Молитва божий матери донская

Советуем ознакомиться молитва божий матери донская с несколькими вариантами на русском языке, с полным описанием и картинками.

Донская икона Божией Матери

В древние времена, защищая независимость и границы, русскому государству постоянно приходилось воевать, вся история России состоит из череды славных битв. А в битве побеждает тот, на чьей стороне Бог. Потому русские князья и цари не начинали военного похода без усиленной молитвы Богу и Его Пречистой Матери — Покровительнице православной земли. В Третьяковской галерее хранится дошедшая до нынешних времен древняя святыня — Донская икона Божией Матери — свидетельница многих веков, прожитых русским народом под покровом Богородицы.

Кто написал икону для коломенской церкви

Время и место написания иконы скрыто во мраке времени. Иконописцы предпочитали оставаться неизвестными зная, что они лишь художественный инструмент в руке Божией. Однако кропотливая работа нынешних искусствоведов позволяет предположить, что образ принадлежит кисти известного иконописца конца 14 в. Феофана Грека.

Феофан прибыл на Русь из Византии, чтобы украшать храмы по образцу церквей константинопольских. Время было тревожное: Золотая Орда под предводительством Мамая готовилась наказать князя Дмитрия Иоанновича за отказ платить повышенную дань, а заодно разрушить доселе терпимые ею церкви христианские и обратить народ в иную веру.

Готовясь к решающей битве, войска собрались в Коломне под Москвой, откуда выступили на Дон. С собой они несли икону Божией Матери «Елеуса», что по-гречески означает «Милостивая». Предположительно, она была написана Феофаном Греком незадолго до славных событий, для Успенского храма с. Коломны. Образ был закреплён на высоком древке, на обратной его стороне изображалась сцена Успения Божией Матери.

Божия Матерь — Защитница Русской земли

Под сенью русских знамён и благословением Богородицы монголы были разбиты. Участвовавшую в бою икону с честью доставили в Коломну и поместили в Успенский храм, выстроенный князем Дмитрием в честь победы над ненавистным игом. В течение без малого двух веков образ Богоматери, не имевший тогда названия, освящался молитвами притекавшего к нему народа.

В царствование Иоанна Грозного победившего Мамая князя Димитрия стали именовать Донским, а древняя святыня из коломенского храма стала называться «Донская икона Божией Матери». Соблюдая традиции предков, Грозный молился перед ней, собираясь в поход на Казань. И вновь не оставила русское войско Пречистая Богородица, вымолив у Господа победу. После этого царь повелел, чтобы образ был перенесен из Коломны на более почетное место — в Благовещенский собор Кремля. Так икона Донская Богоматерь стала общегосударственной святыней.

Переезд святыни из Коломны в Москву

Со слезами провожали жители Коломны любимую Богородицу Милостивую, перед которой молились их отцы и деды. Видя скорбь народа, Иоанн Грозный приказал сделать два точных списка, которые установили в Успенской церкви и на воротах города.

В Благовещенском соборе Кремля икона пребывала только в мирное время, постоянно участвуя в походах с русским воинством против ливонцев, половцев, Казы-Гирея, уже стоявшего под стенами Москвы и по неизвестным причинам бежавшего, не вступив в бой. Победы князя Голицына и взятие Азова также связывают с заступничеством Божией Матери, перед образом Которой молились воеводы.

Ежегодно в память победы на Куликовом поле устраивались торжественные крестные ходы, когда чудотворный образ в драгоценной ризе шествовал из Благовещенского собора в Донской монастырь. Эта обитель была построена на том самом месте, откуда бежал крымский хан Казы-Гирей. Для монастыря был сделан еще один дошедший до настоящего времени список с Донской иконы. Два святых образа встречались при торжественном богослужении и большом стечении народа.

Интересно. В знамение щедрот Божией Матери, оклад иконы был украшен множеством драгоценных камней, наперсных крестов и панагий, но самым лучшим украшением были мощевики — хранилища для частиц святых мощей, прорезанных в прикладе образа.

Из Благовещенского собора — в Третьяковскую галерею

Во время взятия Москвы Наполеоном святыня была ограблена французами, но оставалась на своем месте, слева от царских врат Благовещенского собора. Там же она пережила революцию 1917 г.: Богородица не оставляла свой народ и в годы радости, и в лихолетье. Когда большинство чтимых чудотворных икон были уничтожены при разрушении храмов, Донская икона была спасена Божиим промыслом и работниками Государственного музея. Позже, в 1930 году, её поместили в Третьяковскую галерею, где она пребывает и сегодня.

Возобновление крестных ходов

В 1994 г. было решено возобновить традицию крестных ходов в Донской монастырь. Святыне исполнилось более 600 лет, над её сохранением трудились поколения реставраторов. Вынести ценный экспонат из тихой музейной атмосферы ко множеству ожидающего его народа было непростым решением. Но в результате совместного труда многих специалистов это стало возможным.

Ежегодно, за несколько недель до 1 сентября, дня празднования Донской Богоматери, ученые-реставраторы и специалисты с завода полиметаллов готовят специальную капсулу, где сохраняются постоянная влажность и температура. Подготовка транспорта, сопровождения и охраны святыни также требуют многих трудов и переживаний.

В сам день праздника множество народа и духовенства с волнением ожидают прибытия святыни на пороге собора Донского монастыря. Наконец, под пение «величания», из машины выносят закрытый футляр: экспонату может повредить яркий свет дня и даже шум улицы. В храме, рядом с чтимым списком Донской иконы, уже ждёт украшенный белыми цветами киот. Футляр устанавливают под ним и с помощью специальных приспособлений медленно вдвигают капсулу с иконой внутрь киота. Древний лик Богородицы поднимается над молящимися в благоговейной тишине, даря собравшемуся народу незабываемые минуты.

Иконописные изображения и их символы

На оригинале Донской иконы изображена Пресвятая Дева, держащая на правой руке Богомладенца, прильнувшего к Ней. Голова Богородицы склонилась к Сыну, печальный и строгий взгляд направлен на молящихся. На Её лице — скорбное предчувствие трагедии, ожидающей Христа. По композиции икона напоминает Владимирскую, отличаясь от неё положением ног Младенца.

Богородица покрыта темно-красным мафорием, украшенным золотыми полосками, тремя звездами и бахромой — символами приснодевства и царского положения. Под мафорием проглядывает темно-голубой хитон и плат, закрывающий волосы. В левой руке, под ножками Богомладенца, можно разглядеть плат. На поздних списках его изображали белым. Этим платом Богородица отирает слёзы притекающим к Ней в нуждах.

Богомладенец одет в хитон цвета охры. Разбегающиеся по складкам золотые лучи «пробелов» — знак Божественной благодати. В руке Младенец держит свиток — символ Ветхозаветного Закона, утратившего значение с Рождеством Христа.

Фон иконы и нимбы над головами святых выполнены тончайшим сусальным золотом, стертым от времени. Золото — не просто богатое украшение: оно указывает на Горний мир, заполненный Божественным светом. Можно представить, как величественно выглядела икона сразу после написания.

Интересно. 21 апреля 2015 года в храме при Третьяковской галерее был освящен вновь выполненный список с древней святыни. По просьбе жителей Южной России, он будет помещен в главном соборе г. Ростова-на-Дону.

Донской храм в Перловке

От иконы, ставшей символом русской истории, по всей Руси распространилось множество списков. В честь неё воздвигались храмы: в каждой отдалённой слободке люди хотели поклоняться любимому образу, молиться о прекращении бед и войн. Одним из таких храмов стала Донская церковь, построенная в конце 19 века потомственным дворянином Николаем Семеновичем Перловым недалеко от Мытищ. Небольшая, но изящная деревянная церковь предназначалась для дачников, желавших посещать богослужения в летний период.

Никто не предполагал, что скромная дачная община будет освящена мученической кровью: священника церкви Георгия Извекова, известного и ныне церковного композитора, арестуют и расстреляют в 1937 г. на Бутовском полигоне. Сам храм несколько раз закрывался, пока не был разрушен до фундамента. «Нам приходится терпеть всевозможные лишения — все это нам послано в наказание за наши грехи» — верно заметил о. Георгий в последней речи перед смертью.

По непрекращающимся молитвам Богородицы и милости Господа к кающимся, перловская Донская церковь сейчас возрождается. Скоро отточенный силуэт её купола, воссоздаваемый по старым фотографиям, снова украсит полустанок Ярославской железной дороги. К чтимой храмовой иконе Донской Богоматери стекутся уже не дачники, а жители большого города. И в настоящее время есть о чем помолиться Богородице, Хранительнице российских пределов.

