Молитва св феодору стратилату

Акафист св вмуч Феодору Стратилату

• Запись понравилась
• 0 Процитировали
• 0 Сохранили
  • 0Добавить в цитатник
  • 0Сохранить в ссылки

  

  

  Возбраному воеводе и славному во страдальцех воину, / святому великомученику Феодору,/ / приидите песнь хвалебную вкупе воспоим./ / Ты же, великомучениче, яко имея дерзновение ко Господу,/ / от всяких нас бед свободи, да зовем ти:/ /

  Радуйся, святый великомучениче Феодоре, Великий Стратилате.

  Ангелов Творец и всея твари Создатель яви тя Церкви Своей, яко страдальца доблественна и воина непобедима, да вси по достоянию страдания твоя восхвалят, страстотерпче Феодоре. Сего ради и мы, яко мученика днесь чтуще, восхваляем ти, вопиюще:

  Радуйся, идольскаго служения прелесть обличивый.

  Радуйся, ярость безумнаго царя языческаго презревый.

  Радуйся, сего ради мучения велия и раны смертныя претерпевый.

  Радуйся, яко Христос от Пилата, от Ликиния царя плотию на кресте пригвожденный.

  Радуйся, от Ангела Господня паки живот и крепость дивно восприявый.

  Радуйся, с радостию о Господе главу свою честную под меч преклонивый.

  Радуйся, святый великомучениче Феодоре, Великий Стратилате.

  Зряще страдальца доблественна и воина непобедима святаго великомученика Феодора, страданьми венцы победные приявша и со ангелы сочетавшеся и чудес сокровище миру даровавша, вернии единомудренне почтим, воспевающа Богу: Аллилуиа.

  Разум божественный стяжав, змия велия и страшна, близ Евхаитска града вогнездившася, крестом и мечем поразил еси, воине Христов, темже и стратилат, еси воевода, возставлен бе на земли. Мы же яко небесному воеводе вопием ти:

  Радуйся, силою Христовою от змия того лютаго отечество свое свободивый.

  Радуйся, многое народа множество ко Христу обративый.

  Радуйся, оружием веры демонов полки победивый.

  Радуйся, яко победоносный явился еси на земли страдалец.

  Радуйся, чудес множество с верою к тебе прибегающим подаваяй.

  Радуйся, Христу Богу молитися за ны милостиво не оскудневаяй.

  Радуйся, святый великомучениче Феодоре, Великий Стратилате.

  Силою Божией умерщвлена змия Феодором Стратилатом видевше, Евхаитский град и вси людие окрестние чудяшеся зело и взываху глаголющее: «Велий есть Бог Феодоров, сей есть Бог истинный», – Емуже мы вопием: Аллилуиа.

  Имея обычай благий нощию молитися неусыпно, Феодоре святый, видения божественнаго сподобился еси: покрову храмины, яко отверсту явшуся и свету небесному, яко огню велию, осиявшу тя; также и глас слышал еси свыше глаголющ: « Дерзай, Феодоре с тобою бо есмь». Сим познал еси, яко время прииде страдания твоего за Христа, возвеселися духом. Темже вопием ти:

  Радуйся, яко славу неизглаголанную Христа Бога узрел еси.

  Радуйся, яко и премирных видений зритель был еси.

  Радуйся, яко и на земли небесныя собеседники имел еси.

  Радуйся, великих бо Таин откровений в земной жизни сподобился еси.

  Радуйся, пророческое просвещение.

  Радуйся, светильниче мысленный, светом Христовым облистаемый.

  Радуйся, святый великомучениче Феодоре, Великий Стратилате.

  Бурю мучений близящуюся разумев, сице молился еси со слезами, блажение Феодоре, Христу Богу : «Господи, Боже, всесильный, буди ми милостив и соблюди мя от прелести вражия, да не порадуются врази мои». Такоже и мы с тобою Богу вопием: Аллилуиа.

  Слышав злочестиваго царя прельстительныя глаголы, яко да жертвы и кадилы и ароматы принесоши мерзким богам, Феодоре треблаженне, сокрушил еси я в нощь едину и, раздробив вся идолы златы и сребряны в части малы, разделил еси я сирым и убогим. Сего ради неустрашимому твоему подвигу вельми дивящеся, сице вопием:

  Радуйся, премудростию словес твоих бесстуднейшаго царя посрамивый.

