Молитва иконе моздокская

МОЗДОКСКАЯ ИКОНА БОЖИЕЙ МАТЕРИ.

Празднование Моздокской иконе Божией Матери совершается дважды в год — в Праздник Преполовения Пятидесятницы и в день Успения Богоматери (15/28 августа).

Моздокская икона Божией Матери, список с афонской Иверской иконы, была в XIII веке прислана святой царицей Тамарой в дар новопросвещенным христианам осетинского аула Марьям-Каду. В 1768 году эта икона явила знамение на берегу Терека, недалеко от Моздока. Епископ Гаий построил для иконы часовню. В 1796 – 1797 годах на месте часовни был выстроен храм в честь Успения Пресвятой Богородицы, при котором вскоре была основана женская обитель (упраздненная вместе с самой Моздокской епархией в 1799 году). В конце XIX века жители Моздока выстроили в честь Моздокской Иверской иконы Божией Матери величественный храм. Матерь Божия неоднократно оказывала скорую помощь верующим через эту свою икону.

В бытность на Кавказской кафедре святитель Игнатий (Брянчанинов) в очерке «Записка о чудотворной иконе Иверской Божией Матери в Моздокской Успенской церкви» отмечал: « Осетины признают икону своею собственностию, питают к ней пламенную привязанность. Икона славна в горах. На поклонение ей стекается множество горцев-магометан. Армяне григорианского исповедания чествуют икону наравне с православными. Икона совершает множество исцелений, под нею на шнуре висят многочисленные серебряные изображения членов человеческого тела, привешенные получившими исцеления. Многие магометане, поражаемые чудесами, совершающимися при иконе, принимают христианство. Весьма многие магометане, по той же причине, питая доверенность к иконе, питают доверенность и к христианству. Икона – апостол. Точно! Чудотворная икона Божией Матери совершает в здешнем крае служение апостола, споспешествуя христианству и свидетельствуя оное знамениями».

Святитель Игнатий озаботился созданием достойного храма для этого Моздокского «апостола» и в 1860 году выдал храмоздательную грамоту на строительство новой церкви.

После 1895 года по инициативе архиепископа Владикавказского и Моздокского Владимира (Синьковского) был организован ежегодный перенос Кавказской святыни из Моздока во Владикавказ. Крестный ход с иконой шествовал через христианские и мусульманские аулы Кабарды (Екатериноградская, Приближная, Прохладный, Пришиб, Котляревская, Александровская) и Осетии (Эльхотово, Ардон, Алагир, Фиагдон, Владикавказ), совершая апостольское служение.

«Акафист Божией Матери в честь Моздокской Её иконы» был составлен в 1915 году епископом Владикавказским и Моздокским Антонином (Грановским) и был одобрен и благословлен к печати Святейшим Синодом.

Икона-оригинал по Промыслу Божиему в о время боевых действий на Северном Кавказе в годы второй мировой войны была утрачена .

В настоящее время чтимый точный список с чудотворной Моздокской иконы Божией Матери является священным украшением и средоточием молитвенного прославления Божией Матери в Свято-Никольском храме (г. Прохладный, КБР)

Пред Моздокской иконой Пресвятой Богородицы молятся о защите от междоусобной брани, об избавлении от скорби и печали, об исцелении недугов душевных и телесных, при тяжелых обстоятельствах

МОЛИТВА КО ПРЕСВЯТОЙ БОГОРОДИЦЕ ПРЕД ЕЕ ИКОНОЮ МОЗДОКСКАЯ

О Пресвятая Дево, Мати Христа Бога нашего, Царице Небесе и земли! Вонми многоболезненному воздыханию душ наших, призри с высоты святыя Твоея на нас, с верою и любовию покланяющихся пречистому образу Твоему. Се бо грехми погружаемии и скорбьми обуреваемии, взирающе на Твой образ, яко живей Тебе сущей с нами, приносим смиренная моления наша.

Не имамы бо иныя помощи, ни инаго предстательства, ни утешения, токмо Тебе, о Мати всех скорбящих и обремененных! Помози нам немощным, утоли скорби наша, настави на путь правый нас заблуждающих, уврачуй болезненная сердца наша и спаси безнадежных, даруй нам прочее время жития нашего в мире и покаянии проводити, подаждь христианскую кончину, и на страшнем суде Сына Твоего явися нам милосердая предстательница, да всегда поем, величаем и славим Тя, яко благую заступницу рода христианскаго, со всеми угодившими Богу, во веки веков. Аминь.