Молитвы к Божией Матери Донской

С древних времен Пресвятая Богородица покровительствует русскому воинству. Среди донских казаков существует предание, что именно через них образ попал в войско Дмитрия Иоанновича. Походные иконы участвуют в воинских крестных ходах, в молебнах по случаю принятия присяги в казачьих войсках. В Ростове-на-Дону в честь образа Донского освящен источник.

Полезно. Несмотря на «военное» предназначение иконы, большинство молитв, возносящихся перед ней — о мире. Богоматери Донской молятся люди, связанные с дипломатической профессией.

Акафист Донской Богоматери был написан в конце 19 в. Это торжественное песнопение, воспоминающее победы русского воинства, одержанные заступничеством Пресвятой Богородицы. Особое внимание уделено и образу Успения, помещенному на обратной стороне походной иконы. Чтение акафиста дома украсит молитву, укрепит духовные силы.

Заступнице верных Преблагая и Скорая, Пречистая Богородице Дево! Молим Тя пред святым и Чудотворным образом Твоим, да якоже древле от него заступление Твое граду Москве даровала еси, тако ныне нас от всяких бед и напастей милостиво избави и спаси души наша, яко Милосердая.

О, Пресвятая Владычице, Дево Богородице, Заступнице наша благая и скорая. Воспеваем благодарственная за чудныя дела Твоя, песнословим от древних лет неотемлемое заступление Твое граду Москве и стране нашей присно являемое. В бегство обращаются полки чуждих, грады и веси невредимы от огня сохраняются, людие же от лютой смерти избавляются.

Осушаются очи слезящия, умолкают стенания верных. Печаль во всеобщую радость претворяется. Буди нам утешение в бедствиях, возрождение надежды, образ мужества, источник милости и в скорбных обстояниях неистощимое терпение даруй. Подай каждому по прошению и нужде его.

Младенцев воспитай, юныя уцеломудри и страху Божию научи, унылых ободри и немощную старость поддержи. Злыя сердца умягчи, мира и любви всех нас исполни. Истреби пороки, да не восходят грехи наша пред Судиею всяческих, да не постигнет нас праведный гнев Божий. Твоим покровом огради нас от нашествия врагов, от глада, меча, огня и всякаго инаго злострадания.

Уповаем молитвами Твоим получити от судии Бога прощение грехов и по кончине нашей одесную престола славы стати, идеже Ты Святей Троице в вечной славе предстоиши. О, всепетая Дево, удостой нас с ликом ангелов и святых тако восхваляти пречестное Имя Сына Твоего со Безначальным Отцем и Животворящим Духом во веки веков. Аминь.

О, Всемилостивая Мати, Пречистая Дево Богородице, Ты свет ума моего, радость сердца моего, сила воли моея. Услыши и приими моление мое. Призри на язвы души и тела моего. Грехи юности забвенные и утаенные грехи отягчают совесть мою. Омый мя струями слезными, сними бремя тяжкое, укрепи мя, да сотворю плоды достойные покаяния, тернием скорбей усыпан путь мой.

Вем, яко правда Божия наказует мя — умоли милосердие Божие о мне. Призри на стенания моя и исправи путь мой, и спаси мя и чада и ближния моя. Буди ми сокровище веры и хранилище благочестия. Даруй несокрушимое терпенье в бедах, от веры проистекающее.

Изгони гнев, зависть, уныние, памято-злобие, нечистоту, леность: сими и большими пороками недугует душа моя. Примири враждующих, оправдай оклеветанных, просвети нас светом Сына Своего и даждь нам глаголати другом своим слово истины, твердое в правде, мирное любви ради, растворенное благоразумием.

Посети в болезнях и печалях сущих. Да вси под держазным покровом Твоим сохраняеми, безбедно Царствия Небеснаго достигнем, хвалз’ воздавая за все человеколюбцу Богу всегда, ныне и присно и во веки веков.

Божия Матерь — Помощница в духовной борьбе

В проповеди, посвященной празднику государственной святыни, Святейший Патриарх Кирилл сказал: «Сегодня людям нашим угрожают иные противники, иные враги — которые не в отдалении стоят… Сегодня мы врага впускаем в свой дом, в свою личную и семейную жизнь, ибо то, что предлагается нам через средства массовой информации, через Интернет, через прочие инструменты воздействия на сознание человека, часто является вражеским».

Молитва божий матери донская

Август 31st 2010 –

Молитва пред иконой Божией Матери «Донская»

Заступнице верных Преблагая и Скорая, Пречистая Богородице Дево! Молим Тя пред святым и Чудотворным образом Твоим, да якоже древле от него заступление Твое граду Москве даровала еси, тако ныне нас от всяких бед и напастей милостиво избави и спаси души наша, яко Милосердая.

О, Пресвятая Владычице, Дево Богородице, Заступнице наша благая и скорая. Воспеваем благодарственная за чудныя дела Твоя, песнословим от древних лет неотемлемое заступление Твое граду Москве и стране нашей присно являемое. В бегство обращаются полки чуждих, грады и веси невредимы от огня сохраняются, людие же от лютой смерти избавляются. Осушаются очи слезящия, умолкают стенания верных. Печаль во всеобщую радость претворяется. Буди нам утешение в бедствиях, возрождение надежды, образ мужества, источник милости и в скорбных обстояниях неистощимое терпение даруй. Подай каждому по прошению и нужде его. Младенцев воспитай, юныя уцеломудри и страху Божию научи, унылых ободри и немощную старость поддержи. Злыя сердца умягчи, мира и любви всех нас исполни. Истреби пороки, да не восходят грехи наша пред Судиею всяческих, да не постигнет нас праведный гнев Божий. Твоим покровом огради нас от нашествия врагов, от глада, меча, огня и всякаго инаго злострадания. Уповаем молитвами Твоим получити от судии Бога прощение грехов и по кончине нашей одесную престола славы стати, идеже Ты Святей Троице в вечной славе предстоиши. О, всепетая Дево, удостой нас с ликом ангелов и святых тако восхваляти пречестное Имя Сына Твоего со Безначальным Отцем и Животворящим Духом во веки веков. Аминь.

О, Всемилостивая Мати, Пречистая Дево Богородице, Ты свет ума моего, радость сердца моего, сила воли моея. Услыши и приими моление мое. Призри на язвы души и тела моего. Грехи юности забвенные и утаенные грехи отягчают совесть мою. Омый мя струями слезными, сними бремя тяжкое, укрепи мя, да сотворю плоды достойные покаяния, тернием скорбей усыпан путь мой. Вем, яко правда Божия наказует мя — умоли милосердие Божие о мне. Призри на стенания моя и исправи путь мой, и спаси мя и чада и ближния моя. Буди ми сокровище веры и хранилище благочестия. Даруй несокрушимое терпенье в бедах, от веры проистекающее. Изгони гнев, зависть, уныние, памято-злобие, нечистоту, леность: сими и большими пороками недугует душа моя. Примири враждующих, оправдай оклеветанных, просвети нас светом Сына Своего и даждь нам глаголати другом своим слово истины, твердое в правде, мирное любви ради, растворенное благоразумием. Посети в болезнях и печалях сущих. Да вси под держазным покровом Твоим сохраняеми, безбедно Царствия Небеснаго достигнем, хвалз' воздавая за все человеколюбцу Богу всегда, ныне и присно и во веки веков.

Православный Церковный календарь

Календарь на год ►

О календаре

Богослужения

Библейские чтения

Календарь

Дни особого поминовения усопших 2017

Дни поминовения новопреставленных

Подписка

Икона Богородицы Донская

Празднование:

В 1591 го­ду крым­ский ца­ре­вич Ну­ра­дин и его брат Му­рат-Ги­рей с мно­го­чис­лен­ным вой­ском вторг­лись в Рос­сию, и, под­сту­пив к Москве, рас­по­ло­жи­лись на Во­ро­бье­вых го­рах. Для ограж­де­ния от вра­гов во­круг Моск­вы был со­вер­шен крест­ный ход с Дон­ской ико­ной Пре­свя­той Бо­го­ро­ди­цы. В день бит­вы она на­хо­ди­лась в по­ход­ной церк­ви сре­ди во­ин­ских ря­дов и об­ра­ти­ла та­тар в бег­ство. В бла­го­дар­ность Пре­свя­той Бо­го­ро­ди­це за Ее ми­лость, яв­лен­ную через Дон­скую ико­ну, в 1592 го­ду на том ме­сте, где она сто­я­ла сре­ди во­и­нов, был ос­но­ван Дон­ской мо­на­стырь, в ко­то­ром бы­ла по­став­ле­на чу­до­твор­ная ико­на и уста­нов­ле­но со­вер­шать празд­не­ство 19 ав­гу­ста. По уста­но­вив­шей­ся тра­ди­ции в ма­лом со­бо­ре в честь Дон­ской ико­ны Бо­жи­ей Ма­те­ри раз в 4 го­да Свя­тей­ший Пат­ри­арх Мос­ков­ский и всея Ру­си со­вер­ша­ет чин ва­ре­ния свя­то­го ми­ра.

