Молитва святой преподобномученице евгении

Преподобномученица Евгения Римская

Есть люди, о которых мы узнаем только после их смерти. Они живут рядом с нами, и их подвиг невиден и неизвестен. А про кого-то мы сподобимся узнать лишь на Страшном Господнем Суде, когда вообще все тайное станет явным. Не только плохое, которое почему-то чаще всего в подобных размышлениях приходит в голову, но и хорошее. И есть люди, которые рождены быть знаменитыми. Они всегда на виду, о них говорят, их узнают, о них пишут, к их мнениям прислушиваются. Конечно, не всякого слава тяготит, никто от такого к себе отношения не будет отказываться, если только на какое-то время. Ненадолго. Не навсегда…

Святая Евгения родилась в доме знатного римлянина. Он был поставлен наместником императора в Египте, в то время богатой провинции Рима. Дочь наместника императора, самого славного по всему Египту человека, получила самое лучшее образование, какое были способны дать египетские жрецы и александрийские философы. Она свободно владела латинским и греческим языками, обладала удивительной памятью. Будущее сулило ей стать одной из самых знаменитейших женщин своего времени. Евгения много читала, занималась философией.

Как-то попалось ей в руки Послание святого апостола Павла, из которого она узнала, что есть Нечто, рядом с Чем все, чем она владела считается мусором. «Я все почитаю за сор, лишь бы иметь Христа» – эти слова перевернули всю жизнь Евгении. Не имея возможности в самой Александрии встретиться с христианами, она поехала за город в свое ближайшее поместье. По дороге созрел план побега, и она, с двумя рабами, Протом и Иакинфом, оказавшимися тайными христианами, в мужской одежде пришла в мужской монастырь. Епископ Илий Елиопольский во сне получил откровение, что Евгений – женщина, но имеет мужественную душу и должна стать монахом в созданной им обители.

Началась другая жизнь. Нищета, безвестность, труды бесконечные, молитвы и молчание, покорность и грубость окружающей обстановки. Ей было сложнее втройне. Она только-только обратилась ко Христу, до этого ее учили по-другому, другим обычаям, правилам, поведению, философии. Здесь же пришлось волей-неволей хватать на лету, да еще и делать вид, что она – мужчина.

Через четыре года отошел к Богу игумен того монастыря. И во всем братстве не нашлось смиреннее, послушнее, авторитетнее инока, чем молчаливый Евгений.

Что делать? Она убежала от славы, чтобы в безвестности славить Христа, но слава нашла ее и в нищете. Сказать, что она женщина и уйти из братства? Но где она найдет подобное училище истинной мудрости? Раскрыв Евангелие, Евгения прочла: »Кто хочет среди вас быть старшим, пусть будет всем как раб». Воистину, вот путь, указанный Богом всем начальникам и руководителям.

Девушка возглавила мужской монастырь. Увеличила свои труды, молитвы, была примером для всех. Никто не подозревал, что она – не мужчина. Подвиг изменил ее до неузнаваемости. А потом Бог дал ей дар исцелений. Как раба, спешила Евгения ко всем, кто звал ее на помощь. Учила, руководила, молила и исцеляла. Одна богатая женщина, по имени Мелания, получила исцеление от Евгении и часто приглашала ее к себе, слушать поучения святой и много жертвовала в монастырь. Дьявол настроил Меланию нечистыми мыслями и она, не зная, что перед ней – девушка, стала соблазнять Евгению на грех, но получив жесткий и справедливый отпор, задумала отомстить и донесла отцу Евгении на некоего христианского игумена, который насилием хотел овладеть ею в ее доме.

Надо сказать, что после странного и необъяснимого исчезновения дочери, наместник Египта обращался даже к египетским жрецам, которые, решив, что Евгении, возможно, уже нет в живых, объявили во всеуслышание, что боги полюбили Евгению за красоту и мудрость и взяли ее к себе. Поэтому поиски были прекращены, на площади столицы Египта появилась еще одна статуя, изображающая Евгению, перед которой молился ее отец и приносил жертвы, как богине. Мать Евгении, Клавдия, не верила этим россказням и продолжала оплакивать дочь, которую египтяне славили теперь как богиню.

Евгения вместе с братией были с бесчестием отведены в городскую тюрьму до суда. И хулилось Имя Христово среди язычников, повторяющих и передающих эту клевету друг другу.

На суде Евгения увидела отца и правителя, рядом сидели ее два родных брата. Сперва она пробовала защищаться обычным способом, но были выставлены лжесвидетели. Тогда, защищая не свою уже честь, но честь христианской общины, Евгения открыла всем, кто она, зачем здесь и таким образом раскрыла свою тайну и всю правду о возведенной на нее клевете.