МОЛИТВА КО ПРЕСВЯТОЙ БОГОРОДИЦЕ

О, Всемилостивая Госпоже Дево Богородице, услыши нас молящихся Тебе, и яви нам скорую милость Твою, Моли Сына Твоего избавитися нам от всякаго зла и сохрани люди, благочестно прибегающия и призывающия имя Твое святое, от всякия напасти, всех нас сохраняющи под кровом благости Твоея, ризою Твоею честною защити.

Призри на всех нас призрением милостиваго Твоего заступления и молитвою Твоею сподоби нас со Христом жити и радости ангельския в небесных селениих наслаждатися.

Ты бо еси, Госпоже, Слава небесных и Упование земных. Ты наша Надежда и Заступница всех, притекающих к Тебе и Твоея святыя помощи просящих, тем же всечестный образ Твой и рукою Твоею Держимаго Вседержителя видяще на иконе, радуемся грешнии, со умилением припадаем и любовию сей целуем, чающе, Госпоже, Твоими богоприятными молитвами в мире и благочестии земный путь прейти и небесныя безконечныя жизни достигнути и Трисиянному Богу со всеми, угодившими Ему, поклонятися во веки веков. Аминь.

Величаем Тя, Пресвятая Дево, и чтим образ Твой святый, имже болезни наша врачуеши и души к Богу возводиши.

Иверская Икона Божией Матери

Иверская икона Божией Матери

Монреальская икона Божией Матери и Брат Иосиф

Моздокская Икона Божией Матери

Акафист Моздокской иконе Божией Матери

Акафист Пресвятой Богородице перед Ея иконой,

Взбранной Воеводе, Владычице нашей Богородице, похвальная пения приносим Ти раби Твои, яко честным образом Твоим милости источник стяжавшии, Ты же, Госпоже, яко благосердая Мати, буди неотступна милостию Твоею от нас, да зовем Ти: Радуйся, Милосердая, милости нам иконою являющая.

Ангелов лицы сопредсташа, Небесная Царице, окрест святыя иконы Твоея, благодатию Тобою прославленныя. Тем же и мы, взирающе на икону Твою, в божественных храмах нас осеняющую, почитаем ю, преклоняем колена пред величеством Твоим, Владычице, и умильно воспеваем сице:

Радуйся, Небесная Царице, Мати Господа небеси и земли,

Радуйся, архангелов и ангелов Владычице,

Радуйся, горних сил величание,

Радуйся, человеческих ликостояний похваление,

Радуйся, праведных душ сладосте,

Радуйся, живущих в Бозе умиление,

Радуйся, о нас пред Богом предстательнице,

Радуйся, божественныя благости подательнице,

Радуйся, Милосердая, милости нам иконою являющая.

Вместилище святое силы Божия икону Твою, Богомати, Тамара, царица Иверская, принесе людям Осетии. Пришествием убо образа сего Ты, Пречистая Богородице, вселилася еси в них, яко благосердая Мати, ущедряющи благочестно почита-ющих Тя и воздвизающи их воспевати Богу: аллилуиа.

Разумне исповедуем дивное промышление Божие о стране нашей, ей же подобие Иверския иконы Богоматере, благодатию прославленное, даровася. Тем же, благодаряще Тя, Владычице, за милость твою к роду нашему, воспеваем сице:

Радуйся, щедроты Твоя на нас изливающая,

Радуйся, Твоею благостынею нам благодеющая,

Радуйся, во всякой нужде нам помогающая,

Радуйся, надежду нас недостойных не отвергающая,

Радуйся, уповающих на Тя помощию не оставляющая,

Радуйся, силою врачевания икону Твою знаменующая,

Радуйся, тою источники чудес источающая,

Радуйся, ею же немощи наша исцеляющая,

Радуйся, Милосердая, милости нам иконою являющая.

Сила Вышняго осеняше страну осетинскую, егда икона Пречистыя Богоматере прииде в ню, пребыванием освящающая землю, к созданию храмов святых воздвизающи, да славится имя Триипостаснаго Бога, явлением Твоим, Владычице, и да воспевают Ему: аллилуиа.