Ко­гда бла­го­вер­ный ве­ли­кий князь Ди­мит­рий Иоан­но­вич меж­ду ре­ка­ми До­ном и Непряд­вою сра­жал­ся с нече­сти­вым та­тар­ским ха­ном Ма­ма­ем, то там в рус­ских вой­сках бы­ла и сия пре­чест­ная и чу­до­твор­ная ико­на. Она бы­ла при­не­се­на дон­ским вой­ском ве­ли­ко­му кня­зю в дар и в по­мощь про­тив вра­гов. По мо­лит­вам Пре­чи­стой Бо­го­ма­те­ри бла­го­дат­ною Ее си­лою, ис­хо­дя­щею от чу­до­твор­ной ико­ны, та­та­ры бы­ли по­беж­де­ны. Тор­же­ствен­но празд­нуя вме­сте с вой­ском сво­им по­бе­ду, ве­ли­кий князь воз­вра­тил­ся в пре­столь­ный го­род свой Моск­ву и при­нес с со­бою чест­ную ико­ну, на­зван­ною Дон­скою по слу­чаю быв­шей за До­ном по­бе­ды над та­та­ра­ми.

Об оби­те­ли, на­зы­ва­е­мой от Дон­ской ико­ны Пре­свя­той Бо­го­ро­ди­цы Дон­скою, су­ще­ству­ет та­кой рас­сказ. В цар­ство­ва­ние бла­го­вер­но­го ца­ря и ве­ли­ко­го кня­зя Фе­о­до­ра Иоан­но­ви­ча Крым­ская ор­да сде­ла­ла вне­зап­ный на­бег на вла­де­ния Мос­ков­ско­го го­су­дар­ства, и та­тар­ский хан Му­рат Ги­рей под­сту­пил к са­мо­му пре­столь­но­му го­ро­ду Москве. То­гда бла­го­вер­ный царь вы­шел с сво­им вой­ском про­тив та­тар и рас­по­ло­жил­ся ста­ном на том са­мом ме­сте, где на­хо­дит­ся те­перь оби­тель. Сю­да же в свой во­ин­ский стан он взял и ико­ну Пре­свя­той Бо­го­ро­ди­цы, при­не­сен­ную с До­на. При по­мо­щи Пре­чи­стой Бо­го­ма­те­ри он одер­жал по­бе­ду над та­тар­ски­ми вой­ска­ми и про­гнал их. Воз­да­вая Бо­го­ма­те­ри бла­го­да­ре­ние за по­бе­ду, он по­ве­лел на этом ме­сте по­стро­ить ка­мен­ный храм и по­ста­вить в нем упо­мя­ну­тую ико­ну. С то­го вре­ме­ни оби­тель и ста­ла на­зы­вать­ся Дон­скою. В этот день из ве­ли­ко­го со­бор­но­го хра­ма го­ро­да Моск­вы в оби­тель при­хо­дит всё свя­щен­ное со­сло­вие с чест­ны­ми кре­ста­ми и ико­на­ми и со­вер­ша­ет тор­же­ствен­ное празд­не­ство в честь Бо­жи­ей Ма­те­ри.

В настоящее время Донская икона находится в Третьяковской галерее. Ежегодно в день празднования иконы её доставляют в Донской монастырь для совершения перед ней праздничного богослужения.

Ин тропарь Божией Матери пред иконой Ее Донской

Всепетая и Всеславная Царице Богородице,/ Мати всея твари Содетеля,/ христианская надежде и Заступнице,/ ненадеющимся и отчаявшимся скорое надеяние, молим Тя:/ милостива буди нам, грешным,/ не остави раб Твоих и не отрини моления недостойных./ Молимся, взирающе ко образу Твоему честному/ святыя и чудотворныя иконы Твоей и вопиюще:/ с плавающими и путешествующими да пребудет милость Твоя./ О, Владычице, ризою Твоею честною защити,/ и во всяких местех злых верныя соблюди,/ и молися к Рождшемуся из Тебе Христу Богу нашему,/ да спасет от грех души наша.

Тропарь Божией Матери пред иконой Ее Донской

Заступнице верных Преблагая и Скорая,/ Пречистая Богородице Дево!/ Молим Тя пред святым и чудотворным образом Твоим,/ да, якоже древле от него заступление Твое/ граду Москве даровала еси,/ тако и ныне нас от всяких бед и напастей милостивно избави// и спаси души наша, яко Милосердая.

Ин кондак Божией Матери пред иконой Ее Донской

В Небесныя обители преселившаяся с плотию,/ сущия на земли никакоже оставила еси, Богородице,/ образ Божественный и многочудесный Пречистаго Лица Твоего/ зрети любящим Тя и покланятися даровала еси,/ яко знамение Твоея благодати;/ чтим его, лобызающе.

Кондак Божией Матери пред иконой Ее Донской

Взбранной Воеводе победительная,/ яко избавльшеся от злых,/ благодарственная восписуем Ти, раби Твои, Богородице,/ но, яко имущая державу непобедимую,/ от всяких нас бед свободи, да зовем Ти:// радуйся, Невесто Неневестная.

Молитва Божией Матери пред иконой Ее Донской

О, Пресвятая Владычице, Дево Богородице, Заступнице наша благая и скорая! Воспеваем Ти вси благодарственная за чудная дела Твоя. Песнословим от лет древних неотъемлемое заступление Твое граду Москве и стране нашей, чудотворным образом Твоим Донским всегда являемое: в бегство обращаются полцы чуждих, гради и веси невредими сохраняются, людие же от лютыя смерти избавляются. Осушаются очи слезящеи, умолкают стенания верных, плач в радость общую претворяется. Буди и нам, Пречистая Богородице, утешение в бедствиих, возрождение надежды, образ мужества, источник милости и в скорбных обстояниих неистощимое терпение нам даруй. Подаждь коемуждо по прошению и нужде его: младенцы воспитай, юныя уцеломудри и страху Божию научи, унывающия ободри и немощную старость поддержи. Посети в болезнех и печалех сущия, злая сердца умягчи, братолюбие укрепи, мира и любве всех нас исполни. Примири, Благосердая Мати, враждующия и оправдай оклеветанныя. Истреби пороки, да не восходят греси наши пред Судиею всяческих, да не постигнет нас праведный гнев Божий. Твоими молитвами, всемощным Твоим покровом огради нас от нашествий вражиих, от глада, губительства, огня, меча и всякаго иного злострадания. Уповаем молитвами Твоими получити от Всевышняго Бога грехов прощение и изглаждение и с Богом примирение. Умоли стяжати нам Царствие Небесное и по скончании жизни нашея одесную Престола Божия стати, идеже Ты, о, Всепетая Дево, Святей Троице в вечней славе предстоиши. Удостой и нас с лики Ангелов и святых тамо восхвалити Пречестное Имя Сына Твоего, со Безначальным Его Отцем и Всесвятым и Благим и Животворящим Его Духом, во веки веков. Аминь.

Каноны и Акафисты

Канон первый Пресвятой Богородице пред иконой «Донская»

Ирмос: Отверзу уста моя, и наполнятся Духа, и слово отрыгну Царице Матери, и явлюся, светло торжествуя, и воспою, радуяся, Тоя чудеса.

Отверзи слух мой, Богоизбранная Дево, воеже разумети словеса откровения и познати путь спасения, да веру иму твердую Избавителю Богу и воспою предивное Его о нас промышление.

Отверзи, душе моя, очи веры, и узриши многая благодеяния Божия Матере, во дни тяжких обстояний отечеству нашему издревле являемая, и воспой, радующися, милостивое Тоя заступление.

Немощных здравие, разслабленных исцеление, обидимых защищение, от насилия и злобы спасение, скорбных в нуждах Помощнице, не престай молитися о чтущих Тя.