  Радуйся, славу Бога жива и истинна пред языки проповедавый.

  Радуйся, яко воистину Феодор, еже сказуется дар Божий, явился еси.

  Радуйся, яко ныне со ангелы и лики мучеников блаженне радуешися.

  Радуйся, яко дерзновение имеяй к Богу, от скорбей и страстей нас всех избавляеши.

  Радуйся, святый великомучениче Феодоре, Великий Стратилате.

  Богомерзкие идолы егда яко злато и сребро обычно рассек уси рукою человеческою, безумнаго царя нечестиваго поругал еси, великомучениче, глаголя ему: «Ты кланяешися богам мертвым, аз же поклоняюся Богу Живому». Емуже с тобою и мы поклоняемся, взывающе: Аллилуиа.

  Видев нечестивый мучитель тело твое честное на мучение предаемо, ругашеся тебе, страстотерпче. Ты же, святый, вся сия мужественно терпя, ничтоже ино глаголал еси точию: «Слава Тебе, Боже мой!» Терпению твоему дивящеся, сице вопием ти:

  Радуйся, жилами воловими и прутьями оловянными беспощадно биемый.

  Радуйся, многие раны к ранам имже несть числа, от мучителя претерпевый.

  Радуйся, яко венцы победные тако от Христа приявый.

  Радуйся, твоими ко Христу ходатайствы верные спасаяй.

  Радуйся, святый великомучениче Феодоре, Великий Стратилате.

  Проповедник славы Христовой явился, в темницу ввержен был еси, страстотерпче Феодоре, неистовым мучителем руце и нози имеяй связана и ничесоже ядый даже до дний пяти. Ангел же свят пришед разрешити ты связана, да вопиеши Богу: Аллилуиа.

  Воссияша почести твоя Феодоре. Якоже бо иногда Христос Господь наш от Пилата, такожде и ты, блаженнее, от Ликиния царя на кресте пропят был еси, руце и нозе имея пригвожденна. Сего ради придем вси верни песненными венцы Феодора Мученика преславного величаем глаголюще:

  Радуйся, ко кресту пригвожденный.

  Радуйся, стрелы острыми и гвоздием прободенный.

  Радуйся, мечем усеченный.

  Радуйся, всякими хитростями болезней предупрежденный.

  Радуйся, яко в мучениях непреклонен и непобедим явился еси.

  Радуйся, святый великомучениче Феодоре, Великий Стратилате.

  Хотя от земных разрешитися и на древо вшед уязвленною плотию, великомученниче Феодоре, сице молился еси ко Господу: «Помяни мя, Господи, претерпевающа крест Тебе ради». Емуже и мы с тобою вопием: Аллилуиа.

  Нова по страдании яви Ангел Господень, Феодора мученика, в первую бо стражу нощи висящу тому на кресте сниде с небесе и снят со креста и сотвори всего цела и здрава, якоже и прежде, и лобзая рече ему: «Радуйся и укрепляйся, Феодоре, себо с тобою Господь». Сего ради и мы со безплотными купно воззовем тому глаголюще:

  Радуйся, целование ангельское приемый.

  Радуйся, спасительную страсть Зиждителя изобразивый.

  Радуйся, во всяких нуждах предстательством твоим спасаяй.

  Радуйся, всяку душегубительную печаль и обстояние отгоняй.

  Радуйся, чудес множество сущим в мире подаваяй.

  Радуйся, верным сердца невидимо подаваяй.

  Радуйся, святый великомученниче Феодоре, Великий Стратилате.

  Странное о тебе содевается, блаженне Феодоре, мучитель бо злочестивый мня тя распята мертва суща, остави тело твое на кресте висяща, ты же от Ангела цел и здрав быв, начал еси пети Господеви песнь хвалебную: Аллилуиа.

  Всего тя истребити хотяще мучитель, сего ради и сотник повеле пояти тело твое со креста и в ковчег оловян вложити и в пучину морскую ввергнути, да никако христиане е возмут и честно погребут. Сотницы же знамения многая и велия от святаго узревше, ко Христу обратившася; сего ради и мы чтуще честную мученика память сице вопием:

  Радуйся, Небеснаго Царя воеводо предобрый.