Она была узнана отцом и братьями. Не помня себя от радости, после первых знаков родственной любви, они нарядили ее как принцессу и с царскими почестями увезли во дворец. Не сразу удалось Евгении освободиться от этой славы, не поняли окружающие ее несоответствие светскому миру, ее путь и путь за Христом, но все же вскоре не только ее родственники, но и вся Александрия славили христиан, удивляясь им, а христиане славили Бога, давшего Евгении такое благородное мужественное сердце.

В жизни святой Евгении начался третий большой период, приведший ее к мученическому венцу. После обращения всей семьи в христианство, ее отец был смещен в звании. Христиане сделали его своим епископом. Новый наместник не посмел казнить епископа Филиппа, но тайно подослал к нему убийц. Во время молитвы ему нанесли раны и через три дня он скончался.

Евгения вместе с матерью своей Клавдией устроили за городом странноприимницу и там своими руками много благодетельствовали больным и путешествующим нищим. Вскоре император Галлиен снова начал гонения на христиан. Многие тогда нашли убежище у Клавдии и Евгении.

Среди обращенных была одна молодая римлянка царского рода – Василла. Приняв Крещение, она отказала в браке своему жениху Помпею. Помпей пожаловался императору. В ответ император призвал Василлу на суд, где за неповиновение римской власти и отказ отречься от Христа ее закололи мечом.

Евгению вызвали на суд в Рим. Принуждая ее принести жертву богам, святую привели к храму богини Дианы, но капище вместе с идолами рухнуло. Ее хотели утопить в Тибре, но камень упал с ее шеи, а сама она пошла по воде. Такой же невредимой и непобедимой осталась она и в огне. Не зная, что с ней делать, мучители бросили ее в ров и десять дней морили голодом. Там ей явился Спаситель и возвестил, что она войдет в Царство Небесное в Его День Рождения.

В канун великого праздника в 262 году посланный палач убил святую преподобномученицу Евгению мечом. Память ее празднуется Церковью в день ее смерти – 6 января, вместе с отцом, священномучеником Филиппом и матерью, мученицей Клавдией, мучениками Протом и Иокинфом.

Частица мощей святой преподобномученицы Евгении хранится в Успенском храме нашего монастыря.

Святая преподобномученица Евгения, моли Бога о нас!

Мощи преподобномученицы Евгении находятся:

– в церкви Двенадцати апостолов в Риме.

Частицы мощей мученицы Евгении имеются:

– в Успенском храме Николо-Сольбинской обители;

– в монастыре великомученицы Варвары (остров Кипр);

– в монастырях Живоносного Источника на острове Андрос и Святой Троицы в Коропи (Греция).

Молитва преподобномученице Евгении

Девственниц похвало и мучениц славо, Евгение преподобная! К тебе во умилении сердец припадаем и заступления твоего у Господа просим! Ты бо, преподобномученице преславная, велие дерзновение ко Владыце всех стяжала еси, яко прославившая Его в чистой душе твоей и телеси твоем страдальчестем, зане, вся прельщения врага и прещения мучителя презревши, вся терпящи, вопияла еси: «Христос есть богатство мое и похвала!» Темже от того богатства и нашей нищете духовная подаждь дарования и от безмерных прегрешений нас предстательством твоим огради, друг ко другу нас в послушании и братолюбии настави и ко Господу очи сердец наших всегда возводи, во еже присно славити нам Отца и Сына и Святаго Духа державу и твое теплое предстательство во веки веков. Аминь.

Акафист святой преподобномученице Евгении Римской

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 06 января (24 декабря ст. ст.)

Избранная добродетелей подвижнице, учения Христова проповеднице Евгение, похвальная восписуем ти по достоянию. Ты же, яко имущая дерзновение ко Господу, от всяких бед и напастей свободи и наследниками Царствия Небеснаго соделай нас, да зовем ти: Радуйся, святая преподобномученице Евгение, монашествующих украшение.

Ангелом уподобилася житием твоим, святая преподобномученице: от младых бо лет чистоту души и тела соблюла еси, Христу любовию усердно последовала еси и достигла еси совершенства духовнаго. Сего ради слышиши от нас сия достодолжныя похвалы:

Радуйся, от юности Богом предизбранная.

Радуйся, благоволением Сына Божия от нечестия земнаго Рима, ко благочестию горняго Иерусалима призванная.

Радуйся, родителей твоих дщерь благородная и града Александрии прозябение.

Радуйся, пламенную любовь ко Христу явившая.

Радуйся, Его ради самоотвержение чудное показавшая.

Радуйся, богатство мира сего возненавидевшая.

Радуйся, мужески его радости отвергшая.

Радуйся, нищетою духовною и верою обогатившаяся.

Радуйся, чистоту девственную Христа ради непорочно сохранившая.

Радуйся, Жениху Нетленному девство твое обручившая.

Радуйся, иноческое житие возлюбившая.