Познай, душе моя, силу Честнаго и Животворящаго Креста Господня, сим бо присно побеждаем полки враг видимых и невидимых, молитвами Богородицы и всех святых, в земли Российстей просиявших.

Грозное Божественное прещение врази разумеша пришествием чудотворнаго образа Твоего, Небесная Царице, страхом бо одержимии, в бегство внезапное обратишася, силою свыше гонимии.

Глас хвалы и благодарения приносим Ти, Владычице, и покланяемся пречистому образу Твоему, имже многажды на агаряны победу даровала еси и рог наш вознесла еси, Защитнице скорая рода христианскаго.

Ирмос: Твоя песнословцы, Богородице, живый и независтный Источниче, лик себе совокупльшия, духовно утверди, в Божественней Твоей славе, венцев славы сподоби.

Житейскими попечении и сластьми искушаемии, Тебе, источнику тишины и богомыслия, песни приносим: утоли жажду духовную, ум наш к Небу возведи, превышшая Горних Сил.

Ума моего просвещение, воли слабыя укрепление, сердца унылаго радование Ты еси, Преблагословенная, молю Тя усердно: вся силы души моея обнови.

Слава Тебе, Всенепорочная, любящим Тя девам неотъемлемое сокровище, целомудрия источниче, Небесныя сладости откровение, уныния и печали истребление, смиренных и боголюбцев венчание и постников удобрение.

Изглади грехопадения юности, приими покаяние старости моея, Царице Небесная, се бо от чрева матере моея даже доныне враг не отступает, не попусти мя творити похоти его, но узы греховныя разреши и помилуй мя.

Како умолю Тя, Богоневесто, усты, злословия исполненными, или кую песнь вознесу, совестию обличаемь? Возмогу ли познати истину, лжи сослужитель, сосуд гнева Божия сый? Но, Жизнедательнице, страстьми умерщвленную душу мою оживи.

Врагу лютому подступающу, многое множество старцев и жен простирают Ти немощнеи руце с воплем крепким: прииди, Мати Милосердия, прииди, от лютыя смерти избавляющая, ускори спасти град и люди Твоя.

Блажим Тя, вси роди, Богородице Дево, в Тя бо Невместимый Христос Бог наш вместитися благоволи. Блажени есмы и мы, предстательство Тя имуще, день бо и нощь молишися о нас, и роди христианстии Твоими молитвами утверждаются. Тем, воспевающе, вопием Ти: радуйся, Благодатная, Господь с Тобою.

Ирмос: Седяй в славе на Престоле Божества во облаце легце, прииде Иисус Пребожественный, Нетленною Дланию, и спасе зовущия: слава, Христе, силе Твоей.

О, великая сила слез! О, незлобие Владыки! За мене, падшаго, Сам страждет! Ты же, Богомати, у Креста Сына Своего стоявшая, неизследную глубину Божия снизхождения нам покажи и неосужденно причаститися святых и страшных Таин сподоби.

Мати чада злонравнаго побеждается сердоболием и не может его презрети, темже паче Ты, Благоутробная, преукрашенное жилище Божия снизхождения, мене, последнейшаго, не оставляеши и друг друга тяготы носити нас научаеши.

Облистай мя светом Божественнаго лика Твоего, Отрадо моя Пречистая, да ночная вознесу Ти моления, услыши воздыхания немолчная и памятию смертною от прелести греха спаси.

Плачет старость моя, лишися бо сынов и дщерей, несть опоры в жизни одиноцей, но буди мне столп и крепость, свобождение печалей, Благая Утешительнице, и до конца дний моих сохрани мя от зла.

Неизреченною силою благодати возбрани скверным помыслом, обуревающим мя, Дево Чистая, запрети им, и далече отгони, и Божественных песнопений делателя мя сотвори, да неленостно послужу Богу моему.

Воинств благопоспешение, борцев мужество, храбрых споборнице, Воеводо Возбранная, молим Тя крепость оружию нашему даровати, да низложены будут востающии на ны, Тобою бо победы воздвижутся.

Ирмос: Ужасошася всяческая о Божественней славе Твоей, Ты бо, Неискусобрачная Дево, имела еси во утробе над всеми Бога и родила еси Безлетнаго Сына, всем воспевающим Тя, мир подавающая.

Прамати Ева, в раю согрешивши, мук рождения содела мя причастну, но Ты, Благодатная, неболезненно Христа рождшая, чадородия ради душу мою спаси.

Яко цвет сельный, явися чадо мое в мир скорбей и дыханием смерти уже опалися, но по слову Господню воспою: блаженно детство, ибо Царство Небесное наследит, Ты же, Владычице, прекращение воздыханий, Сама, якоже веси, скорбь мою облегчи.

Очи Твои светлеи с любовию на нищих призирают, и рука всегда сиротам и вдовицам простерта, славим неусыпное о них ходатайство и, образ Твой честный лобызающе, просим: не отврати лица Твоего от нас, в нужде ожесточенных.

Тайны грех моих обличение ужасает мя, Пречистая, но ничтоже возможно утаити от Всевидящаго Ока, се прибегаю к Твоему милосердию, даждь ми силу к покаянию и Твоими молитвами покрый мою наготу.

Гнев, ревнование и злоба в души моей гордей и тщеславней гнездятся, сам падаю и падших осуждати дерзаю, к Тебе прибегох, обуреваемых Спасительнице, страстей моих смрадное море изсуши.

Ужасает мя день Суда Божия, Господу бо ведома вся помышления, не надеюся на добрая дела моя, несть бо тех у мене, но прошу молитв Твоих, грешных Споручнице.

Ирмос: Божественное сие и всечестное совершающе празднество, богомудрии, Богоматере, приидите, руками восплещим, от Нея рождшагося Бога славим.

Окаянную мою душу, влекомую лукавыми страстьми, свободи из плена, падших востание, радуется бо Владыка Твоему о грешных предстательству, прошения Твоя, яко Сын, исполняяй.

Воздыхания тяжкая слышиши, Преблагословенная, скорбь сердца моего ведущи, миро утешения и вино веселия возлей на раны душевныя, мрак уныния прогоняющи.

Помышляю труды подвижников: пост непрестанный, слезы сокрушения, молитвы всенощныя, послушание нелицемерное, терпение поношений, ужасаюся, Мати Судии Праведнаго, моему нерадению о спасении, от сна безчувствия мя пробуди.

Сущии во аде не могут Господа молити, Ты же, Всемощная Предстательнице, яко Мати, дерзновение к Сыну имаши, молим Тя о сродницех наших и всех преставльшихся, испроси им грехов разрешение.

В смертный час слышу глас Господа, пророком вещающ: предостави Ми чад твоих, Аз поддержу и препитаю сирых твоих. И Ты, Мати Божия, буди чадом моим прибежище в день скорби.

На поли брани смерть царствует, Ты же, Владычице, верным воином молитвою матере жизнь сохраняеши, убиенных же души в Царство света незаходимаго вселяеши и тако от вечныя смерти избавляеши.

Кондак, глас 8

Взбранной Воеводе победительная, яко избавльшеся от злых, благодарственная восписуем Ти, раби Твои, Богородице, но, яко имущая державу непобедимую, от всяких нас бед свободи, да зовем Ти: радуйся, Невесто Неневестная.

Ангел Предстатель с Небесе послан бысть рещи Богородице: радуйся! И, со безплотным гласом воплощаема Тя зря, Господи, ужасашеся, и стояше, зовый к Ней таковая: радуйся, Еюже радость возсияет; радуйся, Еюже клятва исчезнет. Радуйся, падшаго Адама воззвание; радуйся, слез Евиных избавление. Радуйся, высото, неудобовосходимая человеческими помыслы; радуйся, глубино, неудобозримая и ангельскима очима. Радуйся, яко еси Царево седалище; радуйся, яко носиши Носящаго вся. Радуйся, звездо, являющая Солнце; радуйся, утробо Божественнаго воплощения. Радуйся, Еюже обновляется тварь; радуйся, Еюже покланяемся Творцу. Радуйся, Невесто Неневестная.

Ирмос: Не послужиша твари Богомудрии паче Создавшаго, но, огненное прещение мужески поправше, радовахуся, поюще: препетый отцев Господь и Бог, благословен еси.

Аще вся веси, Бога же не веси, ничтоже веси, ищущим мудрости вития возвещает. О Мати Божия! Неизследимая глубина Божиих откровений Тобою явися, просвети мой ум, воеже Господа Искупителя познати, Бога отец наших.