  Радуйся, риторе изрядный, паче мудрецов мира мудрейший.

  Радуйся, вся мира сего красная ни во что же вменивый.

  Радуйся, терпения совершеннейший образ всем показавый.

  Радуйся, в Сионе горнем со Ангелы и святыми купно вселивыйся.

  Радуйся, ходатай теплый за ны пред Богом явивыйся.

  Радуйся, святый великомучениче Феодоре, Великий Стратилате.

  Всякая похвала подобает тебе великомучениче Феодоре, претерпев бо крест и по страдании паки цел и здрав со креста сошед, Ангелом чудесным действием, неверные сотники царския и воины многи прежде нечестивые просветил еси и научил еси веровати Христу Богу и Пети Ему купно с тобою : Аллилуиа.

  Ветия, сказуяй славу Божию неизчетными знамении твоими, явился еси миру славо мучеников Феодоре, от тебе бо исцеление неоскудно почерпаем, вси к тебе с верою прибегающии и страсти твои воспевающии сице:

  Радуйся, узники многи от уз разрешивый.

  Радуйся, двери темничныя словом единым отверзаяй.

  Радуйся, недужным исцеление подаваяй.

  Радуйся, демоном злым одержимыя свобождаяй.

  Радуйся, точию прикасающиеся ко одежде твоей абие исцеляй.

  Радуйся, вместо кровных капель исцелений токи одождяяй.

  Радуйся, святый великомучениче Феодоре, Великий Стратилате.

  Спасительную веру восприявша вси людие велия знамение твоя зрящии, треблаженне Феодоре, темже идолов мерзких отвергше, Христу прилепишася, глаголюще: «Велий бо есть Бог Феодоров, сей есть Бог истинный», – Емуже присно вопием: Аллилуиа.

  Стену необоримую мужества твоего воине Христов, неодолев лютый мучитель, убийством на тя дышуще и крове твоея аки пес алчный жаждал, посла мечем убити тя, ты же помолився и знамением крестным знаменався, волею приклонил еси под меч главу твою. Твое усекновение чтуще сице вопием ти:

  Радуйся, мечем смерть меченическую восприявый.

  Радуйся, во успении своем знамения многи сотворивый.

  Радуйся, веру и любовь Христову даже до смерти сохранивый.

  Радуйся, яко в вышних чертозех со ангелы и святыми вселился еси.

  Радуйся, яко за грешныя теплый ко Христу предстатель явился еси.

  Радуйся, о душах наших непрестанный молитвениче.

  Радуйся, святый великомучениче Феодоре, Великий Стратилате.

  Пение надгробное со свещами и кадилы воспеша людие вси, честь тебе воздающе, Феодоре, егда глава твоя честная мечем усечена бысть, темже взяше тело твое святое и в месте нарочите положивша е, последи же и в Евхаитский град принесоша, Христа Бога славяще и поюще Ему песнь: Аллилуиа.

  Светом знамения изряднаго поразил еси нечестивыя сарацины на честный храм твой, иже в Корсате, нашедших, егда стрелою устрели образ твой, абие истече кровь в обличение тех омраченных безумием. Темже знамению сему чудящеся, верно вопием ти, чудотворче Феодоре:

  Радуйся, яко безумие сарацин посрамил еси.

  Радуйся, яко Церковь Божию от поругания оградил еси.

  Радуйся, яко образ твой светлый чудотворен явился еси.

  Радуйся, яко имя твое и в неверных прославил еси.

  Радуйся, паче верные к тебе прибегати в мольбах научил еси.

  Радуйся, святый великомучениче Феодоре, Великий Стратилате.

  Благодатным знамением невразумившеся невернии сарацины храм твой святый оскверниша и образу твоему честному поругатися мняху, обаче смерть люту по малех днех прияху, верни же вси икону твою святую, яко чудодейственну вельми чтуще взывают Богу: Аллилуиа.