Видящи непостоянство красот мира сего, тлению причастных, благородная дево Евгение, возлюбила еси блага нетленныя, вечныя, Христом обетованныя, ихже постигнути всем сердцем возжелала еси. Того ради умыслила еси просити родители твоя отпустити тя во едину от весей их, прохлады ради и шествуя на колеснице со евнухи и рабы, егда услышала иноков, поющих: «Вси бози язык бесове. Господь же небеса сотвори», – высокому благородию вперилася еси, дом, родителей и богатство оставити потщалася еси, да Христу угодна будеши и возможеши невозбранно пети Ему: Аллилуиа.

Разумом совершенным познала еси истиннаго Бога и Его ради еллинскую мудрость отвергла еси, к подвигом иноческаго жития рачение имеющи, немощь естества женскаго отложила еси: возвращающуюся бо колесницу ко граду своему, в дом отеческий, оставила еси, власы главы своея постригши и в мужеское одеяние облекшися, вкупе со евнухами своими во обитель притекла еси, идеже Божиим Промыслом святителя Еллия узрети сподобилася еси. Сего ради ублажаем тя сице:

Радуйся, земле благая, приявшая семя небеснаго учения.

Радуйся, свыше удостоившаяся Божественнаго просвещения.

Радуйся, произрастившая клас живыя веры.

Радуйся, мирскаго треволнения избежавшая.

Радуйся, звездо, возсиявшая во тьме языческаго нечестия.

Радуйся, град отечествия твоего оставившая, да Вышняго Града наследие обрящеши.

Радуйся, богатство земное нивочтоже вменившая.

Радуйся, нищету самоизвольную себе избравшая.

Радуйся, послания апостольския добре уразумевшая.

Радуйся, чрез них Господа познавшая.

Радуйся, служити Ему во иночестве изволившая.

Радуйся, яко уневестила еси душу твою Жениху Христу.

Радуйся, святая преподобномученице Евгение, монашествующих украшение.

Силу Христа Спасителя, влекущую к Нему, уразумела еси, святая дево Евгение, душею и телом сему влечению последовала еси, и яко Ангел, на крилех добродетелей к Нему воспарила еси, непрестанно воспевая Богу: Аллилуиа.

Имела еси душу, мужеством о Христе преисполненную, Евгение богомудрая: Бога точию боящися, не устрашилася еси тяготы жития иноческаго. Кров же оставльши отчий, Господа молила еси, всехвальная, да скорбь родителей, твоим отшествием учиненная, на радость преложится, да ты Христу послужиши и за рождших тя молишися. Темже тя хвалим достойно:

Радуйся, всем сердцем Спаса Христа возлюбившая.

Радуйся, стезею святых тещи восхотевшая.

Радуйся, суету мира сего познавшая.

Радуйся, истины и правды искавшая.

Радуйся, яко к Вышнему течение твое исправила еси.

Радуйся, яко дом и родители твоя Господа ради оставила еси.

Радуйся, нищету возлюбившая.

Радуйся, спасение души обретшая.

Радуйся, земная презревшая, о небесных помышлявшая.

Радуйся, девственнице чистая.

Радуйся, путь иноческаго жития избравшая.

Радуйся, чину иноческому добрый путь предпоказавшая.

Радуйся, святая преподобномученице Евгение, монашествующих украшение.

Буря недоумений смущаше тя, святая дево Евгение, еще некрещенной ти сущей, еже како бы получити знамения христианския веры. Бог же тайным Своим Промыслом приведе тя во обитель иночествующих, да ту возродишися водою и Духом, и в чистоте сердца, посреде лика иноческаго воспоеши Христу: Аллилуиа.

Слышала еси, мудрая дево Евгение, яже Апостол рече: «глаголю безбрачным и вдовицам, добро им есть, аще пребудут, якоже аз: не оженивыйся бо печется, како угодити Господеви!» – сему поревновала еси. Темже со слезами о сем Господа молила еси. Господь же о тебе и сущих с тобою откры святителю Еллию, пришедшему во обитель, и той вы призвав, вопроси тя о именах, роде и отечестве вашем. И ответившей ти: «Нам, о божественная главо, род и отечество есть Рим прекрасный, братия есмы по плоти: имя же первому Прот, другому – Иакинф, аз же Евгением нарицаюся». Исполненный дара прозорливости, святитель глагола: «Вправду Евгением, нарицаешися, о Евгение, образ женск и имя изменив, любве ради Божественныя: блаженни есте таковаго ради дружества и соединения со Христом!» Таже во имя Пресвятыя Троицы крести вы и во ангельский образ облече. Мы же восхваляем, тя сице:

Радуйся, святым крещением во обители просвещенная.

Радуйся, во святом крещении дарами Святаго Духа исполненная.

Радуйся, яко вольным твоим разумом ко Господу приступила еси.

Радуйся, яко от руки святителя образ иноческий, аще и юна сущи, прияти сподобилася еси.

Радуйся, в нем житие добродетельное старческое показавшая.

Радуйся, иго благое Господне на рамо твое вземшая.

Радуйся, яко усердно последовала еси стопам Христовым.