Чего ради оскверняются путие грешника? Отвещает пророк Давид: того ради, яко несть Бога пред ним. Открой очи мои омраченнеи, Чистая, да познаю вездесущие Творца всяческих, Бога отец наших.

Вижду покаяние Давидово: во вретище облекается, душу постом смиряет, питие плачем покаяния растворяет, полунощи встает на молитву, моя же молитва Богом отвергается, понеже не являю трудов, ни подвигов, имже мя, Благодатная, научи.

Небесных Сил Царице, разсей облаки печали, смятения и бурю помыслов укроти, даруй ми дух сокрушения и смирения, да из глубины сердца моего принесу чистую молитву Богу отец наших.

Сердце услаждается, егда благодать Твоя является, мир, умиление и слезы раждаются, о Дево, радосте моя неизреченная, не презри мя, ожесточеннаго, но Сама посети, да мук томления избавит мя Бог отец наших.

Никтоже избавит мя от смерти, ни родителие, ни чада, не спасет дар, ниже приношение, знаемии проводят токмо до гроба, греси же мои останутся, услыши, Милосердая, вопль мой, да спасет мя огня вечнаго Бог отец наших.

Ирмос: Отроки благочестивыя в пещи Рождество Богородичо спасло есть; тогда убо образуемое, ныне же действуемое, вселенную всю воздвизает пети Тебе: Господа пойте, дела, и превозносите Его во вся веки.

Возраст юности и жажда наслаждения пленяют мою душу, Благодатная, но к вечному блаженству и славе святых обрати моя помышления, да славословлю Господа моего и превознесу Его во вся веки.

Волны неверия и скорбей лютых покрывают мою душу, но слышу глас Господа, глаголюща: маловерный, почто усумнился еси? К Тебе прибегох, Мати Божия, спаси мя и чада моя, в Тебе бо утверждение веры имамы, да превозносим Господа Творца во веки.

Чревоугодию, нечистоте служу прилежно, за обиды местию воздаю, обличаемь, гневаюся напрасно, злословлю не оказавших ми помощи, сам же немощных презираю, о Споручнице грешных, яви долготерпение и от греха свободи мя во веки.

Невозможно есть малою слезою великия скверны омыти и огнь геенский угасити, о Всемилостивая Мати, вижду ожесточение мое и молюся Ти: даждь ми слезы покаяния, да убелю одеяние души моея.

С мольбою неотступною, надеждою крепкою припадаю Ти, Державная Владычице: зриши врага лютаго приближение, услыши в слезах притекших, востани скоро и, яко Благая, защити, да славлю Тя, Мати Бога моего, во веки.

Плач мой в радость обрати и сетование в веселие, Мати Милосердия, и гордыя замыслы враг моих сокруши, да благословит Тя всяк язык и всяка плоть отныне и до века.

Ирмос: Всяк земнородный да взыграется, Духом просвещаемь, да торжествует же безплотных умов естество, почитающее священное торжество Богоматере, и да вопиет: радуйся, Всеблаженная Богородице, Чистая Приснодево.

Призри на нищету душевную и всякую горечь услади, непостыдная надеждо наша, скорбящих ободрение, плачущих скорое утешение, неистощима бо сокровища Твоя и, радующися, даеши я всем, помощи требующим.

Вкусите и видите, яко благ Господь, за любовию бо следует Господа познание. О, Трапезо таинственных дарований! Сподоби мя неосужденно Животворящих Таин причащатися, во очищение грехов моих.

Пред иконою Твоею, зри, Владычице, житейское море волнуется, спаси погибающих в волнах неверия и злобою истощенных, волною Твоего милосердия изнеси на брег спасения, да зовут Ти: радуйся, от вечныя смерти избавление.

Самомнением ослеплен, навыкох укоряти брата моего. Како сообщу свет ближнему, тьмою лжи покрыт сый? Даруй ми, о, Мати света, зрети моя прегрешения и брата моего согрешения терпети и с любовию исправляти.

Ангел смерти нападе на мя, презирает моления, плачу не внемлет, разлучает мя безжалостно со чады, влечет мя насильно. О, Богомати, с Сыном Твоим крестныя муки разделившая, матернюю скорбь о ближних утоли.

Землю Российскую в достояние Себе избравшая и утвердившая нас во благочестии, под покровом Твоим соблюди, Всепетая, образом Твоим честным от всех напастей сохрани, да зовем Ти: радуйся, Всемилостивая, в напастех скорая Заступнице.

Торжествуем днесь, правовернии, во храме Твоем, Владычице, и Ты, Пречистая, приими любовию приносимыя Тебе песни благодарственныя.

Канон второй Пресвятой Богородице пред иконой «Донская»

Ирмос: Отверзу уста моя, и наполнятся Духа, и слово отрыгну Царице Матери, и явлюся, светло торжествуя, и воспою, радуяся, Тоя чудеса.

Откуду начну похвалы или кое положу начало нынешняго песнопения Царице Матери? Недоумением содержуся, обаче, языку умолкшу, вся кости моя рекут Тоя преславная чудеса.

Милосердия ради Бог Человек бывает, Имже и преестественная вся содеяшася; тем, Дево, и наше приими с любовию приносимое песнопение, воспевающих Твоя преславная чудеса.

Гряди к славословию, Небо, и радуйся, земле, свет бо велий возсия на вы от лица Матере Господни, освящаяй и просвещаяй всю тварь преславными чудесы.

Собираются пред иконою Твоею, Богородице, чинове святых невидимо, предстоят же и ангельская вся воинства, трепетно благоговеюще. Приими же с ними и нас, воспевающих радостно чудеса Твоя.

Ирмос: Твоя песнословцы, Богородице, живый и независтный Источниче, лик себе совокупльшия, духовно утверди, в Божественней Твоей славе венцев славы сподоби.

Из начала великая о Тебе прообразоваше и в последняя преславная совершаше от всех родов предызбравый в Матерь Себе Тебе Владыка, Чистая.

Синайская гора, огнепалимая иногда, и разделяющаяся воды Чермнаго моря, егда наставляхуся людие, супостатом потопляемым, точию быта проображение, Чистая, чудес Твоих.

Пламенем купины в Синаи и росою пещи халдейския Девы рождество прообразивый, из Неяже воплотитися благоизволи, спасаяй тварь премудростию, Иисусе, и закон и пророки исполняя.

Радуйся, храме Господень, радуйся, кивоте, радуйся, стамно, радуйся, горо приосененная, радуйся, лествице и двере Небесная, пророки проповеданная, и всея святыни вместилище и носило, Пречистая.

Блажим Тя, вси роди, Богородице Дево, в Тя бо Невместимый Христос Бог наш вместитися благоволи. Блажени есмы и мы, предстательство Тя имуще, день бо и нощь молишися о нас, и роди христианстии Твоими молитвами утверждаются. Тем, воспевающе, вопием Ти: радуйся, Благодатная, Господь с Тобою.

Ирмос: Седяй в славе на Престоле Божества во облаце легце, прииде Иисус Пребожественный Нетленною Дланию и спасе зовущия: слава, Христе, силе Твоей.

Седяй на Престоле славы Царствия Твоего, Царю высокий, от смиреннаго естества земнородных престол свят Себе предуготовал еси, утробу Девы Матере. Слава неизреченному Твоему совету.

Превознесеннаго именем паче веякаго имене, Егоже всяк язык исповедает, Божию Силу и Премудрость, Единороднаго Сына в славе Бога Отца, Дево, плотию родила еси, Бога и Человека.

Смирившаго Себе даже до рабия образа послушанием Богу Отцу и даже до страстей и Креста преклонившагося, Того за ны смотрению, о Дево, и непостижимым тайнам послужила еси.

Дает Тебе преестественная, Богородице, Иже паче естества Сын Твой, рождеством бо Твоим от тли яко воззва человечество, и ныне Тобою призывает люди отриновенныя во язык избранный и именитый по всей земли.

Ирмос: Ужасошася всяческая о Божественней славе Твоей: Ты бо, Неискусобрачная Дево, имела еси во утробе над всеми Бога и родила еси Безлетнаго Сына, всем воспевающим Тя мир подавающая.

Блаженно чрево, носившее Тя, Спасе, и честнейшая воистину сосца, воздоившая Тя, нас ради младенствовавшаго. Темже молим Тя: слышащим слово Твое и хранящим е блаженство уготови безконечное Рождшия Тя молитвами.

Марие Преблагословенная, благую истинно часть избрала еси и Едина Благодатная явилася еси. В Тебе Отец благоволи, Слово Всевиновное в Тя вселися, и Дух осени Святый, пребываеши нетленная и нам, любовию поющим Тя, спасение подавающая.