  Поют дивныя подвиги и чудеса твоя вси верни по всей земли христианстей по вся дни в неисчислимых храмах и обитателях во имя твое созданных, собирающеся и песненными венцы тя, великомучениче Феодоре Стратилате, темже и нас, память твою днесь светло празднующих, помяни и защити, да любовию зовем ти вопиюще:

  Радуйся, яко мольбы грешных приемлеши.

  Радуйся, яко скорби душевныя утоляеши.

  Радуйся, яко страстей огонь укрощаеши.

  Радуйся, яко от всякия скверны плоти и духа соблюдаеши.

  Радуйся, яко от искушений лукаваго избавляеши.

  Радуйся, яко молящихся у престола Вседержителя поминаеши.

  Радуйся, Святый великомучениче Феодоре, Великий Стратилате.

  О, всехвальный и всеблаженный Стратилате, великомучениче святый Феодоре! Прими сие умиленное моление наше, и ко Престолу Небеснаго Царя Христа скоро вознеси, да предстательством твоим от всяких зол и напастей свободимся, вопиюще Богу присно: Аллилуиа.

  Сей Кондак читается трижды, затем Икос 1 и Кондак 1

  О, преславный и прехвальный великомученниче святый Феодоре, великий Стратилате!

  Не отрини грешных сия малыя молитвы и приношения, но яко имея дерзновение ко Всемилостивому Владыке, потщися к нам недостойным скорою твоею помощию и явися ходатай за ны теплый у Христа Бога, да не погибнем вси во грехах наших, но да сотворит с нами по великой милости Своей, да умирит мир и сохранит нас от всякаго злаго обстояния, да даст нам тихое и безмятежное житие пожити в чистоте и благочестии, и по исходе душ наших неосужденно предстати судилищу Его и деснаго стояния сподобитися, да выну поем и славим Его Всесвятое имя со Отцем и Святым Духом во веки веков. Аминь.

  О святый, славный и всехвальный великомучениче Феодоре Стратилате! Молим тя пред иконою твоею святою: моли с нами и о нас, раб Божиих (имена), умоляемого от Своего благосердия Бога, да милостивно услышит нас, благостыни у Него просящих, вся наша ко спасению и житию нужна прошения да исполнит. Еще же молим тя, святый победоносче Феодоре Стратилате, разруши силы возстающих на ны врагов, видимых и невидимых. Умоли же Господа Бога, всея твари Создателя, избавити нас от вечнаго мучения, да всегда прославляем Отца и Сына и Святаго Духа и твое исповедуем предстательство, ныне и присно и во веки веков. Аминь.

  Воинствословием истинным, страстотерпче, Небеснаго Царя воевода предобрый был еси, Феодоре, оружиями бо веры ополчился еси мудренно и победил еси демонов полки, и победоносный явился еси страдалец. Темже тя верою присно ублажаем.

  Мужеством души в веру оболкийся, и глагол Божий аки копие в руку взем, врага победил еси, мучеников превелий Феодоре, с ними Христу Богу моляся не престай о всех нас.

  Молитва св феодору стратилату

  

  

  по молитвам которых Господь являл чудесную помощь

  сражающимся на поле брани

  ­ ­ ­ В житии святого содержится молитва, которую, по преданию, составил сам Феодор Стратилат (см. ниже).

  ­ ­ ­ великомученика Феодора Стратилата

  ­ ­ ­ Господи Боже Всесильный, всех уповающих на милость Твою не оставляяй, но защищаяй их! Буди мне милостив и соблюди мя от прелести вражия Твоим защищением, да не паду пред сопротивники моими и да не порадуется враг мой о мне. Предстани мне, Спасителю мой, в подвизе сем за имя Твое святое. Ты мя укрепи и утверди и подаждь силу стати мужественно за Тя до крове и положити душу мою по любви к Тебе, якоже и Ты, возлюбив нас, положил еси на Кресте душу Свою за ны. Аминь.

  ­ ­ ­ мученика Евтропия Воина в ранах и страданиях

  ­ ­ ­ Боже Вседержителю, Благий и Милостивый, Помощниче во узах и Податель мужественнаго терпения в муках! Даждь нам терпение в ранах сих и прииди на помощь к нам, якоже к рабу Твоему мученику Феодору пришел еси и помогл ему, и всесильною Твоею помощию яви всем, яко мы воистину Тя единаго имамы Господа Спаса и Тебе Единому покланяемся, славяще Тя со Отцем и Святым Духом во веки. Аминь.

