Ей, Госпоже Всемилостивая! Умилосердися на ны, обуреваемыя грехми многими, простри ко Христу Богу богоприимныя руце Твои и предстательствуй за нас пред благостию Его, просящи нам прощения прегрешений наших, благочестнаго мирнаго жития, благая христианския кончины и добра-го ответа на Страшнем Суде Его: да спасаеми всесильными Твоими к Нему молитвами, блаженство райское унаследуем, и со всеми святыми воспоем Пречестное и Великолепое Имя Достопокланяемыя Троицы, Отца и Сына и Святаго Духа, и Твое велие к нам милосердие во веки веков. Аминь.

­ ­ ­ Яко необоримую стену и источник чудес стяжавше тя раби Твои, Богородице Пречистая, сопротивных ополчения низлагаем. Темже молим Тя, мир граду Твоему даруй и душам нашим велию милость.

­ ­ ­ Божией Матери пред Ее иконою “Тихвинская”

­ ­ ­ Из глаз Божией Матери на этой иконе пролились слезы на Афоне в Ильинском скиту в 1876 году, когда Афону грозило нашествие турок.

­ ­ ­ О, Пресвятая Дево, Мати Господа вышних сил, небесе и земли Царице, града и страны нашея всемощная Заступнице.

­ ­ ­ Приими хвалебноблагодарственное пение сие от нас недостойных раб Твоих и вознеси молитвы наша ко Престолу Бога Сына Твоего, да милостив будет неправдам нашим и прибавит благость Свою чтущим всечестное имя Твое и с верою и любовию поклоняющимся чудотворному образу Твоему. Несмы бо достойни от Него помилованы быти, аще не Ты умилостививиши Его о нас, Владычице, яко вся Тебе от Него возможна суть. Сего ради к Тебе прибегаем, яко к несомненней и скорой Заступнице нашей: услыши нас молящихся Тебе, осени нас вседержавным покровом Твоим и испроси у Бога, Сына Твоего пастырем нашим ревность и бдение о душах, градоправителем мудрость и силу, судиям правду и нелицеприятие, наставником разум и смиреномудрие, супругам любовь и согласие, чадам послушание, обидимым терпение, обидящим страх Божий, скорбящим благодушие, радующимся воздержание: всем же нам дух разума и благочестия, дух милосердия и кротости, дух чистоты и правды. Ей, Госпоже Пресвятая, умилосердися на немощныя люди Твоя: разсеянныя собери, за-блуждшыя на путь правый настави, старость поддержи, юныя уцеломудри, младенцы воспитай, и призри на всех нас призрением милостиваго Твоего заступления, воздвигни нас из глубины греховныя и просвети сердечные очи наша к зрению спасения милостива нам буди зде и тамо, в стране земнаго пришельствия и на Страшном Суде Сына Твоего преставльшыяся же в вере и покаянии от жития сего отцы и братию нашу в вечней жизни со ангелы и со всеми святыми жити сотвори.

­ ­ ­ Ты бо еси, Госпоже, слава небесных и упование земных, Ты по Бозе наша Надежда и Заступница всех притекающих к Тебе с верою.

­ ­ ­ К Тебе убо молимся, и Тебе, яко всемогущей Помощнице, сами себе и друг друга и весь живот наш предадим ныне и присно и во веки веков. Аминь.

­ ­ ­ Благодарим Тя, О, Преблагая и Пречистая, преблагословенная Дево, Владычице, Мати Христа Бога нашего, о всех благодеяниях Твоих, яже показала еси роду человеческому, наипаче же нам, христоименитым людям Российского народа, о нихже самый ангельский язык к похвалению доволен будет, якоже и ныне удивила еси Неизреченную Свою милость на нас, недостойных рабех Твоих, преестественным самопришествием пречистыя Твоея иконы, еюже всю просветила еси Российскую страну: темже и мы, грешнии, со страхом и радостию поклоняющеся, вопием Ти: О, Пресвятая Дево, Царице и Богородице, спаси и помилуй благочестивый народ наш и подаждь им победы на вся враги их, и сохрани царствующия и вся грады страны христианския, и сей Святый храм от всякаго навета вражия изба-ви, и всем вся на пользу даруй, ныне пришедшим с верою и молящимся рабом Твоим, и поклоняющимся пресвятому образу Твоему: яко благословенна еси с родшимся от Тебе Сыном и Богом, ныне и присно и во веки веков. Аминь.

­ ­ ­ Днесь, яко солнце пресветлое, возсия нам на воздусе всечестная икона Твоя, Владычице, лучами милости мир просвещающи: юже великая Россия, яко некий дар Божественный, свыше благоговейне восприемши, прославляет Тя, Богомати, всех Владычицу, и от Тебе родшагося Христа Бога нашего величает радостно. Емуже молимся, о госпоже Царице Богородице, да сохранит вся грады и страны христианския невредимы от всех навет вражиих и спасет верою поклоняющихся Его Божественному и Твоему пречистому образу, Дево неискусобрачная.

Молитвенный щит православного христианина