Единородный Сын Божий, снизшедый на землю за человеколюбие избавити человечество, единое на земли покоище обрет Тя, Чистую и Пренепорочную, вселитися и жити в Тебе благоволи, освятив, украсив и прославив. И нас ходатайствы Твоими храмы чистыя Тому, Богородице, соделай.

Храме всеосвященный Бога нашего, в храме Твоем ныне торжествующая, Богоневесто, с высоты призри и осени Божественною иконою Твоею, верою кланяющиися ей освящающи: с нею бо Твоя благодать во веки пребывает, спасительная всем подающи.

Ирмос: Божественное сие и всечестное совершающе празднество, Богомудрии, Богоматере, приидите, руками восплещим, от Нея рождшагося Бога славим.

Праздник празднуем, празднолюбцы, Девы и Богоматере, благодаряще за велие милосердие Ея, и в нас действуемая преславная чудеса прославим.

Благодарственная приносим Тебе, Дево, и молимся: да не оскудеет вера чтущих Тя, и да не похвалятся врази, глаголюще: где есть Бог их? Твоя бо чудесная икона и всесвятая помощь с нами есть.

Устнами воспеваем Тя, умом же и языком моление приносим и сердца с колены преклоняем пред чудотворным образом Твоим, Пречистая, да милость Твою низпослеши на град и люди Твоя.

Ты еси пророков главизна, Ты еси святых похвала, Богоотроковице, и всех христиан упование, к Тебе прибегающе, спасаемся, уповающе же, не посрамимся, Тобою бо хвалится, Богородице, всякое дыхание.

Кондак, глас 2

В Небесныя обители преселившаяся с плотию, сущия на земли никакоже оставила еси, Богородице, образ Божественный и многочудесный Пречистаго Лица Твоего зрети любящим Тя и покланятися даровала еси, яко знамение Твоея благодати; чтим его, лобызающе.

Являющи человеком Пречистая неизглаголаннаго Своего милосердия сокровище, любящим Ю независтныя дары подавает, благословение, и молитвы, и мир, всяк ум превосходящий. И еже преславное от пречистыя Своея иконы, яко от источника, источает миру оставления воды, в Божественнейшем Ея храме. Тамо бо очи Ея отверсте день и нощь и уши, внемлющии молитве всех. Сего ради покланяемся сей всечестней иконе и чтим ю, лобызающе.

Ирмос: Не послужиша твари Богомудрии паче Создавшаго, но, огненное прещение мужески поправше, радовахуся, поюще: препетый отцев Господь и Бог, благословен еси.

Тварь вся празднует, и стихии Тебе повинуются, Матери всяческих Содетеля, радуются Ангели в Божественнем торжестве Твоем, мы же из Тебе Рождшемуся зовем: препетый отцев Боже, благословен еси.

Дивная чудеса, Благая, слышана сотворила еси по всей земли, мы же, благолепие красоты Твоея от Сиона зряще, доброте дивимся и из Тебе Рождшемуся зовем: препетый Боже, благословен еси.

Монашествующих собори Наставницу Тя ублажают, Дево, множества же немощствующих излиянием милосердия Твоего благодать приемлют и, общницы бывше чудес Твоих, вопиют: Пречистая, благословенна еси.

Источник еси умный, живоприемный и приснотекущий, струи жизни источивший человеком, даждь ми от воды Твоея, Дево, во изсушение моих согрешений и ороси, молюся, мой ум, сердце и помысл, Едина Всепетая и Благословенная.

Ирмос: Отроки благочестивыя в пещи Рождество Богородичо спасло есть; тогда убо образуемое, ныне же действуемое, вселенную всю воздвизает пети Тебе: Господа пойте, дела, и превозносите Его во вся веки.

Ужасу обдержащу иногда Российскую страну нашествием агарян, печали умножившейся людем Твоим, тогда, не на лук уповающе, ниже оружием спасаеми, но на Тя Едину надеющеся, с рыданием моляхуся: виждь бед належание и востани, Богородице, в помощь нашу.

Обыдоша иногда, яко пси мнози, стадо Твое, Чистая, оскверниша жилище имене Твоего и совещаху на ны лукавная; мы же возведохом очи наши на икону Твою, да ущедриши ны; и разумеша языцы, яко Ты, Госпоже, с нами еси во вся веки.

Взбранная Воевода явилася еси царствующаго града Москвы, языки побеждающая, христолюбивое же воинство укрепляющая, военачальники силою Твоею препоясующая; темже Твоя торжествующе победительная, раби Твои, воспеваем Сына Твоего во вся веки.

Богородице, теплая христианом Предстательнице, приими моление недостойных раб Твоих, призри милостивно на немощи наша и всем полезная даруй, немощствующим исцеление, грешным спасение, вся бо можеши, Мати сущи Зиждителя Всемилостивая.

Ирмос: Всяк земнородный да взыграется, Духом просвещаемь, да торжествует же Безплотных умов естество, почитающее священное торжество Богоматере, и да вопиет: радуйся, Всеблаженная Богородице, Чистая Приснодево.

Величит Тя душа моя, и радуется дух мой о Тебе, Мати Господа нашего, яко призрела еси на смирение раб Твоих, сильныя со престолов низложила еси, смиренныя вознесла еси и Россию всю Твоих даров исполнила еси.

Се ныне ублажаем Тя, вси народи великороссийстии, Дево, с нами бо величие сотворила еси и славу Твою показала еси всем языком; свято имя Твое, Богородице, велия и неизреченная милость Твоя на всех, призывающих Тя.

Восприят ны от падения нашего Господь, помянув милость Свою от века, и древняя чудеса отец наших обнови нам, чадом их, иконою Твоею, Богомати; еюже хвалимся, спасшиися, и живота неразрушимаго наследие приемлем.

Богородице Владычице, Приснодево, неложно спребывати с нами обещавшая до скончания века, испроси нам на будущем Суде Сына Твоего деснаго Ему предстояния верою и любовию Тебе поющих, умильно припадающих и со страхом тепле молящихся.

Торжествуем днесь, правовернии, во храме Твоем, Владычице, и Ты, Пречистая, приими любовию приносимыя Тебе песни благодарственныя.

Акафист Пресвятой Богородице пред иконой «Донская»

Взбранней Воеводе победительная, яко избавльшеся от злых, благодарственная восписуем Ти раби Твои, Богородице, но, яко имущая державу непобедимую, от всяких нас бед свободи, да зовем Ти:

Радуйся, Владычице, иконою Твоею Донскою в напастех нам помогающая.

Архангела благовестие слышавши Пречистая, соизволи воле Господа Своего и со смирением сердца отвеща: Се, Раба Господня, буди Мне по глаголу твоему. Мы же, дивящеся, како Сын Божий Сын Девы бывает, со Гавриилом Благодатную песньми почтим:

Радуйся, Отроковице, от всех родов Богоизбранная; радуйся, скиние, Духом Святым осененная.

Радуйся, живоносная обитель Света божественнаго; радуйся, Мати Божия, Спаса миру рождшая.

Радуйся, яко Тобою, Благодатная, Невидимый нам видим бысть; радуйся, Всепетая, яко сотвори Ти величие Сильный.

Радуйся, яко прославлением икон Твоих величие сие возвещается; радуйся, благодать и милость чудотворными иконами Твоими нам являющая.

Радуйся, Владычице, иконою Твоею Донскою в напастех нам помогающая.

Видяще Тя, Богородице, во объятиих Младенца Христа держащую и главою к пречистому лику Его кротце приникшую, разумеваем божественную любовь Твою и непрестанное о мире ходатайство. В шуйце же держиши плат чистый, еже слезы плачущих скоро осушати, да никтоже от Тебе неутешен изыдет. Веруем, яко имаши велие дерзновение ко благосердию Владыки, и Богу, давшему нам Тя благую заступницу, благодарственно поем: Аллилуиа.

Разум немощный не может постигнути глубину смиреннаго служения Твоего, Госпоже, на земли Искупителю нашему, не имевшему, где главу подклонити. Во дни бо уничижения и страдания Сына Твоего, Богомати, оружие смертное прохождаше сердце Твое. Сего ради сердцем соболезнующе, глаголем Ти таковая:

Радуйся, незлобивая агнице, вертеп и ясли смиренно приявшая; радуйся, богоприимца Симеона скорбное проречение в сердце начертавшая.