  ­ ­ ­ Ангельское воинство разделено на девять чинов, и над всеми девятью чинами поставлен Господом святой Архистратиг (военачальник – греч.) Михаил – один из семи Архангелов. Именно он низринул с Неба возгордившегося денницу с другими павшими духами. Он принимал участие и во многих ветхозаветных событиях, защищая богоизбранный народ от бедствий.

  ­ ­ ­ С древних времен Архангел Михаил прославлен своими чудесами на Руси. Не раз Пресвятая Богородица предстательствовала за города русские, являясь с воинством Небесным под предводительством Архистратига, и потому не было на Руси города, где не существовало бы храма или придела, посвященного Архистратигу Михаилу. Один из главнейших храмов города Москвы – Архангельский собор-усыпальница в Кремле.

  ­ ­ ­ Многочисленны и прекрасны иконы чиноначальника вышних сил и его Собора. Одна из них – икона “Благословенное воинство”, где святые воины – князья русские – изображены под предводительством Архистратига Михаила.

  ­ ­ ­ Память Архангела Михаила отмечается дважды: 21 ноября нов. ст. (Собор Архистратига Божия Михаила и прочих Небесных сил бесплотных) и 19 сентября нов. ст. (воспоминание чуда, совершенного святым Архистратигом Михаилом в Хонех).

  ­ ­ ­ Это чудо случилось в IV веке во Фригии. Задумав уничтожить храм во имя Архистратига Михаила, язычники соединили в одно русло две горные реки и направили их течение на церковь. Но по молитве пономаря этого храма явился Архангел Михаил, который ударом своего жезла открыл в горе широкую расселину и повелел устремиться в нее водам бурлящего потока. Храм остался невредим, а место, где совершилось чудо, по лучило название Хоны, что значит “отверстие”, “расселина”.

  ­ ­ ­ Святый и великий Архистратиже Божий Михаиле, низпровергий с Небесе диавола и воинство его! К тебе прибегаем с верою и тебе молимся с любовию, буди щит несокрушим и забрало твердо святей Церкви и православному Отечеству нашему, ограждая их молниеносным мечем твоим от всех враг видимых и невидимых. Буди Ангел Хранитель, премудр советодатель и споспешник предводителем нашим. Буди вождь непобедим христолюбивому воинству нашему, венчая его славою и победами над супостаты, да познают вси, противляющиися нам, яко с нами Бог и святии Ангели Его. Аминь.

  ­ ­ ­ О мучениче Христов Иоанне Воине! Храбрый во бранех и скорый заступник православных христиан в бедах и напастех, по данной ти от Бога благодати! Буди нам поборник крепок на вся видимыя и невидимыя враги наша. Воинству нашему победу на сопротивныя даруй, да смирятся те, и вразумятся, и Бога истиннаго познают и святую Его Церковь Православную. Мы же, грешнии, да сподобимся прославляти Господа Спаса нашего во Царствии Его вкупе с тобою во веки. Аминь.

  ­ ­ ­ Однажды император обратился к нему за советом, как организовать новое гонение на христиан, но святой Георгий открыто исповедал свою веру и обличил Диоклетиана, за что был приговорен к колесованию. Однако посланный Господом Ангел исцелил истерзанное тело мученика. Тогда святого Георгия бросили в глубокий ров и засыпали известью, но он вновь был чудесным образом исцелен. Не повредила святому и испитая им чаша смертельного яда.

  ­ ­ ­ Толпы народа приходили к святому Георгию, содержавшемуся под стражей, прося его молитв. Накануне кончины святой мученик удостоился чудесного видения: Господь призывал его в Небесные обители. Когда на следующий день святого Георгия ввели в языческий храм, дабы заставить поклониться идолам, кумиры невидимой силой были опрокинуты и разбились. Императрица Александра бросилась к ногам святого мученика и открыто исповедала, что она тоже христианка. В гневе император приказал обезглавить обоих. Это произошло в 303 году.