Радуйся, яко на вся подвиги иноческия уготовала еси душу твою.

Радуйся, в трудех и подвизех рано Господеви послужившая.

Радуйся, образ совершенства явившая.

Радуйся, сообразно монашескому званию жившая.

Радуйся, святая преподобномученице Евгение, монашествующих украшение.

Боготечней звезде уподобилася еси, преподобная дево Евгение, мир и вся, яже в нем оставила еси, мужескою одеждою и именем прикровенна, в веси, идеже отец твой епарх бысть, в обители неведома добре подвизалася еси, непрестанно воспевая Богу: Аллилуиа.

Видевше братия, сподвижницы твоя, преподобная Евгение, твое мужемудренное и богоугодное житие, всех сущих в монастыре постников несравненно превосходящее, по триех летех жития твоего во иночестве, единодушно моляху тя прияти начальство. Ты же, ово боящися, да не противу закона, жена сущи, мужами обладати будет, ово же стыдящися толиких честных лиц моление отринути, повелела еси принесену быти святому Евангелию, и егда прочтоша: «Иже кто хощет в вас вящий быти, да будет вам слуга!» – со смирением повинулася еси Христову повелению и со многим усердием для братии служила еси, понуждая всех вопити тебе:

Радуйся, образе жизни духовныя.

Радуйся, естество женское Христа ради превозшедшая.

Радуйся, мужески в иноческом звании подвизавшаяся.

Радуйся, ум твой и сердце в Бозе молитвенно утвердившая.

Радуйся, яко непрестанным бдением безплотным поревновала еси.

Радуйся, подвигами твоими всех превозшедшая.

Радуйся, усердная и верная воли Христовы исполнительнице.

Радуйся, начальство, яко ярем, любве ради Христовы приявшая.

Радуйся, премудрая, монахов в подвизех наставлявшая.

Радуйся, добрая о братии попечительнице.

Радуйся, благочиния монастырскаго мудрая устроительнице.

Радуйся, святая преподобномученице Евгение, монашествующих украшение.

Проповедница и исполнительница Евангельских словес, еже не скрывати себе сокровищ на земли, явилася еси, преподобная Евгение: сего ради и братию твою наставляла еси, еже единаго Господа искати во вся дни жизни своея, всем сердцем Тому прилеплятися и непрестанно пети Ему: Аллилуиа.

Возсия паче солнца богоугодное житие твое, всехвальная Евгение, и якоже звезды небесныя озариша добродетели твоя обитель и окресности ея: мнози бо наставления и исцеления болезнем от тебе приимаху. От нихже и жена некая, именем Меланфия, богата имением, нища же добрыми делы, призва тя в дом свой, мнимаго ради недуга своего, и видя тя образом юна и лицем красива, не ведущи в мужестем образе и имени таящагося естества женскаго, любодейственными словесы нача прельщати тя, ко греху влекущи, вся своя богатства и саму себе в руце твои вручающи. Ты же, целомудренная Евгение, о безстудии таковом стыдящеся, рекла еси: «Наше богатство есть, еже со Христом убожествовати. О, чистото блаженная, не продадим тя за тленная богатства! О Мати Божия и Дево, не изменю моих обетов! Един нам брак – желание Христово!» Сим посрамила еси безстудную жену, победив злокозненнаго врага. За таковую ревность чистоты жития иноческаго приими похвалы сия:

Радуйся, ангельское житие явившая.

Радуйся, страсти греховныя уставившая.

Радуйся, немощных целительнице.

Радуйся, целомудрия хранительнице.

Радуйся, образе истиннаго смирения.

Радуйся, зерцало совершеннаго терпения.

Радуйся, приводящая грешных ко исправлению.

Радуйся, крилами богомыслия сети вражия сокрушившая.

Радуйся, мужественным терпением твоим страстей мглу потребившая.

Радуйся, в подвизех дневных и нощных течение жития совершившая.

Радуйся, ризу убелившая девства чистотою.

Радуйся, превозвышенная добровольною нищетою.

Радуйся, святая преподобномученице Евгение, монашествующих украшение.

Хотящи верна быти до конца Иисусу Христу, Сладчайшему Жениху своему, вземшему грехи всего мира, велию кротость, незлобие и смирение явила еси, целомудренная Евгение, егда безстудная Меланфия, исполнившися гнева, оклевета тя епарху в любодействе с нею. Во свидетельство рабыни своя представи, и тии ко лжи ложь прилагаху, да угодни будут госпоже своей. Ты же наносимая тебе поношения, укоризны и клевету радостно терпела еси, ведуще, яко теми подобает внити в Царствие Небесное, идеже со Ангелы вопиеши Богу: Аллилуиа.