Имущи премногую милость к Кавказу, Пресвятая Владычице, устроила еси в стране нашей иконы Твоея благодатное утверждение. Охраняй убо область сию и всю державу Российскую, да в мире и тишине воспеваем Ти сице:

Радуйся, предстательнице к Богу, мир спасающая,

Радуйся, хранительнице, державу Российскую покрывающая,

Радуйся, христиан во благочестии утверждающая,

Радуйся, земное житие наше добре устрояющая,

Радуйся, праведно движимый на ны гнев Божий утоляющая,

Радуйся, Господа на милость к нам преклоняющая,

Радуйся, Благодатию Сына Твоего нас осеняющая,

Радуйся, Милосердая, милости нам иконою являющая.

Буря злостраданий и бед опустошаше страну осетинскую, егда нечестивии татары огнем и мечем по ней прохождаху. Ищуще спасения от них, людие Куртатинския области от гор под сень державы Российския преселяхуся, грядуще на новое местожительства, взяша с собою икону Твою, Богомати, да и оное Тобою освятится, ограждай убо, Владычице, Твоим покровом и наше жительство, да, осеняеми Тобою, взываем к Богу: аллилуиа.

Слышав пастырь паствы своея пришествие к Моздоку иконы Божия Матере, устрояет церковь, в ней же поставляет святую икону и священники утверждает, да выну прославляюще Богоматерь, вопиют Ей:

Радуйся, святых храмов благодатию наполнение,

Радуйся, домов наших небесное благословение,

Радуйся, святых обителей покров и защищение,

Радуйся, всех верных прибежище и утешение,

Радуйся, спасительную веру в стране нашей утверждающая,

Радуйся, благочестие в земли нашей насаждающая,

Радуйся, во благонравии возрастати нам помогающая,

Радуйся, в добрых делех преспевающих укрепляющая,

Радуйся, Милосердая, милости нам иконою являющая.

Боготечная звезда явися икона Твоя, Богомати, страну кавказскую обтекающи и сущих во тьме неведения светом Боговедения озаряюще, скорбящих радостию исполняющи, ищущих помощи Твоея утешающи благодатию Сына Твоего и Бога, Ему же благодарственне вопием: аллилуиа.

Видевше людие града Моздока икону Твою, от места их не двигшуюся, со умилением уразумеша, яко сим проявися великое Твое к ним благоволение и тем показуеши святую волю Твою. Благоволи убо, Пречистая, показати и нам милость Твою, да ею ущедряеми, со благодарением воспеваем Ти хвалы сия:

Радуйся, матернею любовию нас возлюбившая,

Радуйся, иконою Твоею нас сладце утешающая,

Радуйся, источник благодати Тою открывающая,

Радуйся, милосердия двери нам отверзающая,

Радуйся, обилие милости нам изливающая,

Радуйся, усердныя наша молитвы приемлющая,

Радуйся, воздыхания сердечная послушающая,

Радуйся, скорое утешение подати поспешающая,

Радуйся, Милосердая, милости нам иконою являющая.

Проповедует чудеса Твоя и милости область кавказская, яко дивно оградила еси покровом Твоим чудотворную икону Твою от огненнаго запаления, объявшаго церковь, в ней же святая икона пребываше. Трижды бо, церкви возгораемей, людие икону Твою на горе близ церкви неврежденну обретаху. Тем же и мы Тебе вопием: о, Пресвятая Владычице, призри всемилостивым оком Твоим и на нас, предстоящих пред пречистым образом Твоим, и молитвами Твоими избави нас от запаления бед и от пламене огня вечнаго, да с веселием поем Богу: аллилуиа.

Возсияти свету боговедения в древней Осетии изволяющи, рукою царицы Тамары святую икону Твою в ню послала еси и по сих силою и чудесы Тую прославила еси, и тако уверившеся о Твоем промышлении, Пречистая, люди Твоя соблюдающем, благодарственне прославляем Тя сице:

Радуйся, икону Твою из пламене чудесно сохранившая,

Радуйся, сию многими чудесы в стране нашей прославившая,

Радуйся, молящимся пред иконою Твоею здравие подавающая,

Радуйся, уповающим на Тя спасение дарующая,

Радуйся, от христианских родов ублажаемая,

Радуйся, прославляющих Тя прославляющая,

Радуйся, благочестивых чувства услаждающая,

Радуйся, подвизающихся в вере благодатне посещающая,

Радуйся, Милосердая, милости нам иконою являющая.