  ­ ­ ­ По своей кончине великомученик Георгий как Небесный покровитель и заступник христиан совершил великое множество чудес, из которых наиболее известно “чудо Георгия о змие”: на своей родине, близ города Бейрута, он уничтожил огромного змия, убивавшего людей.

  ­ ­ ­ Из древних воинов-мучеников святой Георгий (Егорий) пользовался наибольшим почитанием на Руси. Его изображение вошло в герб Русского государства. В 1769 году императрица Екатерина Великая учредила орден святого Георгия, которым награждались военачальники. В 1807 году император Александр I учредил знак отличия для нижних чинов, который с 1913 года стал именоваться Георгиевским крестом и был в русской армии самой почетной наградой.

  ­ ­ ­ Молитва о покровительстве православных воинов и армии Великомученику Георгию Победоносцу

  ­ ­ ­ О всехвальный, святый великомучениче и чудотворче Георгие! Умоли Человеколюбца Бога, скорый помощниче всех призывающих тя, да не осудит нас, грешных, по беззаконием нашим, но да сотворит с нами по велицей Своей милости и подаст православному Отечеству нашему и всему боголюбивому воинству на супостаты одоление; да укрепит государство Российское непременяемым миром и благоволением; изряднее же да оградит нас святых Ангел Своих ополчением, во еже избавитися нам, по исходе нашем из жития сего, от козней лукаваго и тяжких воздушных мытарств его и неосужденным предстати престолу Господа славы. Аминь.

  ­ ­ ­ Известны многие чудеса и исцеления, связанные с именем святых братьев. Не раз выступали они заступниками земли Русской, являясь всегда вместе, в образе молодых вооруженных воинов. Все русские князья считали их своими покровителями.

  ­ ­ ­ Молитва Благоверным князьям страстотерпцам Борису и Глебу

  ­ ­ ­ О двоице священная, святии страстотерпцы Борисе и Глебе, от юности Христу верою чистою и любовию послужившии, и кровьми своими, яко багряницею, украсившиися, и ныне со Христом царствующии! Будите нам теплии заступницы, оградите всех нас от всякия скорби, озлобления и внезапныя смерти. Молим вас, христолюбивии страстотерпцы, споспешествуйте державе Российстей в победе на сопротивныя, якоже некогда благоверному князю Александру Невскому, да несут Российстии воини страх врагом и мир земли нашей, да тихое житие поживут людие во всяком благочестии и прославляют Бога Отца и Сына и Святаго Духа. Аминь.

  ­ ­ ­ Благочестие князя-воина было вознаграждено. В ночь накануне Невской битвы одному боголюбивому русскому ратнику в видении была явлена шедшая вверх по реке ладья, в которой стояли уже почитавшиеся на Руси как мученики-страстотерпцы благоверные князья Борис и Глеб. При этом князья говорили между собой: “Пойдем поможем сроднику нашему Александру. “ И когда святой князь сражался с немецкими рыцарями, по его молитве Господь помог русским ратникам победить врагов.

  ­ ­ ­ Хан Батый вызвал знаменитого русского князя в Орду. Святой Александр, свято храня православную веру, отказался поклониться солнцу и огню. Вступив в Батыев шатер, он отдал поклон хану и сказал: “Тебе поклоняюсь, царь, потому что Сам Бог почтил тебя царством; твари же не поклонюсь, потому что она создана для человека”. Хан похвалил князя за ум и мужество и с почестями и дарами отпустил его.

  ­ ­ ­ Благодаря дипломатии князя политика Орды стала более мирной по отношению к Русской земле. Возвращаясь в очередной раз из Орды, князь-подвижник смертельно занемог и 14 ноября 1263 года, не доехав до Владимира, в городе Городце, в Феодоровском монастыре, преставился ко Господу. Свой многотрудный жизненный путь святой Александр завершил принятием схимы с именем Алексий. Останки святого князя принесли во Владимир; путь длился девять дней, и тело оставалось нетленным.

  ­ ­ ­ 23 ноября при погребении его в монастыре Рождества Пресвятой Богородицы во Владимире было явлено Богом “чудо дивно и памяти достойно”. Когда тело святого Александра было положено в раку и хотели разжать ему пальцы, чтобы вложить в ладонь разрешительную молитву, святой князь сам простер руку и взял грамоту.