Дивное показала еси мужество и терпение, преподобная Евгение, егда повелением епарха, отца твоего, емшаго веру ложным словесем безстудныя жены, тебе ради все стадо иночествующих в темнице заключено бысть. Тебе осудиша на смерть предати, иных огнем сожещи, других на снедение зверем дати, иных на древе повесити, прочих различными погубити смертьми. То слышавши, горце душею твоею страдала еси и вся разженныя еже на тя стрелы лукаваго молитвою и терпением угасити потщалася еси. Мы же, мужеству твоему дивящеся вопием ти:

Радуйся, Небеснаго Отечества пламенне возжелавшая.

Радуйся, возлюбившая Иисусову сладость.

Радуйся, чрез земную темницу в небесный чертог светло вшедшая.

Радуйся, в ней терпением брачную себе одежду исткавшая.

Радуйся, яко тобою от многих ран грешнии исцеляются.

Радуйся, яко тобою от всех болезней с верою тя призывающии уздравляются.

Радуйся, уз греховных скорая решительнице.

Радуйся, язв многоболезненных добрая целительнице.

Радуйся, твердейшая адаманта в терпении невредимом.

Радуйся, крепчайшая каменнаго столпа в мужестве непоколебимом.

Радуйся, яко со Христом, Его ради, на земли страдала еси.

Радуйся, яко с Ним и о Нем на небеси прославляешися.

Радуйся, святая преподобномученице Евгение, монашествующих украшение.

Странное и страшное бе видение, егда собравшуся множеству народа, прииде епарх Филипп с сынома своима и, седши на обычном судищном месте, нача судити тя, блаженная Евгение, со евнухи твоими и прочими иноками, никакоже яже о тебе тайны ведущи. И бысть от народа вопль: да погублени будите, яко беззаконницы. Повеле же епарх тебе, яко начальника, ближе привести на испытание и вся орудия мучительская предложити, не ведуще тайны, ни еже пети Богу: Аллилуиа.

Вся облеклася еси во оружия Божия, преподобная дево Евгение, темже возмогла еси всю силу диаволю низложити: стояла бо еси на судищи пред отцем твоим и братиею неповинна сущи во одежди мужеской иночестей, лице долу преклоненно имущи, да не познана от них будеши, и грозное прещение на смерть слышала еси. Ты же, да не торжествует беззаконие над неповинностию и нечестие языческое христианскому благочестивому и целомудренному иноческому житию да не ругается, исповедала еси, яко толика есть сила имени Христова, яко и жены, в божественном Его страсе живущия, мужескаго достоинства сподобляются. Того ради слышиши от нас похвалы сия:

Радуйся, прелести мира возненавидевшая и единаго Бога возлюбившая.

Радуйся, учительнице смирения и целомудрия.

Радуйся, яко терпением твоим ангельския чины достигла еси.

Радуйся, яко их житию непорочно поревновала еси.

Радуйся, яко уневестила еси душу свою Жениху Христу.

Радуйся, смирением возвышаема, в вечныя кровы возлетевшая.

Радуйся, не устрашившаяся временных мучений.

Радуйся, научающая и нас не боятися человеческих прещений.

Радуйся, о славе имене Христова ревновавшая.

Радуйся, пламенную любовь ко Господу показавшая.

Радуйся, прошения твоя со слезами теплыми Господеви приносившая.

Радуйся, иноческое житие на высоту вознесшая.

Радуйся, святая преподобномученице Евгение, монашествующих украшение.

Все естество Ангельское велиею возрадовася радостию, узревши мужественную крепость твою, преподобная Евгение, и удивишася, како жена сущи, в мужестем образе среди лика иноков подвизаешися, и неповинне наносимую клевету терпяще, за вся благодарне Богу поеши: Аллилуиа.

Витии многовещаннии недоумеют достойно восхвалити тя, преподобная дево, паче бо естества человеческаго подвизалася еси в чине иночестем и любве ради его открытися на суде изволила еси: раздрав свыше одежду, показала еси себе быти женска пола и, обращся к епарху, рекла: «Ты мне отец по плоти, Клавдия же матерь моя, а с тобою седящии Авит и Сергий братия ми суть, аз же Евгения, дщерь твоя, яже любве ради Христовы, мира и всех его сластей отвергохся!» Мы же, любовию подвизаеми, со слезами вопием тебе сице:

Радуйся, ревнительнице славы имене Божия.

Радуйся, любительнице уставов жития иноческаго.

Радуйся, ревностная их исполнительнице.

Радуйся, яко плоть твою духови покорила еси.

Радуйся, яко во бденных молитвах неослабно пребыла еси.

Радуйся, яко умерщвлением плоти безстрастие стяжала еси.

Радуйся, всякое наслаждение земное возненавидевшая.

Радуйся, тесным и прискорбным путем ходившая.

Радуйся, яко язвы Господа Иисуса Христа на теле носила еси.

Радуйся, яко силою креста Господня демонския козни сокрушила еси.

Радуйся, вышних присно искавшая.

Радуйся, мысленным оком к Невечернему Свету Христу непрестанно взиравшая.

Радуйся, святая преподобномученице Евгение, монашествующих украшение.