Хотяще людие осетинстии в кавказскую область преселитися достигоша града Моздока, носяще чудотворную икону Твою, Богомати. Нощию от колесницы, вней же святая икона пребываше, небесный свет возсия, и то слышав, епископ Гаий со множеством народа исшед, поклоняшеся пред нею до земли, яко Тебе Самей, Пречистая Богородице, молебное пение творя и взывая Богу: аллилуиа.

Новое место пребывания святыя иконы Твоея чудесным знамением и откровением епископу Гаию уверила еси. Како убо изречем Твою к нам любовь, Богородице, и кто возглаголет силы Твоя, дарованныя иконе Твоей? Обаче приими песнь хвалы и благодарения сицевую:

Радуйся, во граде Моздоке чудотворною иконою пребывати благоволившая,

Радуйся, и прочия грады и веси пренесением иконы заступлением Твоим не оставляющая,

Радуйся, ею на Тя надеющихся возвеселяющая,

Радуйся, иконою Твоею от всякаго зла нас сохраняющая,

Радуйся, тою аки облаком светлым нас покрывающая,

Радуйся, любы к нам неиссякающая,

Радуйся, милости Своя к нам умножающая,

Радуйся, грехи наша благостию побеждающая,

Радуйся, Милосердая, милости нам иконою являющая.

Странное чудо избрания Тобою, Владычице, новаго места вселения иконы Твоея удивляет умы. Не точию бо свет в нощи облиста место стояния колесницы с иконою Твоею, но и наутрие, егда людие, воздвигшеся далечайше идти, волы своя в колесницу впрягоша, тии не могоша повлещи ю, аще и много биени бяху. И слышавше окрест живущии о таковем знамении на месте пребывания Твоего, стекошася во множестве, поклоняющеся иконе Твоей и воспевающе Богу: аллилуиа.

Вси православнии людие славят имя Твое, Богородице, честным бо предстательством Твоим чудесную помощь нам являеши. Дивна суть дела Твоя, и дивна пресвятая икона Твоя, пред нею же припадающе, с верою и упованием глаголем Ти сице:

Радуйся, заступнице роду христианскому, от Бога дарованная,

Радуйся, пред Господем о нас ходатайствующая,

Радуйся, молитвы о нас Тому простирающая,

Радуйся, прошения верных к Сыну Своему и Богу приносящая,

Радуйся, престолу благости Его матерски о нас предстоящая,

Радуйся, благодать смирения и терпения нам подавающая,

Радуйся, Божие к нам грешным благоволение,

Радуйся, нас недостойных пред Богом дерзновение,

Радуйся, Милосердая, милости нам иконою являющая.

Всякое естество ангельское, видя Тя, Богородительнице, у престола Сына Твоего предстоящую и за христиан молящуюся, восхваляет Тя, людие же града Моздока, прияше святую икону Твою аки некое небесное сокровище, прославляют Всевышняго Господа, чудотворную силу ей даровавшаго, и воспевают Ему: аллилуиа.

Витийство человеческое не возможет по достоянию благохвалити Тя, Пресвятая Богородице, и воспевати чудеса Твоя, от иконы являемая, обаче, благая сущи, приими от нас за премногую любовь к нам и милость хвалебное пение сие:

Радуйся, верующих благая Заступнице,

Радуйся, призывающих Тя непостыдное упование,

Радуйся, благочестивых всевеселящее радование,

Радуйся, труждающихся помощь и укрепление,

Радуйся, обидимых скорое заступление,

Радуйся, гонимых покров и защищение,

Радуйся, изнемогающих крепость и утверждение,

Радуйся, болящих благонадежное посещение,

Радуйся, Милосердая, милости нам иконою являющая.

Спасти хотящи многи люди от бед и скорбей, источаеши, Богомати, неоскудный источник милости от Твоея Иконы роду нашему, тою, аки Тебе Самей сущей, грады и веси области нашея обтекающи и в них чтущим Тя полезное прошение исполняющи, тем же, прославляюще Бога, давшаго нам благодать таковую, вопием Ему: аллилуиа.