  ­ ­ ­ Благоверному князю Александру Невскому

  ­ ­ ­ Скорый помощниче всех, усердно к тебе прибегающих, и теплый наш пред Господем предстателю, святый благоверный великий княже Александре! Призри милостивно на ны недостойныя, из глубины сердца к тебе взывающия: ты в житии твоем ревнитель и защитник православныя веры был еси, и нас в ней теплыми твоими к Богу молитвами непоколебимы утверди. Ты великое возложенное на тя служение тщательно проходил еси, и нас твоею помощию, пребывати коегождо в неже призван есть, настави. Ты, победив полки супостатов, от пределов Российских отгнал еси, и на нас ополчающихся всех видимых и невидимых врагов низложи. Ты, оставив тленный венец царства земнаго, избрал еси безмолвное житие, и ныне праведно венцем нетленным увенчанный, на Небесех царствуеши, исходатайствуй и нам, смиренно молим тя, житие тихое и безмятежное и к вечному Царствию шествие неуклонное. Предстоя же со всеми святыми престолу Божию, молися о всех православных христианех, да сохранит их Господь Бог Своею благодатию в мире, здравии, долгоденствии и всяком благополучии в должайшая лета, да присно славим Бога во Святей Троице, Отца и Сына и Святаго Духа. Аминь.

  ­ ­ ­ Время жизни святого благоверного князя Димитрия пришлось на период возвышения Москвы и превращения ее в церковный и государственный центр Руси. Объединение русских земель вокруг Москвы сопровождалось усилением борьбы с татаро-монгольским игом.

  ­ ­ ­ Чтобы наказать непокорных русичей, хан Мамай по примеру Батыя решил идти на Русь великим походом, собрав 400-тысячное войско. Узнав о приготовлениях врага, князь Димитрий начал собирать силы для отпора и сумел привлечь в свое войско почти всех русских князей. Преподобный Сергий Радонежский не только благословил его идти “против безбожных”, уповая на Бога, но и предсказал ему победу и отпустил с ним на битву двух монахов Троицкого монастыря – Александра Пересвета и Андрея Ослябю.

  ­ ­ ­ 8 сентября 1380 года, в день Рождества Пресвятой Богородицы, на Куликовом поле произошел ожесточенный бой между русским воинством и татаро-монголами. “Пришло, братья, время брани нашей, – обратился великий князь Димитрий к войску, – Бог нам прибежище и сила” (Пс. 45,2). Великий князь сражался в первых рядах, принял от врагов многочисленные удары, но Бог хранил его и он остался жив.

  ­ ­ ­ Так при помощи Божией русские одержали решительную победу.

  ­ ­ ­ Куликовская битва помогла русским осознать свою силу, которую они обретают при сплоченности и единстве, указала и истинного вождя русского народа в лице великого князя Московского. Победа на Куликовом поле стала общей победой Русского государства и Русской Церкви, подготовившей, вдохновившей и поддержавшей русский народ в его борьбе с полчищами татар.

  ­ ­ ­ После Куликовской победы, давшей Димитрию Иоанновичу имя Донского, великий князь прожил еще восемь лет. 19 мая 1389 года последовала блаженная кончина великого князя.

  ­ ­ ­ Молитва Благоверному князю Димитрию Донскому

  ­ ­ ­ О святый благоверный великий княже Димитрие! Аще и не мнози быша дние земнаго жития твоего, обаче велик жребий приял еси от Содетеля всех Господа, еже прославитися в земли Российстей и блаженство вечное на Небесех получити. Услыши нас, молитвенниче теплый, предстателю наш пред Господем неусыпный! Во дни мира и в годину нестроений не остави нас попечением твоим. Научи ны покорны быти Божественному Промышлению, вся в житии нашем ко благу направляющему. Отечество наше молитвами твоими от нашествий вражиих, раздоров и нестроений защити и укрепи теплым твоим предстательством, да знаменается на нас свет Лица Божия, и тем наставляеми, достигнем Царства Правды Христовы, некончаемаго и вечнаго. Аминь.