Спасти хотя многия и обратити ко Христу, обличила еси клевету, на стадо твое наносимую, и истину со смирением открыти о себе изволила еси. Отец, мати и братия твоя, познавше тебе, возсташа абие с мест своих, с неизреченною радостию и слезами притекше, падоша на выю твою, объемлюще, лобызающе, плачуще от радости и веселящеся о внезапном обретении твоем. Народ же, на то смотряй, удивляшеся и воздвигши глас, взываше: «Един Христос! Един истинный Бог христианский!» Емуже ты всех научила еси пети: Аллилуиа.

Стена твердая и крепкое ограждение иночествующим и всем православным явилася еси, преподобная Евгение: тобою бо неповинно терпящии иноцы от уз разрешени быша, и яко Христовы истиннии раби, от всех почитаеми, во обитель свою возвратишася. Безстудную клеветницу суд Божий постиже: еще бо сущей ей на позорищи: огонь с неба на дом ея паде и со всем ея богатством сожже. И не токмо во Александрии, но и во всей стране Египетской благочестие процвете и мир церкви Христовой возвратися. Отец твой Филипп, отложив сан епаршеский, епископ бысть и со славою мученическою на небеса преселися. Ты же, собравши к себе христианския девицы, добре Господеви работала еси, подвизая нас вопити тебе:

Радуйся, светом трисиянным Пресвятыя Троицы озаренная.

Радуйся, за истину православия многи труды и подвиги подъявшая.

Радуйся, образе истиннаго смирения.

Радуйся, зерцало истиннаго самоотречения.

Радуйся, звездо во тьме греховней заблудшим светящая.

Радуйся, лествице, последующих ти по ступенем добродетелей от земли на небо возводящая.

Радуйся, яко благою жизнию твоею образ терпения и смиренномудрия нам явила еси.

Радуйся, яко к небесному свету многих направила еси.

Радуйся, яко тьму суеверия прогнала еси.

Радуйся, яко жития чистотою сердца наша просветила еси.

Радуйся, иноков, добре подвизающихся, молитвенная пред Богом предстательнице.

Радуйся, ко спасению тех добрая руководительнице.

Радуйся, святая преподобномученице Евгение, монашествующих украшение.

Пение хвалебное возсылала еси Царю Славы, Небесному Жениху твоему, мудрая дево Евгение, преселившись с материю и братиями твоими в отечество свое – Рим прекрасный, тамо Церковь Божию, аще и посреде гонения, аки крин посреде терния, умножила еси. Ты бо многия девицы, мати твоя – жен, а блаженнии евнухи Прот и Иакинф – юнош множество Богу приобретоша, их же тайно святитель Корнилий крестил, совершая Божественную Литургию в дому твоем, причастия Тела и Крове Христовой сподоби, вопиющих Богу: Аллилуиа.

Светоприемной свеще уподобилася еси, святая Евгение, целомудренным твоим житием многия девицы ко Христу обратила еси, поучая их, яко девство есть первейшее приближение к Богу, Ангелом подобно, матерь вечныя жизни, путь к небеси безбедный, согреяние и венец веры. Таже и увещевала еси их в девстве непорочном пребывати, а еще преславнее девства ради умрети. Сему учению последуя, и девица некая от колена царска, по имени Василла, остави жениха своего и крещение прият, в заповедех Божиих живяше, и сего ради заповедь царска дадеся, да вси христиане убиваеми будут. Девица Василла, велегласно исповедовавшая Небеснаго Жениха своего, мечем бысть заклана, блаженнии евнухи обезглавлени быша. Ты же преподобная дево, яко обращению многих виновная, ко многим мукам ведома была еси. Мы же на сем пути сретаем тя приветствии сими:

Радуйся, свеще Божия ревности, елеем милости исполненная.

Радуйся, цветом нетления украшенная.

Радуйся, во смирении твоем на земли и на небеси дивно возвеличенная.

Радуйся, чистотою сердца боговидения сподобившаяся.

Радуйся, адаманте, перстень безсмертнаго со Христом обручения украсивший.

Радуйся, венче доброты, в руце Господней держимый.

Радуйся, в подвизех неутомимая.

Радуйся, всенощныя молитвы и бдения усердно совершавшая.

Радуйся, преподобнии твои руце к Богу воздвизавшая.

Радуйся, многия люди Христу тобою уверовавшии, Богу примирившая.

Радуйся, верная руководительнице шествующих ко Господу путем тесным иноческаго жития.

Радуйся, лествице, возводящая богомудрых иноков на высоту совершенства.

Радуйся, святая преподобномученице Евгение, монашествующих украшение.