Радуйся, поношению Сына Божия сострадавшая; радуйся, крестный путь Его слезами оросившая.

Радуйся, муки Его крестныя сердцем разделившая; радуйся, кресту предстоянием послушание воле Отца явившая.

Радуйся, гробу Сына Твоего благосердый плач принесшая; радуйся, воскресением Его обрадованная.

Радуйся, Владычице, иконою Твоею Донскою в напастех нам помогающая.

Сила Вышняго содела Тя, Благодатная, источник неоскудевающ утешения бедствующим. Многи бо скорби претерпевши, можеши и искушаемым помощи. Людем российским, люте страждущим от нашествия агарян, благоволила еси явити образ Твой в струях реки Дона в знамение милости Твоея ко отечеству нашему, в защиту от враг видимых и невидимых, ихже помощию Божиею побеждающе, Спасителю Богу поим: Аллилуиа.

Имуще Тя первую подвигоположницу, шествующую по стопам Владыки Христа, мужества исполняхуся первосвятителие Московстии и подвижницы благочестия российстии, беды и напасти претерпевающе, учаще люди духом Господеви работати, ибо сила Божия в немощи совершается. Мы же, видяще веру отец наших и явление благодати, нравы злыя в добрыя претворившия, достойно Тя, наставницу верных, ублажаем:

Радуйся, насаждение веры и благочестия; радуйся, образе несокрушимаго скорбей терпения.

Радуйся, доблести и веры богатство неистощимое; радуйся, духа уныния и боязни отгнание.

Радуйся, духа разума и крепости стяжание; радуйся, святых печальников земли Российстей возрастившая.

Радуйся, в струях Донских чудно икону Твою явившая; радуйся, реки слез народных ею изсушившая.

Радуйся, Владычице, иконою Твоею Донскою в напастех нам помогающая.

Буря превеликаго нашествия агарянскаго потрясе землю Русскую, но не возможе угасити пламень веры в покров Твой, Богомати Пречистая. Великий печальник наш преподобный Сергий, призвав на помощь Святую Троицу и Тя, Владычице, со упованием благослови великаго Димитрия с дружиною в поход противу агарян и прорече ему: Победиши враги твоя; темже научи всех пети всесильному Богу, в Троице славимому: Аллилуиа.

Видя икону Богоматере, на поле брани от Донских предел пришедшую, и, прияв от рук иноков послание Сергия преподобнаго с напутием: Да поможет ти Бог и Святая Богородица, возрадовася князь Димитрий, яко Сама Владычица грядет на супостаты, и, воспрянув духом, с надеждою поведе воины своя на тьмочисленная полчища и победу одержа. Икона же Твоя, Владычице, молниеносным блистанием зрака Твоего враги устрашающи, залог победы являше. Сего ради благодарственно и радостно поем Ти похвальная сия:

Радуйся, в явлении иконы Твоея лучами Солнца правды верных осиявшая; радуйся, небесная Воеводо, Мати Господа сил.

Радуйся, воинов-иноков на подвиг ратный избравшая и укрепившая; радуйся, отечество наше от ига агарянскаго свободившая.

Радуйся, воином мужества неодолимаго дарование; радуйся, врага исконнаго грозное низвержение.

Радуйся, преславную победу православно Тя чтущим даровавшая; радуйся, земли Русския от века покрове и помощнице.

Радуйся, Владычице, иконою Твоею Донскою в напастех нам помогающая.

Богоявленною звездою возсия икона Твоя пресветлая, озаряющи утро брани и возвещающи благословение Божие ратоборцем, на брань жестокую с агаряны подвигшимся. Весь день той предстояще Сергий преподобный с братиею неотступно престолу Святыя Троицы. Вечеру уже бывшу, победу старец духом познав, о сем радостно провозгласи и благодарственное пение соверши всещедрому Богу, призывая и нас велегласно воспети Ему: Аллилуиа.

Видя очами веры течение битвы и молитвою ратоборцы укрепляя, поименно поминаше преподобный Сергий вожди и воины убиенныя. Мы же, имуще завет его память о таковых особо творити и видяще силу молитвы, победу оружию приносящия, из глубины сердца воззовем Божией Матери, всемощней покровительнице душу свою полагающих за други своя:

Радуйся, воинов непреоборимая споборнице; радуйся, меч гнева Божия смелым вручающая.

Радуйся, из терния злостраданий венец победы соплетающая; радуйся, во бранех силу духа даже до подвига возвышающая.

Радуйся, болящих и ранами уязвленных не оставляющая; радуйся, убиенных на поле брани к вечному покою управляющая.

Радуйся, родителей и вдовиц скорбящих благодатное утешение; радуйся, Воеводо изрядная, имущая державу непобедимую.

Радуйся, Владычице, иконою Твоею Донскою в напастех нам помогающая.

Провозвестник спасения Москвы от внезапнаго нашествия агарянскаго явися образ Твой, Заступнице скорая. Неприятелем во град внити уже готовым, с верою и слезным молением обнесоша его людие по стенам и стогнам града и поставиша посреде воев в походной церковице Сергия преподобнаго и, в молитве прилежаще, усердно взываху всемилостивому Спасу: Аллилуиа.

Возсиявшу солнцу, узреша стрегущии воини, яко опусте стан агарян: нощию страх внезапу нападе на ня от некия велия силы и, смутившеся, бежаша неудержимо даже за пределы Российския и вси изгибоша. О, предивная Заступнице наша! Твоими молитвами скорое избавление сие бысть. Да исполнится же древний храм сей, возвысивыйся на месте, идеже стояше чудотворный образ Донский, гласа хвалы сея:

Радуйся, града Москвы страже неусыпающий; радуйся, миротворца князя Даниила начало величию Москвы положити сподобившая.

Радуйся, молитвами святителей и Сергия преподобнаго град наш ограждающая; радуйся, в день скорби плач верных в радость претворяющая.

Радуйся, коварнаго врага внезапным бегством истребившая; радуйся, упование на помощь Твою не посрамившая.

Радуйся, свеще неугасимая, веры огнь воспламеняющая; радуйся, Благодатная, яко Тобою с нами Бог.

Радуйся, Владычице, иконою Твоею Донскою в напастех нам помогающая.

Восхотевши оградити Русь православную, державная Покровительнице наша, многажды козни агарян и прочих иноплеменник разоряше, пределы страны нашея хранящи, и победы обильныя даже без крове подаваше. Егда же Великую и Малую Россию воссоединитися благословила еси, тем силу отечества в единении народа нашего, в союзе любве утвердила еси. Благоволи, о Мати Божия, в мире глубоце вселенную сохранити, Тебе бо дадеся благодать всемирнаго заступления пред Владыкою всех, Егоже воинства небесная славят, поюще Ему: Аллилуиа.

Новаго стража неусыпнаго града Москвы достойно почтити хотяще, соборный храм людие благочестивии в Донстей обители соорудиша и на стенах храма воздвигоша изображение иконы Твоея, Богомати, в божественное ограждение страны нашея, яко да отъинуде находящии врази отражени будут неотступными молитвами Твоими. Тебе же, яко сущей с нами, со упованием глаголем:

Радуйся, Бога живаго храме одушевленный; радуйся, Боголюбивая, страну Российскую достоянием Своим избравшая.

Радуйся, нощных бдений и пений молебных скорое слышание; радуйся, икону Твою, яко знамя побед неотъемлемое, даровавшая.

Радуйся, прекращением браней мир и радость приносящая; радуйся, доброе пристанище душам, ищущим спасения.

Радуйся, Мати мира, смятений волны укрощающая; радуйся, града Москвы и страны нашея всемощная предстательнице.

Радуйся, Владычице, иконою Твоею Донскою в напастех нам помогающая.

Разсеяшася тучи напастей молитвами Твоими, Заступнице всеблагая. Теплая заря покаяния, восходящи, предваряет токи благодати, призывающи к подвигу: веровати право и жити свято. Простри же покров Твой, о, Благодатная Мати, на всех грядущих тернистым, но вожделенным путем Христовых заповедей, да вси познают, яко с нами Бог, Емуже поем: Аллилуиа.

Весь мир зле страждет грех ради человеческих, во зло его повергающих. В Тебе, Мати рода христианскаго, начало общаго избавления, исполнение всякия добродетели. Яви же нам, богомудрая Дево, в Евангелии Сына Твоего свет божественный, да отвергше горечь греха, сладость благочестия обрящем, взывающе Ти сицевая:

Радуйся, благодати живоносный источниче; радуйся, Еюже мира всего дивное преображение.