Стена еси верным, Богородице Дево, и заступление всем к Тебе прибегающим, ибо небесе и земли Творец, на руку Твоею носитися благоволивый, приемлет Тя, о людех молебне руце простирающую. Буди убо стена и покров от всех врагов видимых и невидимых и нам, ко пречестней иконе Твоей с верою припадающим, да вопием Тебе:

Радуйся, от обстояний и бед нас сохраняющая,

Радуйся, от потопления скорбей нас изымающая,

Радуйся, искушения душевредная далече отгоняющая,

Радуйся, вражды на благосердие прелагающая,

Радуйся, на милосердие нас подвизающая,

Радуйся, любити друг друга наставляющая,

Радуйся, во непорочном житии верных укрепляющая,

Радуйся, присноблаженная, блаженство и нам уготовляющая,

Радуйся, Милосердая, милости нам иконою являющая.

Пение всякое побеждается, спростретися тщащееся к явлением благодати, присно бываемым от святыя и чудотворныя иконы Твоея, Богородице, якоже бо скорая помощница, недуги исцеляеши, от бед избавляеши на всяком месте с верою Тя призывающих и вопиющих Богу: аллилуиа.

Светоприемную свещу зрим святую икону Твою, Богомати, во области кавказстей благодатию Твоею возженную, всю страну просвещающую и многих к свету Своему на спасение душ и телес привлекающую, тем же вопием Ти сице:

Радуйся, Бога с человеки соединяющая,

Радуйся, нас земнородных к Богу приближающая,

Радуйся, о кающихся пред Богом предстательствующая,

Радуйся, призывающих Тя сохраняющая и спасающая,

Радуйся, падших Твоею благостию возставляющая,

Радуйся, отчаянным надежду возвращающая,

Радуйся, скорбьми грехи наша очищающая,

Радуйся, печали наша благодатию утоляющая,

Радуйся, Милосердая, милости нам иконою являющая.

Благодатию Твоею, Пресвятая Богородице, якоже древле, и ныне притекающих к цельбоносней иконе Твоей не оставляеши, призывающим Тя благопоспешне вспомоществуеши, в печалех бедствующим помогаеши, и мы убо Твоим Заступлением спасаеми благодарными усты поем Богу: аллилуиа.

Поюще чудеса Твоя и милости, роду нашему явленныя, умильно припадаем к Пречистому образу Твоему, Владычице, и благоговейно лобызающе той, молим Тя: настави нас на путь спасения, буди Помощница и Заступница нам, вопиющим Тебе:

Радуйся, верным утверждение и защищение,

Радуйся, недужным и немощным исцеление,

Радуйся, вдов и сирот покров и соблюдение,

Радуйся, в нуждах сущих вспоможение,

Радуйся, лишения терпящих довольством исполнение,

Радуйся, скорбных матерей утешение,

Радуйся, сиротствующих чад невидимое охранение,

Радуйся, прибегающих к Тебе скорое посещение,

Радуйся, Милосердая, милости нам иконою являющая.

О, Всеблагая и Всемилосердая Мати, Пречистая Госпоже Богородице, приими моление сие, ныне Тебе приносимое, от нас грешных и недостойных рабов Твоих, ко образу Твоему, аки к Тебе Самей припадающих, призри милостивно на веру и упование наше, избави нас от бед и скорбей, подаждь нам руку помощи в жизни сей и будущия изми муки, да спасаеми Тобою выну вопием: аллилуиа, аллилуиа, аллилуиа.

(Этот кондак читается трижды, затем икос 1 и кондак 1)

КО ПРЕСВЯТОЙ БОГОРОДИЦЕ

О, Всемилостивая Госпоже Дево Богородице, услыши нас молящихся Тебе, и яви нам скорую милость Твою, Моли Сына Твоего избавитися нам от всякаго зла и сохрани люди, благочестно прибегающия и призывающия имя Твое святое, от всякия напасти, всех нас сохраняющи под кровом благости Твоея, ризою Твоею честною защити. Призри на всех нас призрением милостиваго Твоего заступления и молитвою Твоею сподоби нас со Христом жити и радости ангельския в небесных селениих наслаждатися. Ты бо еси, Госпоже, Слава небесных и Упование земных. Ты наша Надежда и Заступница всех, притекающих к Тебе и Твоея святыя помощи просящих, тем же всечестный образ Твой и рукою Твоею Держимаго Вседержителя видяще на иконе, радуемся грешнии, со умилением припадаем и любовию сей целуем, чающе, Госпоже, Твоими богоприятными молитвами в мире и благочестии земный путь прейти и небесныя безконечныя жизни достигнути и Трисиянному Богу со всеми, угодившими Ему, поклонятися во веки веков. Аминь.