Благодать от Бога дана ти бысть, святая преподобномученице Евгение, тою бо ты, приведена во храм идольский, храм со идолы сокрушила еси; ввержена в реку Тибр, камнем при выи обвязана, по водам, яко по суху, ходила еси; в пещи огненней невредима пребыла еси; таже в рове глубоце и мрачне, чрез десять дней морима гладом, сохранилася еси. Во утешение явися тебе Господь наш Иисус Христос, глаголяй: «Аз есмь твой Спаситель, Егоже ты всем сердцем возлюбила еси и страждеши Мене ради. Аз убо тебе многою одею славою и многими исполню увеселеньми. Да будет же и сие знамение чести твоея, яко в той тя день прииму в небесная селения, в онь же Аз на земли от чистыя Девическия произыдох утробы!» Ты же, исполнившися радости неизреченныя о Христе Иисусе, воспевала еси: Аллилуиа.

Поюще твоя крепкия подвиги, почитаем страдания твоя, хвалим долготерпение твое, ублажаем твою кончину, юже прияла еси в самый день Христова Рождества, прославляем твое, в женстем естестве показавшееся непобедимое мужество, имже на земли и на небеси прославилася еси, святая преподобномученице Евгение, и твоих ради победоносных подвигов и страданий похвальная восписуем ти сия:

Радуйся, мученическое течение твое мечною кончиною добре завершившая.

Радуйся, во гласе пения ангельскаго на небо душею твоею воспарившая.

Радуйся, мученический полк на небесех возвеселившая.

Радуйся, преподобных лик возрадовавшая.

Радуйся, постническое житие и мученическую кончину в себе сочетавшая.

Радуйся, яко неисцельныя болезни скоро исцеляеши.

Радуйся, болезни хотящим терпети помощь дарствующая.

Радуйся, яко на подвиг долготерпения твоего зряще, малодушия нашего устыждаемся.

Радуйся, яко мужество твое воспоминающе, воинствовати на плоть подвизаемся.

Радуйся, во утешение плачущей матери своей, блаженней Клавдии, во славе велицей явившаяся.

Радуйся, яко той благую весть о ея праведней кончине и о причтении всего рода своего благороднаго к лику святых известившая.

Радуйся, всем, во иночестве благоскорбящим, подательнице вечнаго радования.

Радуйся, святая преподобномученице Евгение, монашествующих украшение.

О, всехвальная святая преподобномученице Евгение! Нынешнее наше моление приемши, от всякия болезни, напасти, клеветы человеческия и от враг видимых и невидимых нас избави, да тихое и мирное житие поживше во юдоли земной, блаженство райское на небеси наследим и купно с тобою сподобимся Святых Святейшему Слову выну воспевати песнь: Аллилуиа.

(Этот кондак читается трижды, затем икос 1 и кондак 1)

Девственниц похвало и мучениц славо, Евгение преподобная! К тебе во умилении сердец припадаем и заступления твоего у Господа просим! Ты бо, преподобномученице преславная, велие дерзновение ко Владыце всех стяжала еси, яко прославившая Его в чистой душе твоей и телеси твоем страдальчестем, зане, вся прельщения врага и прещения мучителя презревши, вся терпящи, вопияла еси: «Христос есть богатство мое и похвала!» Темже от того богатства и нашей нищете духовная подаждь дарования и от безмерных прегрешений нас предстательством твоим огради, друг ко другу нас в послушании и братолюбии настави и ко Господу очи сердец наших всегда возводи, во еже присно славити нам Отца и Сына и Святаго Духа державу и твое теплое предстательство во веки веков. Аминь.

Пре­по­доб­но­му­че­ни­ца Ев­ге­ния, ро­дом рим­лян­ка, жи­ла в Алек­сан­дрии, ку­да ее отец, Филипп, был по­слан им­пе­ра­то­ром Ком­мо­дом (180–192) в ка­че­стве на­мест­ни­ка Егип­та. Ев­ге­ния по­лу­чи­ла пре­крас­ное об­ра­зо­ва­ние и от­ли­ча­лась доб­рым нра­вом и кра­со­той. Мно­гие знат­ные юно­ши до­би­ва­лись ее ру­ки, но всту­пать в брак она не хо­те­ла. По­зна­ко­мив­шись с По­сла­ни­я­ми апо­сто­ла Пав­ла, она всей ду­шой устре­ми­лась к хри­сти­ан­ству и тай­но от ро­ди­те­лей, в со­про­вож­де­нии сво­их двух ра­бов, Про­та и Иа­к­ин­фа, пе­ре­одев­шись в муж­скую одеж­ду, уда­ли­лась в муж­ской мо­на­стырь. Там она со сво­и­ми ра­ба­ми и спут­ни­ка­ми при­ня­ла Свя­тое Кре­ще­ние от епи­ско­па Элия, ко­то­ро­му бы­ло от­кры­то о ней в ви­де­нии, и он бла­го­сло­вил ее под­ви­зать­ся в мо­на­сты­ре в об­ра­зе ино­ка Ев­ге­ния.