Радуйся, Всеблаженная, ходящая в законе Господни непорочно; радуйся, слезами покаяния орошающая нас благодатно.

Радуйся, молитве сердечней научающая; радуйся, подвигу поста вспомоществующая.

Радуйся, греховныя помыслы властно отгоняющая; радуйся, братолюбием темную злобу побеждати повелевающая.

Радуйся, Владычице, иконою Твоею Донскою в напастех нам помогающая.

Всех немощных крепосте, печальных утешение, страждущих посещение, верных дерзновение Ты еси, Пречистая Владычице Богородице, всех притекающих под сень креста Господня ко спасению приводиши, да последуют Искупителю Богу, поюще песнь: Аллилуиа.

Витии многовещаннии не могут исчести, человеколюбивая Мати, бездну щедрот Твоих, на злостраждущия и безпомощныя изливаемых. И мы, сладость утешения в нуждах познавше, благословляем Тя с верою и чествуем с любовию, моления возносяще пред образом Твоим сицевая:

Радуйся, безмолвие дивное в скорбех земных показавшая; радуйся, скорбящих и плачущих отрадо и утешение.

Радуйся, болящих милосердая целительнице; радуйся, долгонедужных сладости райския тайное приобщение.

Радуйся, страждущих любовию ближних окружающая; радуйся, вдов и сирот незримая питательнице.

Радуйся, яко паче жемчуга слезами радости икона Твоя украшается; радуйся, отечеству нашему победы обильныя дарующая.

Радуйся, Владычице, иконою Твоею Донскою в напастех нам помогающая.

Спасти хотя мир, Сын Божий из Тебе, Дево, плотию облечеся, и благодатию Его падшее естество человеческое, грехом оскверненное, очищение и спасение приемлет. Дивное Божие смотрение о нас Тобою, Дево, содействием Святаго Духа исполняется, яко Ты еси воистину погибших взыскание и нераскаянных грешников к покаянию теплому увещание, и Тобою от отчаяния греховнаго избавляеми, дерзаем с веселием пети Искупителю Богу: Аллилуиа.

Стена еси несокрушимая Церкве Христовы, Всенепорочная Дево, верныя бо во искушениих укрепляеши и миром и любовию ограждаеши. Сего ради и воздыхания молитвенная не умолкают зовущих Ти:

Радуйся, от купели крещения благая восприемнице; радуйся, супругов благословенною любовию венчание.

Радуйся, матерем многотрудным изрядная помощнице; радуйся, чад непокоривых твердая наставнице.

Радуйся, в сиротстве дивное утешение; радуйся, враждующих нечаемое примирение.

Радуйся, беззаконнующих светом правды обличающая; радуйся, грехи наша в мори милосердия растворяющая.

Радуйся, Владычице, иконою Твоею Донскою в напастех нам помогающая.

Пение всеумиленное приносим Ти, вместившй ипостасное Слово Божие. Агнец Божий сый, вземляй грех мира, Той закалается, еже датися во вкушение верным. Сподоби же нас, Мати Божия, достойно причащатися пречистых тела и крове Его, да спасение улучивше, воспоем Жизнодавцу Богу: Аллилуиа.

Дщи Отца Небеснаго, Мати Сына Божия, Невесто Духа Святаго, неисчерпаемое море даров божественных Ты еси, Всесвятая Дево. Умоли человеколюбца Господа открыти нам источник всеоживляющия благодати, да очищенным сердцем потщимся возрастити плоды Духа, в радости и веселии зовуще Ти:

Радуйся, плодов Духа Святаго всецелое стяжание; радуйся, радостию духовною насыщение пречудное.

Радуйся, мира непоколебимаго дарование благонадежное; радуйся, благости любвеобильныя исполнение.

Радуйся, милосердия о Христе насаждение неувядаемое; радуйся, веры живыя утверждение несокрушимое.

Радуйся, кротости незлобивыя наставнице несравненная; радуйся, средостение вражды разрушившая.

Радуйся. Владычице, иконою Твоею Донскою в напастех нам помогающая.

Благодатную помощь многажды являла еси, Царице Небесная, чрез чудотворный образ Твой Донский, егда смерть вскоре предстояще людем. Сего ради на обратней стране иконы сея древния изображено есть и всечестное Успение Твое, да всяк, подвизающийся во славу Бога и на благо ближняго, не убоится смерти, но, взирая, како Твоя душа приемлется в руце Бога живаго, с надеждою предает себе в час смертный Судии всех Богу, вопия Ему: Аллилуиа.

Поюще Тя, в молитвах неусыпающую Богородицу, Святей Троице предстоящую, вопием Ти: пробуди нас светом живоноснаго Успения Твоего от смертоноснаго сна нерадения о спасении души и испроси нам с Господом примирения. Егда же приспеет жатва смертная житию нашему, огради нас всесильным предстательством Твоим от духов злобы, да, Тобою водими, достигнем Царствия Небеснаго, идеже незаходимое Солнце правды невечерний свет славы божественныя изливает. О, Всесвятая Дево, от херувим воспеваемая, приими от нас, недостойных похвалы сия:

Радуйся, обрадованная, во успении Твоем нас не оставляющая; радуйся, Мати всепетая, одесную Бога предстоящая.

Радуйся, горняго мира боголепная красото; радуйся, кладезю богомыслия неисчерпаемый.

Радуйся, любве божественныя светильниче неугасаемый; радуйся, греховных уз скорая решительнице.

Радуйся, воздушных мытарств прехождение безбедное; радуйся, благая вратарнице, двери райския верным отверзающая.

Радуйся. Владычице, иконою Твоею Донскою в напастех нам помогающая.

О, всемилостивая Владычице Богородице, Российския страны дивная заступнице, обидимых прибежище, грешных спасение! Отечество наше от враг защити, вселенную всю миром благослови, веру православную укрепи, скорби и крест со упованием понести помози, в любви и согласии всех нас соблюди и в радость Господа внити сподоби поющих ему: Аллилуиа.

Этот кондак читается трижды, затем 1-й икос «Архангела благовестие…» и 1-й кондак «Взбранней Воеводе…».

О, Пресвятая Владычице, Дево Богородице, Заступнице наша благая и скорая! Воспеваем Ти вси благодарственная за чудная дела Твоя. Песнословим от лет древних неотъемлемое заступление Твое граду Москве и стране нашей, чудотворным образом Твоим Донским всегда являемое: в бегство обращаются полцы чуждих, гради и веси невредими сохраняются, людие же от лютыя смерти избавляются. Осушаются очи слезящеи, умолкают стенания верных, плач в радость общую претворяется. Буди и нам, Пречистая Богородице, утешение в бедствиих, возрождение надежды, образ мужества, источник милости и в скорбных обстояниих неистощимое терпение нам даруй. Подаждь коемуждо по прошению и нужде его: младенцы воспитай, юныя уцеломудри и страху Божию научи, унывающия ободри и немощную старость поддержи. Посети в болезнех и печалех сущия, злая сердца умягчи, братолюбие укрепи, мира и любве всех нас исполни. Примири, Благосердая Мати, враждующия и оправдай оклеветанныя. Истреби пороки, да не восходят греси наши пред Судиею всяческих, да не постигнет нас праведный гнев Божий. Твоими молитвами, всемощным Твоим покровом огради нас от нашествий вражиих, от глада, губительства, огня, меча и всякаго инаго злострадания. Уповаем молитвами Твоими получити от Всевышняго Бога грехов прощение и изглаждение и с Богом примирение. Умоли стяжати нам Царствие Небесное и по скончании жизни нашея одесную Престола Божия стати, идеже Ты, о, Всепетая Дево, Святей Троице в вечней славе предстоиши. Удостой и нас с лики Ангелов и святых тамо восхвалити Пречестное Имя Сына Твоего, со Безначальным Его Отцем и Всесвятым и Благим и Животворящим Его Духом, во веки веков. Аминь.

Случайный тест

Цитата дня

Неведущий Бога, какой бы он ни был мудрец, неблагоразумен.

Житие прп. Нила Столобенского

Этот день в истории

20 декабря 1699 года на русских землях указом первого российского императора Петра I введено новое летосчисление и установлено празднование Нового года 1 января вместо 1 сентября.

В 2009 году в городе Паттайя освящен Всехсвятский храм Русской Православной Церкви.

Оценка 4.9 проголосовавших: 907
ПОДЕЛИТЬСЯ

ОСТАВЬТЕ ОТВЕТ

Please enter your comment!
Please enter your name here