Сво­и­ми по­дви­га­ми свя­тая Ев­ге­ния стя­жа­ла дар ис­це­ле­ния. Од­на­жды к ней за по­мо­щью об­ра­ти­лась бо­га­тая мо­ло­дая вдо­ва Ме­ла­ния. Уви­дев юно­го ино­ка, эта жен­щи­на вос­пы­ла­ла нечи­стой стра­стью, но бу­дучи от­верг­ну­та, она из­мыс­ли­ла кле­ве­ту о по­пыт­ке на­си­лия. Свя­тая Ев­ге­ния пред­ста­ла на суд к пра­ви­те­лю Егип­та, т. е. к сво­е­му от­цу, и бы­ла вы­нуж­де­на от­крыть свою тай­ну. Ее род­ные об­ра­до­ва­лись, най­дя ту, ко­то­рую дол­го опла­ки­ва­ли. Через неко­то­рое вре­мя все они при­ня­ли Свя­тое Кре­ще­ние. Но Филипп по до­но­су языч­ни­ков был сме­щен с по­ста пра­ви­те­ля. Алек­сан­дрий­ские хри­сти­ане из­бра­ли его сво­им епи­ско­пом. Но­вый пра­ви­тель, опа­са­ясь на­род­но­го гне­ва, не стал от­кры­то каз­нить Филип­па, а по­до­слал убийц. Во вре­мя уеди­нен­ной мо­лит­вы епи­ско­па ему бы­ли на­не­се­ны ра­ны, от ко­то­рых он через три дня му­че­ни­че­ски скон­чал­ся. Ов­до­вев, Клав­дия с до­че­рью и слу­га­ми уеха­ла в свое по­ме­стье, на­хо­див­ше­е­ся в окрест­но­стях Ри­ма. Там Ев­ге­ния про­дол­жа­ла ино­че­скую жизнь. Она при­ве­ла ко Хри­сту мно­гих дев, а Клав­дия устро­и­ла стран­но­при­им­ный дом и слу­жи­ла вдо­вам. По про­ше­ствии несколь­ких спо­кой­ных лет им­пе­ра­тор Гал­ли­ен (260–268) вновь на­чал го­не­ние на хри­сти­ан, и мно­гие из них на­шли убе­жи­ще у свя­тых Клав­дии и Ев­ге­нии. В то вре­мя оси­ро­тев­шая мо­ло­дая рим­лян­ка из цар­ско­го ро­да, Ва­сил­ла, услы­шав о хри­сти­а­нах и о свя­той Ев­ге­нии, за­хо­те­ла встре­тить­ся со свя­той и на­пи­са­ла ей пись­мо. В от­вет свя­тая Ев­ге­ния при­сла­ла сво­их дру­зей и спо­движ­ни­ков, Про­та и Иа­к­ин­фа, ко­то­рые про­све­ти­ли Ва­сил­лу, и она при­ня­ла Свя­тое Кре­ще­ние. Слу­жан­ка Ва­сил­лы рас­ска­за­ла ее же­ни­ху Пом­пею, что его неве­ста ста­ла хри­сти­ан­кой, и Пом­пей по­жа­ло­вал­ся им­пе­ра­то­ру на хри­сти­ан, про­по­ве­ду­ю­щих без­бра­чие. При­вле­чен­ная к от­ве­ту, Ва­сил­ла от­ка­за­лась всту­пать с Пом­пе­ем в брак, и за это ее за­ко­ло­ли ме­чом. Свя­тых Про­та и Иа­к­ин­фа по­та­щи­ли в идоль­ский храм для при­не­се­ния жерт­вы, но ед­ва они всту­пи­ли ту­да, идол упал и раз­бил­ся. Свя­тые му­че­ни­ки Прот и Иа­к­инф бы­ли обез­глав­ле­ны. Свя­тую Ев­ге­нию то­же на­силь­но при­ве­ли в храм Ди­а­ны, но не успе­ла она еще всту­пить в него, как всё ка­пи­ще вме­сте с идо­лом раз­ру­ши­лось. Свя­тую му­че­ни­цу бро­си­ли в Тибр с кам­нем на шее, но ка­мень сва­лил­ся, и она оста­лась невре­ди­ма. Невре­ди­мой оста­лась она и в огне. То­гда ее бро­си­ли в ров, где она на­хо­ди­лась 10 дней. В это вре­мя ей явил­ся Сам Спа­си­тель и воз­ве­стил, что она вой­дет в Цар­ство Небес­ное в день Рож­де­ства Хри­сто­ва. Ко­гда в 262 го­ду на­сту­пил этот свет­лый празд­ник, па­лач умерт­вил свя­тую му­че­ни­цу ме­чом. Вско­ре при­ня­ла му­че­ни­че­ский ве­нец и свя­тая Клав­дия. Пре­по­доб­но­му­че­ни­ца Ев­ге­ния пре­ду­пре­ди­ла ее о дне смер­ти.

Рекомендуем

С помощью кнопки выберите банковскую карту или Яндекс.Деньги.

©2004-2017 — При использовании материалов ссылка обязательна.